Húnavaka - 01.05.2014, Qupperneq 16

H Ú N A V A K A 14
eitthvað sem heit ið getur. Við vissum sem sagt hvort af öðru áður en róm-
antíkin fór að gera vart við sig.
Það er auðheyrt og séð á öllu að hér fara samheldin hjón. Hvernig byrjaði ástarsaga
Helgu og Gunnars?
Helga: Við erum búin að vera svo lengi saman að það væri auðveldlega hægt
að setja okkur á safn þótt við séum aðeins á sextugsaldri. Ég var sautján ára
þegar við fórum að vera saman eftir eitthvert sveitaballið hér á svæðinu. Ég var
að vinna í gömlu sundlauginni á Blönduósi og hafði tekið eftir Gunnari sem
var greinilega aktívur náungi sem mætti á fótboltaæfingar á kvöldin. Hann var
alltaf síðastur að koma sér út úr búningsklefanum sem pirraði mig óstjórnlega
þar sem ég gat ekki klárað að þrífa og ganga frá í sundlauginni fyrr en síðasti
maður var farinn út. Ég man að eitt skiptið henti ég dótinu hans út á tröppur
til að geta gengið frá í sundlauginni og komist heim að sofa.
Gunnar: Varstu orðin sautján ára? Ég man eftir henni á Kagaðarhóli og
svona hér og þar en hún var bankastjóradóttir og mjög fín með sig. Við vorum
hér á sama svæðinu, það er góð sveitatenging á milli okkar. Ég gæti trúað að
hún næði aftur til ársins 1973. Árið 1976 urðum við par. Þá var ég útskrifaður
úr menntaskóla og Helga var nýkomin með bílpróf og hafði, eins og margir á
þeim tíma, lært hjá Hauki á Röðli. Hún kunni samt ekkert að keyra enda fór
hún í örfáa ökutíma og hafði aldrei áður keyrt svo mikið sem dráttarvél. Á
Kagaðarhóli var það ekki starf fyrir konur, hvað þá stelpur, að keyra
dráttarvélar á þeim tíma sem Helga var þar í sveit. Veturinn 1976-1977 var ég
við nám á Hvanneyri í bændadeild og eftir það fór ég í búvísindadeildina þar
og útskrifaðist þaðan sem búfræðikandidat vorið 1981.
Næst er að fá að vita um fyrstu skrefin í búskap unga fólksins.
Gunnar: Sumarið 1980 vorum við bæði að vinna á Torfalæk hjá þeim Torfa
og Ástu, sem nú eru látin og Elínu og Jóhannesi sem eru miklir vinir okkar og
hafa reynst okkur vel í hvívetna. Þetta var mikið sólarsumar, Vigdís var kosin
forseti og Hekla gaus.
Í ferðalagi í „gamla daga“ með mömmu og pabba. Helga til vinstri, síðan Elísabet og til
hægri Sverrir litli bróðir.