Húnavaka - 01.05.2014, Side 25

H Ú N A V A K A 23
Valgerði hefur einnig alltaf verið með besta móti. Ég vil líka minnast á hve gott
það er að ala upp börn í okkar samfélagi sem er staðsett hæfilega langt frá
ýmsum hættulegum freistingum. Við sem erum foreldrar þurfum að vera
meðvituð um það að hvert ár sem ungmenni halda sig frá því sem ekki er gott
fyrir þau, vinnur með þeim inn í framtíðina. Þroskinn eykst og þau verða
færari um að velja „rétt“ í lífinu.
Gunnar: Eftir að við fluttum að Þingeyrum vann ég í hlutastarfi sem til-
raunastjóri á Stóra-Ármóti í nokkur ár en fór síðan að vinna sem fram-
kvæmdastjóri hjá Ráðunautaþjónustu Húnaþings og Stranda þegar hún var
stofnuð árið 2002. Ráðunautaþjónustan sá um leiðbeiningaþjónustu við
bændur á Húnaflóasvæðinu öllu en hún var síðan sameinuð búnaðar sam-
böndunum í A-Hún, V-Hún og á Ströndum árið 2007 og úr því varð til
Búnaðarsamband Húnaþings og Stranda. Sem framkvæmdastjóri búnaðar-
sambands hef ég dágóða yfirsýn um líf og störf fólksins í héraðinu okkar og
þekki mjög marga hér, bæði í gegnum starf mitt og svo í gegnum tengingar frá
því í gamla daga, þegar maður var svo að segja innsti koppur í búri víða í
gegnum byggingastarfið. Mér finnst okkur vanta uppbyggingu á þetta svæði
núna en þá er ég ekki að meina að staða á útihúsum hér um slóðir sé slæm
heldur að það vantar þessa seinni uppbyggingu sem hefur þegar orðið t.d. á
Suðurlandi en hefur ekki náð hingað nema að litlu leyti. Vonandi fer það að
breytast því það er erfitt fyrir fólk að horfa á þróun eins og til dæmis það að
árið 2000 voru um 50 mjólkurframleiðendur í Austur-Húnavatnssýslu en árið
2014 eru um 50 mjólkurframleiðendur samtals í Austur- og Vestur-
Húnavatnssýslum og búið að leggja niður mjólkurbúin bæði á Hvammstanga
og Blönduósi. Við eigum mikla möguleika á þessu svæði, bæði í landbúnaði og
ferðaþjónustu.
Helga: Ég vil taka undir þetta en vil segja að fólk þarf að hafa frumkvæði.
Aðrir geta bent á tækifærin en fólkið þarf sjálft að finna ástríðuna og áhugann
til þess að framkvæma hlutina. Tækifærin eru út um allt og í dag er hægt að
gera svo ótalmargt óháð búsetu.
Nýtt hesthús var byggt við reiðskemmuna á Þingeyrum og tekið í notkun árið 2008. Húsið
hýsir á fjórða tug hrossa og er einstaklega skemmtilega hannað og þar fer vel um
tamningamenn í vinnunni og hesta þegar þeir eru á húsi.