Hagskýrslur um dómsmál - 01.01.1930, Síða 7

Inngangur
lntvoduction.
1. Almennar athugasemdir.
Remarques préliminaires.
Skýrslur um sakamál, lögreglumál og sáttamál hafa verið birlar
síðan 1864. Þó hafa aldrei verið birtar skýrslur fyrir árin 1870—72 og
fyrir árin 1874—77 aðeins um sáttamál. í C-deild Stjórnartíðinda 1887
bls. 44—46 hefur Arnljótur Ólafsson skrifað rækilega um það, hvenær
fyrst var farið að heimta skýrslur um dómgæzluna hér á landi og um
tilhögun skýrslnanna. Alla tíð síðan farið var að birta dómgæzluskýrsl-
urnar og fram til 1918 hafa þær verið svo að segja alveg eins að efni
til. En frá ársbyrjun 1919 var gerð á þeim gagnger breyting, þannig
að bæði fengust nánari upplýsingar um þau efni, er áður voru gefnar
skýrslur um, og ennfremur var farið að safna skýrslum um ýmislegt við-
víkjandi réttarfarinu, sem áður höfðu ekki verið gefnar skýrslur um.
2. Sakamál
Affaires criminelles.
í töflu I (bls. 20—23) er yfirlit um sakamálsrannsóknir og sakamál
árin 1919—25 í hverju lögsagnarumdæmi á landinu og á öllu landinu í
heild sinni. Á þessum 7 árum hafa alls verið leiddar til lykta á öllu
landinu 310 sakamálsrannsóknir eða að meðaltali 44.3 á ári, en upp
hafa verið kveðnir 126 varðhaldsúrskurðir eða að meðaltali 18.0 á ári.
Á þessum árum hafa verið höfðuð alls á öllu landinu 163 sakamál eða
að meðaltali 23.3 á ári. Hefur því nálega helmingur sakamálsrannsókn-
anna ekki leitt til málshöfðunar. Meginhlutinn af sakamálsrannsóknum
og sakamálum kemur á Reykjavík. Þar hefur á þessum árum verið
lokið við 208 sakamálsrannsóknir eða að meðaltali 29.7 á ári. Er það
um 2/3 af öllum sakamálsrannsóknum á landinu. Svipað hlutfall er á
milli varðhaldsúrskurða í Reykjavík og á landinu í heild sinni. Voru þeir
86 eða að meðaltali 12.3 á ári í Reykjavík á þessum árum. Aftur á móti
hafa tiltölulega fleiri sakamálsrannsóknir leitt til málshöfðunar í Reykjavík