Suðri - 19.11.2015, Blaðsíða 6

Eigum á lager
Ford F350 Lariat 2016
og Dodge Ram 3500
Ford F350 2016 Lariat
Dodge Ram 3500 Longhorn 2016
• Varahlutir • Sérpantanir
• Aukahlutir • Bílasala
• Verkstæði Umboðsaðilar BL
á Selfossi
IB ehf • Fossnes A • 800 Selfoss • ib.is
Sími 4 80 80 80
6 19. Nóvember 2015
Unnar
Þór
sjötugur
Unnar Þór Böðvarsson, fyrr-verandi skólastjóri, er einn af áhrifamestu og farsælu-
stu skólamönnum landsins. Hann
var um áratugaskeið skólastjóri á
Suðurlandi. Fyrst í Aratungu og síðan
í Hvolsskóla, þar sem hann skilaði
merku verki. Unnar Þór fagnaði
áfanganum með vinum og kunn-
ingjum í Grindavíkurskóla, þar sem
Halldóra Gunnarsdóttir sambýlis-
kona Unnars starfar sem skólastjóri.
Hátíð í bæ – jólatón­
leikar í níunda sinn
-skemmtilegt að standa fyrir jólatónleikum í heimahéraði,
segir Kjartan Björnsson rakari, forseti bæjarstjórnar Árborgar og tónleikahaldari.
Jólatónleikarnir Hátíð í bæ verða haldnir í níunda sinn miðviku-daginn 9. desember í Iðu, íþrótta-
húsi FSu á Selfossi. Kjartan Björnsson
er maðurinn á bak við tónleikana og
segir hann hugmyndina þá að bjóða
Sunnlendingum upp á stóra jólatón-
leika líkt og gert er á höfuðborgarsvæð-
inu, með landsþekktum flytjendum í
bland við sunnlenska listamenn sem
alltaf hafa skipað stóran sess á tónleik-
unum. Þetta eru níundu tónleikarnir og
kennir margra grasa með flytjendum
allt frá Vík í Mýrdal, Rangárvallasýslu
og hingað í Árnessýsluna.
„Það er selt inn á mjög sanngjörnu
verði miðað við að flytjendur eru um
120 og því fullkominn óþarfi að leita
langt yfir skammt með afþreyingu í
aðdraganda jólanna. Maður er svo
skrítinn að finnast þetta vafstur
skemmtilegt í alla staði og verandi
mikið jólabarn sjálfur þá passar þetta
vel inn í myndina. Mörg fyrirtæki á
svæðinu hlaupa svo undir bagga og
hjálpa mér að gera þetta mögulegt en
án þeirra og aðstoðar fjölskyldu og vina
væri þetta ekki hægt ár eftir árm“ segir
Kjartan.
Hann segir að tvö megin verkefnin
séu að selja miða á tónleikana og mark-
aðssetja sem er mjög dýrt mál þegar
ódýrt er selt inn og hinn höfuðverk-
urinn er að koma saman prógramminu
og stilla upp dagskrá.
„En allt hefst þetta að lokum og sú
sterka vitund sunnlendinga að styðja
framtak í heimahéraði vegur þungt til
þess að láta þetta ganga upp. Frábærir
listamenn bæði í söng og hljóðfæraleik
gera þessa hátíð okkar svo að magn-
aðri jólagleði að ógleymdum leyni-
atriðum sem alltaf koma mönnum
í opna skjöldu. Forsalan er á fullu á
Rakarastofunni í Miðgarði og á midi.
is og einnig er hægt að panta miða í
síma 8992499. Árlega gefum við svo
fjölmarga miða “Sjóðnum góða” sam-
starfsverkefni kirkjunnar og Rauða
krossins og gefum þannig tækifæri
þeim sem minna mega sín í okkar sam-
félagi sem er alveg sérstaklega ánægju-
legt“, segir Kjartan en tónleikarnir hafa
verið fjölsóttir og eru þakklátt framtak
sem margir kunna vel að meta, enda
vel að verki staðið í hvívetna og standa
þeir fyllilega samanburð við það besta
á þessum vettvangi.
bgs
Stýrihópur stefnir að
útboði á nýjum Herjólfi
Elliði Vignisson, bæjarstjóri í Vestmannaeyjum, segir að unnið sé að útboði á nýjum
Herjólfi og að störfum sé stýrihópur
sem ætlað er það hlutverk að hann og
bjóða út ferju sem á að geta gengið
í Landeyjahöfn við allt að 3,5 metra
ölduhæð.
Elliði segir málin vissulega ganga
hægt enda séu Eyjamenn og gestir
þeirra búnir að bíða eftir nýrri ferju
síðan 2008. Vonir standa þó til að smíði
ferjunnar verði boðin út á næstu vikum.
Aðspurður um hvort sátt sé um að
smíða minni ferju, sem gæti ekki siglt
á Þorlákshöfn þegar ófært er í Land-
eyjahöfn segir hann svo ekki vera og að
raunhæft sé að Landeyjahöfn geti verið
opin stærstan hluta ársins.
„Nei það yrði aldrei sátt um ferju
sem getur ekki siglt í Þorlákshöfn
og sem betur fer stendur það heldur
ekki til. Ég efast ekki um að höfnin
geti verið opin mest allt árið. Hafnir
um allt land eru í stöðugri þróun og
allar bestu hafnir landsins hafa tekið
miklum breytingum á seinustu ára-
tugum. Dugar í því samhengi að skoða
til dæmis höfnina í Grindavík, Þorláks-
höfn og hér í Vestmannaeyjum. Engin
þeirra er nú lík því sem var þegar ég var
barn. Á sama hátt á Landeyjahöfn eftir
að þróast og verða betri,“ segir Elliði.
-Hvað er annars efst á baugi í Eyjum,
helstu verkefni ykkar hjá bænum?
„Í Vestmannaeyjum gengur vel.
Kjarnagreinarnar, sjávarútvegur og
ferðaþjónusta, standa mjög sterkt og
það eru gríðalega miklar fjárfestingar
að eiga sér stað. Vestmannaeyjabær er
svo í raun ekkert annað en afleiða af
gengi annarra. Þannig að við kvörtum
ekki. “
Kjartan björnsson.