Víkurfréttir - 20.09.2012, Blaðsíða 4

FIMMTUDAGURINN 20. SEPTEMBER 2012 • VÍKURFRÉTTIR4
Leiðari Víkurfrétta
Eyþór Sæmundsson, blaðamaður
vf.is
Ekki er vika án Víkurfrétta - sem koma næst út fimmtudaginn 27. september 2012. Bókið auglýsingar í síma 421 0001 eða fusi@vf.is
Kveðja
Það eru breytingar í loftinu, bókstaflega. Það er
farið að kólna og liturinn á trjánum er meira
farinn út í rautt og gult. Það breytist hjá manni
lundin og venjur verða aðrar þegar hausta tekur
og enn eitt frábært sumar að baki. Hjá mörgum Suður-
nesjamanninum boðar haustið upphaf körfuboltans og um
leið lok fótboltans. Skólinn byrjar jú líka. Fótboltatímabilið
er reyndar orðið full langt að mati undirritaðs en það er
orðið helvíti kalt undir það síðasta. Það hefur svo líklega
einhver áhrif á aðsókn á leikina sem hefur ekki verið neitt
til að hrópa húrra fyrir hjá Suðurnesjamönnum þetta árið.
Grindvíkingar urðu loks að sætta sig við fall í 1. deild karla
í fótbotanum en undanfarin ár hafa þeir jafnan bjargað
sér frá falli á einhvern ótrúlegan hátt. Það verða því aðeins
Keflvíkingar sem halda uppi heiðri Suðurnesjamanna í fót-
boltanum næsta tímabil. Reyndar hefur sumarið ekki verið
gott hjá knattspyrnuliðum á svæðinu yfir höfuð. Ekkert
lið hefur verið að ná áberandi góðum árangri og ekki fóru
neinir bikarar á loft þetta árið í meistaraflokkunum. Það
kemur vonandi bara í körfunni enda eru allir stóru titlarnir
þar í eigu Suðurnesjaliða.
Það hefur sjálfsagt ekki farið fram hjá mörgum að Sport-
húsið opnaði nýlega glæsilega líkamsræktarstöð uppi á
Ásbrú. Þar er mikið líf enda mikil gróska í líkamsræktar-
bransanum hér sem annars staðar á Íslandi. Þetta er líka sá
tími þar sem flestir byrja aftur að hreyfa sig eftir afslappað
sumar. Eigendur Sporthússins segja viðbrögð hjá fólki hafa
farið fram úr þeirra björtustu vonum og það hefur verið
„brjálað“ að gera frá opnun um síðustu helgi. Þarna er nú
komin aðstaða eins og best verður á kosið og er Sporthúsið
á Ásbrú þriðja stærsta líkamsræktarstöð landsins, rúmir
2000 fermetrar.
Eitt að lokum. Nú líður að því að ég segi skilið við starf
mitt sem blaðamaður hjá Víkurfréttum. Við tekur nám og
búferlaflutningur erlendis. Þetta rúma ár sem ég hef starfað
hér hefur verið ákaflega lærdómsríkt og skemmtilegt. Ég
er uppalinn hér í Reykjanesbæ (lesist Njarðvík), en hafði
búið um nokkurt skeið á höfuðborgarsvæðinu og erlendis
áður en ég kom hingað til starfa. Eftir þessa fjarveru þá leit
ég samfélagið hérna á Suðurnesjum óneitanlega öðrum
augum en þegar ég kvaddi heimahagana rúmlega tvítugur.
Ég hef nú fengið einstakt tækifæri til að kynnast ýmsu hér
á svæðinu sem ég hefði annars aldrei gefið mér tíma í að
skoða. Jafnframt tækifæri til þess að starfa við það sem ég
hef áhuga á. Hundruð manna hafa orðið á vegi mínum og
margir spennandi atburðir hafa gerst á þessum tíma. Fyrir
utan allt það sem ég hef lært af reynslumiklu samstarfsfólki.
Takk fyrir mig.
Tekið er á móti auglýsingum á póstfangið fusi@vf.is.
Auglýsingar berist fyrir kl. 17 á þriðjudegi fyrir útgáfudag sem
er almennt á fimmtudögum. Móttaka smáauglýsinga fer fram
á vef Víkurfrétta, vf.is. Smáauglýsingar berist fyrir kl. 15 á
þriðjudögum. Sé fimmtudagur frídagur þá kemur blaðið út á
miðvikudögum og þá færist skilafrestur auglýsinga fram um
einn sólarhring.
Efni til Víkurfrétta skal sendast á póstfangið vf@vf.is.
Aðsendar greinar birtast á vef Víkurfrétta, vf.is. Það er mat
ritstjórnar hvaða aðsendu greinar birtast í prentaðri útgáfu
blaðsins. Ekki er greitt fyrir aðsent efni, texta eða myndir,
hvort sem það birtist í blaðinu eða á vefsíðum Víkurfrétta.
Víkurfréttir ehf., kt. 710183-0319
Krossmóa 4, 4. hæð, 260 Reykjanesbæ, sími 421 0000
Páll Ketilsson, sími 421 0004, pket@vf.is
Hilmar Bragi Bárðarson, sími 421 0002, hilmar@vf.is
Eyþór Sæmundsson, sími 421 0002, eythor@vf.is
Sigfús Aðalsteinsson, sími 421 0001, fusi@vf.is
Víkurfréttir ehf.
Þórgunnur Sigurjónsdóttir, sími 421 0006, thorgunnur@vf.is
Þorsteinn Kristinsson, steini@vf.is, sími 421 0006
Rut Ragnarsdóttir, sími 421 0000, rut@vf.is
og Aldís Jónsdóttir, sími 421 0000, aldis@vf.is
Landsprent
9000 eintök.
Íslandspóstur
www.vf.is, m.vf.is og kylfingur.is
Útgefandi:
Afgreiðsla og ritstjórn:
Ritstjóri og ábm.:
Fréttastjóri:
Blaðamaður:
Auglýsingadeild:
Umbrot og hönnun:
Auglýsingagerð:
Afgreiðsla:
Prentvinnsla:
Upplag:
Dreifing:
Dagleg stafræn útgáfa:
Menntun og
Mannrækt
Svipmyndir úr skólastarfi í Háaleitisskóla
Gaman í skólanum.
Duglegir nemendur niðursokknir í námið.
Einkunnarorð skólans eru menntun og mannrækt.
Háaleitisskóli:
Háaleitisskóli á Ásbrú tók til starfa haustið 2008 og er nú
á fimmta starfsári. Í skólanum
eru 135 nemendur í 1. - 7. bekk.
Háaleitisskóli er útibú frá Njarð-
víkurskóla en rekinn sem sjálf-
stæður skóli með eigin hefðir og
skólamenningu. Ásgerður Þor-
geirsdóttir er starfandi skólastjóri
Háaleitisskóla og Njarðvíkurskóla
en Anna Sigríður Guðmunds-
dóttir er aðstoðarskólastjóri Háa-
leitisskóla og sinnir daglegum
rekstri skólans.
Skólinn er á fyrsta framkvæmda-
rári í Heildstæðum stuðningi við
jákvæða hegðun (PBS) og eru ein-
kunnarorðin ÁBYRGÐ – SAM-
VINNA – TILLITSEMI. Heild-
stæður stuðningur er árangursríkt
stjórnunartæki sem reynist öllum
nemendum vel og líka þeim sem
hættir til hegðunarvandamála. PBS
er inngrip vegna hegðunar einstakra
nemenda, bekkja og skóla í heild og
samvinnu við fjölskyldur. Kerfið
byggist á stuðningi handa öllum
nemendum skólans. Verkefnið
byggist á því að skólasamfélagið
setji fram skýrar reglur um æski-
lega hegðun á viðeigandi svæðum
og nemendum eru kenndar vænt-
ingar til hvers svæðis fyrir sig.
Heildstæður stuðningur við já-
kvæða hegðun byggist á samvinnu
og samskiptum allra starfsmanna
skólans. Settar eru skýrar reglur
um afleiðingar óæskilegrar hegð-
unar og aðgerðir starfsfólks við að
styrkja jákvæða hegðun nemenda.
Nemendum eru kenndar reglur og
væntingar fyrir hvert svæði skól-
ans og sýnileg umbun notuð til að
styrkja æskilegu hegðunina með
svokölluðum hrósmiðum. Lögð er
áhersla á gagnasöfnun til að meta
árangur verkefnisins og til að vinna
jafnvel frekar með þau svæði sem
nemendur hafa ekki náð að tileinka
sér viðeigandi væntingar fyrir.
Í Háaleitisskóla eru starfandi metn-
aðarfullir og áhugasamir kennarar
sem hafa að leiðarljósi að koma til
móts við þarfir nemenda skólans.
Einkunnarorð skólans, menntun og
mannrækt, eru höfð að leiðarljósi í
öllu starfi skólans. Skólastarfið er
fjölbreytt og skemmtilegt, gert til
að höfða til nemenda skólans og
virkja áhuga þeirra á námi.
Listaaka-
demía opnar í
Reykjanesbæ
ListaAkademía Reykjanes-bæjar tekur til starfa að Klif-
tröð á Ásbrú þann 16. október
nk. ListaAkademían verður
með fjölþætta kennslu í listum.
Kennd verður m.a. grafík, málun,
teikning, kvikmyndagerð, hljóð-
vinnsla, skúlptúr og listasaga.
Það er myndlistarmaðurinn Guð-
mundur Rúnar Lúðvíksson sem
stendur að akademíunni.
Einnig verður boðið upp á fyrir-
lestra myndlistarmanna um ýmis-
legt er varðar nútíma myndlist.
Markmið skólans verður að koma á
fót almennri akademískri kennslu í
listum á sömu forsendum og m.a.
Myndlistaskóli Akureyrar. Í fyrstu
mun skólinn verða rekinn í anna-
skiptum áföngum sem hver stendur
í 3 mánuði í senn. Fyrir áramót og
eftir áramót.
Nemendur verða að velja a.m.k.
fjögur fög í hverjum áfanga, en
öllum er frjálst einnig að sækja alla
áfanga sem í boði eru hverju sinni.
Skólagjald fyrir hvern áfanga verður
45.000.- kr og gildir það fyrir allt
skólastarf.
Skólinn hefur sett upp heimasíðu á
slóðinni; www.listaakademia.com.
Stálu olíu
af vörubíl
Á annað hundrað
lítrum af olíu
var stolið af
vörubifreið í
Reykjanesbæ í
síðustu viku. Sá
sem tilkynnti stuldinn tjáði lög-
reglunni á Suðurnesjum að gul
slanga hefði legið meðfram hlið
vörubílsins þegar komið var á
vettvang. Þetta vakti að vonum
grunsemdir og þegar að var
gáð reyndust 100 til 150 lítrar
af olíu horfnir úr tanknum.
›› FRÉTTIR ‹‹