Nesfréttir - 01.11.2014, Page 10

10 Nes ­frétt ir
U M H V E R F I S H O R N I Ð
Garðeigendur á Seltjarnarnesi! Eigið þið stórt greni-
tré sem til stendur að fella á næstunni? Ef svo er þá
gæti það prýtt opið svæði á Seltjarnarnesi sem jólatré
í jólamánuðinum. Starfsmenn Seltjarnarnesbæjar eru
tilbúnir að koma og fella tréð og fjarlægja það ykkur
að kostnaðarlausu. Vinsamlegast hafið samband við
þjónustuver Seltjarnarnesbæjar í síma 5959100.
Margnota innkaupapokar
Seltjarnarnesbær var fyrst sveit-
arfélaga til að senda bæjarbúum
margnota innkaupapoka árið 2006
og síðan aftur árið 2013. Nú eru
verslanir í næsta nágrenni við
okkur farnar að bjóða viðskipta-
vinum sínum að kaupa margnota
poka og einnig að setja vörurnar í
sterka, umhverfisvæna maíspoka.
Maíspokarnir fást í verslunum Hag-
kaupa, Krónunni og Bónus. Þeir brotna algerlega niður á 10-45 dögum
við góð jarðgerðarskilyrði. Verslunin Víðir selur sterka, margnota poka.
Umhverfisnefnd hvetur bæjarbúa til að nýta sér bæði maísinnkaupa-
poka og margnota poka og með því vinna gegn þeirri umhverfisvá sem
plastið er.
Mengun frá eldgosinu
í Holuhrauni mæld á
Seltjarnarnesi
Frá eldgosinu í Holuhrauni losna
gosefni út í andrúmsloftið sem geta
haft áhrif á heilsu manna. Algengustu
gosefnin eru vatn (H2O), koldíoxíð
(CO2) og brennsteinsdíoxíð (SO2).
Auk þess losna önnur efni eins og
brennisteinsvetni (H2S), vetni (H2),
kolmónoxíð (CO), vetnisklóríð
(HCl), vetnisflúoríð (HF), og helíum (He) út í andrúmsloftið – en í
minna magni.
Mestu áhrif gossins á heilsu manna eru af völdum SO2. Helstu
einkennin eru ertingur í augum, hálsi og öndunarfærum og við háan
styrk getur fólk fundið fyrir öndunarörðugleikum. Fólk með undirlig-
gjandi astma, berkjubólgu, lungnaþembu og hjartasjúkdóma er viðkvæ-
mara fyrir SO2 en heilbrigðir einstaklingar og fær einkenni við lægri
styrk en aðrir. Viðkvæmum er ráðlagt að hafa öndunarfæralyf tiltæk.
Sjálfvirkir mælar Umhverfisstofnunar mæla styrk SO2 víða
um landið. Sýni þeir „góð loftgæði“ nær styrkur brennisteins-
díoxíðs ekki yfir 300 míkrógrömm á rúmmetra og við þær aðstæður
eru yfirleitt engin áhrif á heilsufar einstaklinga. Unnt er að nálgast
niðurstöður mælinganna á heimasíðu Umhverfisstofnunar, sjá einnig
www.loftgæði.is
Seltjarnarnesbær hefur fest kaup á þremur gasmælum sem verða
staðsettir í Íþróttamiðstöð, Leik- og Grunnskóla Seltjarnarness. Innan
tíðar munu upplýsingar um loftgæði vera aðgengilegar á vef bæjarins.
Stöðugar mælingar á svifryki fara fram í Reykjavík við Grensásveg og
Fjölskyldu- og húsdýragarðinn en einnig á Hvaleyrarholti í Hafnarfirði,
Kópavogi og víðar á landinu.
Ýmsar heimildir.
F.h. umhverfisnefndar,
Margrét Pálsdóttir, formaður
Jólatré
Þessi steinn er á bak við
Valhúsaskóla. Garðar Ólafsson
úrsmiður tók mynd af steininum
sem er á bak við Valhúsaskóla
og langar að vita hvort einhver
kannast við hann eða veit um
sögu hans.
„Ég rakst á hann í vor. Ég var
búin að sýna mörgum þennan
stein en enginn kannaðist við
hann. Mér dettur í hug að hann
sé frá stríðsárunum. Gaman væri
að vita deili á honum. Það er ekki
auðvelt að finna hann, því steinninn
snýr bakhliðinni í göngustíginn. Ef
einhver veit deili á þessum steini
og hver hafi gert myndina gæti
viðkomandi snúið sér til Nesfrétta
með upplýsingar.“
Hver veit deili
á steininum við
Valhúsaskóla?
Steinninn sem Garðar myndaði að baki Valhúsaskóla.
Flatahraun 5a • www.utfararstofa.is • Símar: 565 5892 & 896 8242
ÚTFARARSTOFA HAFNARFJARÐAR
ÚTFARARSTOFA ÍSLANDS
Suðurhlíð 35, Rvík. • Símar 581 3300 & 896 8242 • www.utforin.is
Sverrir
Einarsson
Kristín
Ingólfsdóttir
Hinrik
Valsson