Dagblaðið Vísir - DV - 23.10.2008, Blaðsíða 4

fimmtudagur 23. október 20084 Fréttir
Þrír greindust
með HIV
Þrír greindust með HIV-
sýkingu á fyrstu sex mánuð-
um ársins hér á landi. Þeir sem
greindust á þessu tímabili eru
allir af erlendu bergi brotnir. Á
fyrstu sex mánuðum síðasta árs
greindust einnig þrír með HIV-
sýkingu og því er ekki um aukn-
ingu að ræða á milli tímabila.
Hins vegar hefur orðið mikil
aukning á þeim sem greinast
með lifrarbólgu B. Á fyrstu sex
mánuðum þessa árs greind-
ust 38 manns með sjúkdóminn
samanborið við nítján á sama
tíma í fyrra. Frá þessu er greint
í Farsóttarfréttum Landlæknis-
embættisins.
InnlendarFréttIr
ritstjorn@dv.is
Röng mynd
Fyrir handvömm birtist í
gær mynd af Hjördísi Árna-
dóttur, framkvæmdastjóra
fjölskyldu- og félagsþjón-
ustusviðs Reykjanesbæjar,
með frétt um verðhækkanir á
þunglyndislyfinu Amitriptyl-
ine en þar var vitnað í nöfnu
hennar, Hjördísi Árnadóttur
sviðsstjóra ytri samskipta hjá
Actavis. Beðist er velvirðingar
á þessu.
Áfangaheimilið Svanurinn getur hýst allt að fimmtíu manns í varanlegu húsnæði:
Vímuefnaneysla brottrekstrarsök
„Heimilið byggir á þeim grunni
að ekki eigi að refsa fólki fyrir mistök
heldur að reyna að aðstoða það við
að aðlagast samfélaginu á ný, hvort
sem fólk er að koma úr fangelsi, með-
ferð eða af spítala,“ segir Þór �liver
Gunnlaugsson, formaður Líknarfé-
lagsins Stoða, hagsmunafélags fanga.
Félagið hefur undanfarin tvö ár stað-
ið að undirbúningi áfangaheimilisins
Svansins sem verður formlega opnað
að Vatnsstíg 1. nóvember.
Þór �liver, sem afplánar nú dóm á
Litla-Hrauni vegna manndráps, hef-
ur barist ötullega fyrir hagsmunum
fanga og er afar stoltur af nýja heim-
ilinu. Hann segir aðeins eitt skilyrði
vera fyrir dvöl þar: „Að vera edrú.
Það verður engin vímuefnaneysla á
heimilinu.“
Þór �liver vekur sérstaka athygli
á því að á Vatnsstígnum fá jafnt inni
pör sem einstaklingar, og jafnvel fólk
með börn. „Við viljum hjálpa fólki að
komast af götunni og fjölskyldugerð
skiptir þar engu. Allir eru jafn rétthá-
ir,“ segir hann.
Ásta Kristmannsdóttir verður for-
stöðukona áfangaheimilisins. Þar
eru 25 stúdíóíbúðir þar sem tveir
geta dvalist og því er pláss fyrir allt
að fimmtíu manns á heimilinu.
Hver einstaklingur þarf að borga
59 þúsund krónur í leigu og er
greiddur helmingur þess fyrir börn.
Leigutakar sækja um að fá þar inni
til minnst þriggja mánaða og mest
þriggja ára. Samningurinn endurnýj-
ast sjálfkrafa á þriggja mánaða fresti
sé honum ekki sagt upp af leigusala,
til dæmis ef íbúi brýtur skilyrði um
að vera án vímuefna.
Áfangaheimilið er með opið hús í
dag og hefur verið skorað á fjölda sam-
taka og stofnana að senda þangað full-
trúa sína til að kynna sér starfsemina
með möguleika á að sækja um fyrir
sína skjólstæðinga, svo sem velferðar-
svið Reykjavíkurborgar, Félagsþjónust-
una og Fangelsismálastofnun. erla@dv.is
Heimilislegt áfangaheimili máni traustason tók í gær á móti fulltrúum velferðar-
stofnana í nýju áfangaheimili sem verður opnað um mánaðamótin.
Ekki tapa
gleðinni
forsvarsmenn félags íslenskra
bifreiðaeigenda gerðu sitt til að létta
lund borgarbúa sem áttu leið
framhjá höfuðstöðvum þeirra í
borgartúninu í gær en þeir höfðu
sett engilsaxneskt orðatiltæki út í
glugga hjá sér sem á íslensku
útleggst: „ekki hafa áhyggjur, vertu
kát/ur.“
Ekki skylt
að auglýsa
„Það er ekki verið að fara á
svig við neinar reglur eða lög,“
segir Þorfinnur �marsson,
upplýsingafulltrúi viðskipta-
ráðuneytisins, um ráðningu
nýrra bankastjóra viðskipta-
bankanna án þess að stöðurnar
væru auglýstar. „Það er ekki skylt
samkvæmt lögum því þetta eru
ekki ríkisstofnanir,“ segir hann
og bendir á að í ljósi breytinga
á fjármálamarkaði hafi þurft að
hafa hraðar hendur og ráða hæft
fólk fljótt og örugglega í störf
bankastjóra Nýja Glitnis, Nýja
Landsbankans og Kaupþings.
„Ef nægur tími hefði verið má
ímynda sér að hugsanlega hefðu
þessar stöður verið auglýstar en
sá tími var ekki fyrir hendi,“ segir
hann.
Auðkýfingurinn og fyrrverandi eig-
andi Landsbanka Íslands Björgólf-
ur Guðmundsson vill ekki tjá sig við
þjóðina um þær gríðarlegu skuld-
ir sem Landsbankinn hefur steypt
þjóðinni í. Þegar hann var spurður
hvort hann vildi ekki skila einhverju
til þjóðarinnar, sem hefur ekki heyrt
orð frá honum eftir að bankinn
var þjóðnýttur, svaraði Björgólfur
því efnislega að hann hefði öðrum
hnöppum að hneppa.
Þegar DV náði í viðskiptaráð-
herra Íslands, Björgvin G. Sigurðs-
son, kallaði hann á að eigendur
Landsbankans sættu ábyrgð. Hann
krefur þá um samfélagslega ábyrgð;
það verði aldrei sátt um
að þeir skilji eftir
sig sviðna jörð og
Svarta-Pétur á
hendi íslensku
þjóðarinnar.
Kallar eftir
siðferðilegri
ábyrgð
„Það er morg-
unljóst að sið-
ferðileg ábyrgð
aðaleigenda
Landsbankans er
gríðarleg mikil. Að
mínu mati ber þeim af-
dráttarlaust að gera allt
sem í þeirra valdi
stendur
til
þess að standa skil á því sem kann
að vanta upp á,“ segir Björgvin en
skuldir vegna Icesave-innlánsreikn-
inga Landsbankans hlaupa á hundr-
uðum milljarða króna. Milljörðum
sem þjóðin þarf að borga. Reikning-
arnir hafa orðið til þess að forsætis-
ráðherra Bretlands, Gordon Brown,
nýtti sér ákvæði í lögum um hryðju-
verk til þess að frysta eigur bankans
þar í landi. Þar með var Landsbanki
Íslands kominn í hóp með löndum
eins og Afganistan og Líberíu, auk
hryðjuverkasamtakanna al-Kaída.
Orðspor Íslands var einnig stórskað-
að.
Ekki sátt um sviðna jörð eftir
auðkýfinga
„Þeirra er algjörlega hin viðskipta-
lega og siðferðilega ábyrgð. Ég skora
á þá að standa reikningsskil gjörða
sinna, losa allt tiltækt fé erlendis,
koma með heim, greiða sín-
ar skuldbindingar og taka
þátt í uppbyggingu samfé-
lagsins. Það verður aldrei
sátt um að þeir skilji eftir
sig sviðna jörð og Svarta-
Pétur á hendi íslensku
þjóðarinnar,“ segir Björg-
vin sem kallar á samábyrgð auðkýf-
inganna og hvetur þá beinlínis til þess
að sýna þá siðferðilegu ábyrgð að láta
ekki íslensku þjóðina borga tæplega
sex hundruð milljarða króna lán. Ís-
lenska ríkið vinnur núna í því að fá
lánið hjá Bretlandi.
Situr í öðrum málum
Þegar blaðamaður náði sam-
bandi við Björgólf og innti hann um
viðbrögð vegna efnahagsástandsins
svaraði Björgólfur: „Nei, ég stend
hérna alveg á fundi sko, þakka þér
fyrir.“
Aðspurður hvort hann væri til-
búinn að ræða við blaðamann síð-
ar svaraði hann því að það væri ekki
mögulegt, hann hefði engan hug
á að tjá sig um
ástandið.
„En vilt
þú ekki
skila ein-
hverju til
þjóðar-
innar?“
spurði
blaða-
maður þá
og Björgólf-
ur svaraði: „Nei, nei, nei..., ég bara...,
ég sit bara í öðrum málum, þakka
þér bara fyrir að hringja í mig.“
Eignir upp í lán
Samkvæmt Björgvini G. Sigurðs-
syni er ekki ljóst að hve stórum hluta
eignir bankans munu geta borgað
þær skuldir sem Landsbankinn hef-
ur steypt þjóðinni í. Aftur á móti er
unnið að lántöku upp á 582 millj-
arða króna til þess að standa straum
af reikningum þeirra þúsunda Breta
sem kunna Íslendingum litlar þakk-
ir. Meðal þeirra sem Icesave skuldar
eru góðgerðastofnanir og lögreglu-
embætti auk fjölda sveitarfélaga.
Kostnaðurinn vegna lánsins nemur
tæpum tveimur milljónum króna á
hvert mannsbarn hér á landi.
Björgólfur Guðmundsson er nú
á Íslandi, en samkvæmt heim-
ildum DV dvaldi hann nýver-
ið á sólarströnd. Sonur hans
og viðskiptafélagi, Björgólfur
Thor Björgólfsson, er hins
vegar á heimili sínu í Lund-
únum, samkvæmt heimild-
um DV.
Auðkýfingurinn og fyrrverandi eigandi Landsbanka Íslands Björgólfur Guðmundsson
vill ekkert segja við þjóðina varðandi efnahagsástandið en Landsbankinn hefur steypt
þjóðarbúinu og þjóðinni allri í gríðarlegar skuldir. Viðskiptaráðherrann Björgvin G.
Sigurðsson kallar eftir siðferðilegri ábyrgð eigenda.
Björgólfur
axlI By g
valur GrEttiSSon
blaðamaður skrifar: valur@dv.is
Björgvin G. Sigurðsson Segir að
það verði aldrei sátt um að auðkýf-
ingar skilji eftir sig sviðna jörð.
Björgólfur Guðmundsson Hefur
lítið við þjóðina að segja, segist
sjálfur vera að sinna öðrum málum.
„... ég sit bara í
öðrum málum.“„ég skora á þá að
standa reikningsskil
gjörða sinna.“