Húnavaka - 01.05.2014, Side 18

H Ú N A V A K A 16
snjóavetur. Það var einfaldlega
allt á kafi í snjó þarna allan vet-
urinn. Mér fannst fljótlega að
þessi búskapur væri alveg út í
loftið hjá okkur. Ég fann fljótt
að ég vildi ekki festa mig yfir
belju- og rollurössum. Mig
langaði að læra meira og fannst
bæði harðbýlt þarna nyrðra,
búið heldur smátt og ekki líklegt
til mikils vaxtar. Margt var
þarna gott en hugurinn stefndi
annað.
Vorið 1982 ákvað Helga að gef-
ast upp á snjónum og búskapnum í
Þingeyjarsýslunni og fór suður í
Hvera gerði til foreldra sinna. Þá var
eldri sonurinn, Andri, á leiðinni og Helga fékk vinnu í Eden og við af leysingar á skrifstofu
Heilsuhælisins í Hveragerði um sumarið.
Gunnar: Hún fór bara suður ólétt og sagði að ég gæti elt hana ef ég vildi. Ég
var um sumarið á Halldórsstöðum en fór svo á eftir henni suður. Ég fór þá í
svo kallað fjórða árs nám við Búvísindadeildina á Hvanneyri og dvaldi þá um
nokkurra vikna skeið í Danmörku en það var hluti af náminu. Var ég þar að
stúdera „Niður brot próteins í vömb jórturdýra“ en þetta viðfangsefni hefur
heillað marga bændur síðan og kveikti áhuga minn á fóðurfræði. Þennan vetur
fór Helga í Kennaraháskóla Íslands, fyrst og fremst til að ná sér í víðtæka og
hagnýta menntun.
Helga: Andri fæddist svo 14. janúar 1983. Þá var Gunnar kominn heim frá
Danmörku til að axla sína ábyrgð! Ég
var þrjú ár í Kennaraháskólanum og
mér fannst eftir á að ég hefði verið í
barnastússi eða ólétt allan þann tíma.
Helgi fæddist í júní 1985 um 3 vikum
eftir að ég útskrifaðist með kennara-
prófið svo það má með sanni segja að
ég hafi notað tímann vel í Kennó.
Gunnar: Ég var að vinna hjá RALA,
meðal annars við beitartilraunir á
Auð kúluheiði 1983-1984. Landið,
sem við vorum að meta á þessum
tíma, er nú allt komið undir vatn og
það er svolítið undarlegt að hugsa til
þess. Á árinu 1984 fór ég svo að vinna sem fóðurfræðingur hjá Fóður blönd-
unni og starfaði þar þangað til við flutt um út til Ameríku í byrjun árs 1986.
Í Fort Collins á skólaárunum, Helga með Andra og
Helga. Í Colorado getur verið mikið vetrarríki,
stundum 20 stiga frost á vetrum en yfirleitt logn og
kyrrt.
Á námsárunum í USA. Feðgarnir Gunnar
og Helgi á „sólbaðsströndinni“ í Fort
Collins.