Dagblaðið Vísir - DV - 23.10.2008, Blaðsíða 18

Einn helsti burðarásinn í atvinnulífi á
Blönduósi er athafnamaðurinn Lár-
us B. Jónsson. Hann rekur fjölbreytta
flóru fyrirtækja á ýmsum sviðum
framkvæmda og þjónustu. Lárus
veitti byggingarvörudeild Kaupfé-
lagsins á staðnum forstöðu um langt
árabil en eftir að leiðir skildu milli
hans og Kaupfélagsins setti hann
upp eigin verslun og rak hana þar til
Kaupfélagsmenn buðu honum búð-
ina sína til kaups.
Reksturinn óx hratt
„Ég keypti fyrst af þeim lager-
inn og reksturinn svo í framhaldinu
keypti ég húsnæðið líka. Ég hef þeg-
ar byggt við það til að fá meira rými
undir reksturinn en umsvifin aukast
jafnt og þétt þannig að við erum að
sprengja húsnæðið utan af okkur aft-
ur.“
Það er nokkuð ótrúlegt að verslun
með svo fjölbreytt vöruval geti geng-
ið á ekki stærri stað en Blönduósi,
það virðist allt vera til í þessari búð.
Fyrir utan venjulegar byggingar-
vörur er höndlað með heimilistæki,
raftæki, ótrúlegustu gerðir af sport-
vörum og meira að segja skartgripi.
Lárus kímir þegar haft er orð á þessu
og bendir á að fyrirtæki hans hafi
frá upphafi verið rekin með hagnaði
og segist ekki sjá nein teikn um að
breyting verði þar á.
Krákur um allt land
Samhliða því að Lárus hóf eigin
verslunarrekstur stofnaði hann tré-
smíðafyrirtækið Krákur og hóf að
búa til sumarhús sem seld voru um
allt land, auk þess að bjóða í smærri
og stærri verk. „Fyrsta verkið okkar
var að byggja veiðihús í Langadal,
svo byggðum við til dæmis leikskóla
í Hveragerði og nú erum við að ljúka
við byggingu nýs Staðarskála.“ Það er
því ljóst að hreppabönd halda ekki
aftur af athafnasemi Lárusar.
Stöðug aukning hefur verið í
umsvifum hans í bænum og með-
al annarra fyrirtækja sem hann rek-
ur, ýmist einn eða í fálagi við aðra,
er fasteignafélag sem á um tuttugu
fasteignir á Blönduósi. Þá er á hans
snærum pípulagningaverkstæði svo
eitthvað sé nefnt.
Í félagi við son sinn rekur hann
fyrirtækið Ísgel sem framleiðir gel-
blöndur sem notaðar eru til að
halda ýmist hita eða kulda og eru
meðal annars notaðar til að halda
réttu hitastigi á hinum svokallaða
flugfiski auk þess að draga úr tíða-
verkjum og gigt, en fyrirtækið er með
í framleiðslu vinsæla sjúkralínu með
mörgum gerðum af heitum og köld-
um bökstrum.
Engir vegir ófærir
„Stundum skil ég eiginlega ekkert
í þessu, hvernig stendur á því að ég
dregst að ólíkum rekstri. Áður en við
settum upp matsölustað hérna, Pott-
inn og pönnuna, í samstarfi við sam-
nefnt fyrirtæki í Reykjavík, hefði mér
þótt óhugsandi að ég ætti eftir að taka
þátt í veitingarekstri.“ Eftir allt sem á
undan var gengið kom fáum á óvart
að Lárus skyldi nú í sumar kaupa
sumarhús Glaðheima á Blönduósi.
Þar er gisting fyrir 50 manns í 10 vel-
búnum sumarhúsum.
„Fyrir næsta sumar ætla ég að
vera búinn að tvöfalda gistirýmið.
Það er þegar byrjað að fjölga hús-
um en hugmyndin er að bæta við
10 húsum. Þá verður gisting fyrir
100 manns hjá okkur. Sum húsanna
verða búin heitum pottum og gufu-
böðum þannig að vel mun fara um
gesti okkar í framtíðinni. Við sjá-
um samhliða gistingunni um rekst-
ur upplýsingamiðstöðvar ferðamála
og tjaldstæðis staðarins. Þannig að
hér skapast einhver störf. Það er líka
ýmislegt sem bendir til þess að Ís-
lendingar muni ferðast innanlands
næstu árin þannig að maður verður
að vera undir það búinn.“
Umsvif Lárusar kalla á nokkurn
fjölda starfsfólks. Um 30 manns starfa
nú hjá hinum ýmsu fyrirtækjum sem
hann kemur að rekstri á en hann á
von á að einhver fækkun verði í harð-
asta skammdeginu. Nokkur fjöldi út-
lendra manna starfar hjá honum og
telur hann áhöld um hvort þeir komi
aftur eftir jólafrí, enda kjararýrnun
þeirra mikil eftir hrun krónunnar.
GS
fimmtudagur 23. október 200818 Norðurland
Líkamsrækt til heil-
brigðis og vellíðunar
Hjá sumum snýst lífið bara um ís... Aðalstræti 3 - Akureyri
Lárus B. Jónsson athafnamaður á Blönduósi endaði á því að kaupa byggingarvörudeild Kaupfélagsins eftir að
hafa starfað þar í mörg ár. Hann segir bókstaflega allt fást í verslununni en Lárus stendur í kostulega fjöl-
breyttum atvinnurekstri.
Byggingarvörur og skartgripir
Lárus B. Jónsson athafnamaður
á Blönduósi Í verslun sinni þar
sem hægt er að fá nánast allt sem
hugarflugið leyfir að spurt sé um.
Vinnusvæðið Lárus er í
ótrúlega fjölbreyttum rekstri.
Lárus og starfsmennirnir margir
af starfsmönnum Lárusar eru af
erlendu bergi brotnir og óljóst með
framtíð þeirra hér á landi.