Víkurfréttir - 27.12.2012, Blaðsíða 18

fimmtudagurinn 27. desember 2012 • VÍKURFRÉTTIR18
Of mikil fram-
kvæmdagleði
að mati minni-
hlutans
Fjárhagsáætlun Grinda-víkurbæjar fyrir árið 2013
var samþykkt á bæjarstjórnar-
fundi 27. nóvember síðast-
liðinn. Þar kom fram að stefnt
er að framkvæmdum fyrir allt
að 700 milljónir á næsta ári.
Fulltrúi Sjálfstæðisflokksins,
Guðmundur Pálsson, bókaði
á fundinum að framkvæmd-
irnar væru of umfangsmiklar
og gagnrýndi of mikla fram-
kvæmdagleði meirihlutans.
„Meirihlutinn sýnir gríðarlega
mikla framkvæmdagleði með
því að fara í framkvæmdir upp
á um 700 milljónir á næsta ári.
Öllum hefur verið gert að sæta
aðhaldi í rekstri til að ná tökum
á fjármálum Grindavíkurbæjar
og það hefur tekist með óeigin-
gjörnu vinnuframlagi starfs-
manna bæjarins í samvinnu við
bæjarstjórn. Þessum árangri er
sýnd lítil virðing og stefnt í hættu
með áætluðum framkvæmdum
sem munu kal la á aukinn
rekstrarkostnað upp á tugi millj-
óna. Það að ráðast í tvær stórar
framkvæmdir á sama tíma er
mjög vitlaust. Þetta getur leitt til
þess að útboð hækki og verkefni
færist frekar til aðila utan bæjar-
félagsins,“ segir í bókun minni-
hlutans.
Meirihlutinn svaraði með eftir-
farandi bókun: „Bæjarfulltrúar
B-, G- og S-lista vilja benda á
að þær framkvæmdir sem farið
verður í á næsta ári snúa allar að
því að búa til betri aðstöðu fyrir
starfsfólk bæjarins og samnýta
starfsfólkið betur svo hægt sé að
veita betri þjónustu til bæjarbúa.
Öllum er ljóst að húsnæði þessara
stofnana og aðstaða starfsfólks
sem þar vinnur er löngu komið
til ára sinna. Bæjarfulltrúar B-,
G- og S-lista eru sammála því
að mikilvægt er að fara í fram-
kvæmdir á tímum sem þessum.
Sveitarfélögum ber skylda til
þess að framkvæma þegar niður-
skurður er í samfélaginu enda
mun ódýrara að framkvæma þá
en í góðæri. Einnig er mikilvægt
að taka fram að ástæðan fyrir því
að miklar framkvæmdir verða
á árinu 2013 er vegna þess að
framkvæmdir við íþróttahúsið
og tónlistarskólann/bókasafnið
áttu að hefjast á þessu ári en
töfðust.“
Fjárhagsáætlun Grindavíkur-
bæjar var samþykkt með sex
atkvæðum en fulltrúi minni-
hlutans sat hjá.
„Ertu til í að vera með í að skipuleggja
og taka þátt í Maríumessu“. Ég trúði ekki
mínum eigin eyrum, ég að tala í kirkju.
Fyrir kristinfræðikennarann og núverandi
nemanda í guðfræðideild hljómaði þetta
eiginlega of gott til að vera satt. Ég var ekki
lengi að samþykkja þetta og svo hugsaði ég
„nú skal ég sko vanda mig sem aldrei fyrr
og pússa gamla geislabauginn svo stirni
á og stífa vængina – heilaga Lóa mætt á
svæðið“.
Sunnudagurinn fór í að skrifa
hugvekju um kærleikann – sem
var svo brakandi fín að þegar ég
bað vin minn að lesa yfir átti hann
í mestu vandræðum. „Anna Lóa,
þetta er mjög fínt hjá þér en ólíkt
öllu sem þú hefur skrifað, það var
eiginlega bara erfitt að lesa þetta“.
Hrokinn kom upp í minni og ég
hugsaði „hann skilur bara ekki
hvað það er mikilvægt að hafa
þetta nánast heilagt – ég meina
ég ER að fara að tala í kirkju“. En
þetta hreyfði við mér og ég fór að
hugsa – sem ég geri stundum á
tyllidögum; af hverju var ég beðin að tala
í kirkjunni. Jú líklega af því að ég hef náð
til fólks, bæði sem ráðgjafi og pistlahöf-
undur. Ég hef reynt að sleppa yfirborðs-
mennskunni og einsett mér að vera einlæg
í því sem ég er að fást við og passa mig á
þeirri gildru að reyna ekki að vera það sem
ég tel að aðrir vilja að ég sé.
En það gildir bara annað þegar maður er
að tala í kirkju!!! Mér fannst að ég yrði
að sýnast æðri, meiri, merkilegri........úff,
einhvern veginn ekki alveg rétti andinn
og ég var komin á mjög hættulegan stað.
Hvernig ætlaði ég að ná til þeirra sem
þarna voru ef ég þorði ekki að gera það
sem ég er alltaf að tala um – vera ég sjálf.
Ætlaði ég að segja við aðra að besta ein-
takið af okkur sjálfum er frumeintakið,
en ekki léleg kópía af einhverjum öðrum
– nema þegar þú talar í kirkju!!
12.12.2012 rann upp – þessi flotti dagur
og Maríumessan framundan. Ég var enn
að vesenast með þetta – heilaga Lóa eða
ég sjálf!! Ég ákvað að biðja um hjálp – fá
þetta til mín sem það gerði svo sannarlega
(það er efni í annan pistil). Ég skrifaði
nýja hugvekju og var búin með hana rétt
áður en messan hófst – ég ákvað að hug-
vekjan um kærleikann kæmi frá hjartanu
– án ritskoðunar og efasemda um hvort
það sem ég hafði fram að færa væri nógu
„kirkjulegt“.
Sannur kærleikur í mínum huga snýst um
að maður beri það mikinn kærleik til sín
og annarra að maður þori að koma fram
til dyranna eins og maður er klæddur og
það var hárrétt ákvörðun hjá mér þetta
kvöld – takk þið sem voruð þarna með
mér. Það skiptir svo miklu máli að treysta
því samfélagi sem maður tilheyrir fyrir
sjálfum sér og trúa því að fólk sé almennt
þannig gert að það dæmi manneskjuna út
frá því hver hún er en ekki hvernig þeim
finnst hún eiga að vera.
Kæri lesandi, hvet þig að beina kærleik-
anum inn á við ekkert síður en til okkar
hinna. Stór hluti af því er að vera sáttur í
eigin skinni og átta sig á því að um leið og
þú tekur sjálfan þig í sátt bregst umhverfið
við og býður sáttarhönd á móti. Ef við
erum alltaf að senda út þau skilaboð að
við séum ekki alveg nógu góð – þá bregst
umhverfið gjarnan þannig við okkur eins
óréttlátt og það hljómar.
Það er endalaust verið að endurmeta og
endurreikna þessa dagana. Hvernig væri
að nota árið 2013 í að endurmeta eigið
ágæti og sýna sjálfum sér og öðrum meiri
kærleika. Jákvætt sjálfsmat og gott sjálfs-
traust með slatta af kærleika er líklegast eitt
af því mikilvægasta þegar kemur að ham-
ingju og hagsæld heimilanna. Björgum því
frá niðurskurðarhnífnum – okkur sjálfum
og samfélaginu til heilla.
Langar að nota tækifærið og þakka sam-
fylgdina á árinu um leið og ég óska þér og
þínum gleðilegs árs!
Þangað til næst – gangi þér vel!
Anna Lóa
Fylgstu með mér
http://www.facebook.com/
Hamingjuhornid
,,Kirkjuleg“ áramótakærleikskveðja!
ANNA LÓA
ÓLAFSDÓTTIR
SKRIFAR
HamIngjUHoRnIð
Anna Lóa
Það var kátt í höllinni þegar árlegt jólaball var haldið á Ránni við
Hafnargötu í Reykjanesbæ. Ballið er
haldið af bæjarstjóra fyrir þjónustunot-
endur Hæfingarstöðvarinnar, sambýla,
þjónustuíbúða, Dósasels og iðkenda í
NES.
Skyrgámur mætti á staðinn og var hrókur
alls fagnaðar eins og vanalega. Védís Her-
vör söngkona og Baldur Guðmundsson
héldu uppi stuðinu og dansað var vel og
lengi í kringum jólatréð.
Meðfylgjandi myndir tók Eyþór Sæmunds-
son, ljósmyndari Víkurfrétta.
... og pússa gamla
geislabauginn svo
stirni á og stífa vængina
- heilaga Lóa mætt á
svæðið.
ÁRAMÓTABLAÐIÐ
SkyRgÁMuR geRÐI
Lukku Á jÓLABALLI
Jólafjör