Fréttablaðið - 07.03.2016, Síða 8

Hjartað brast við synj­unina,“ segir Meseret Tsegay, 25 ára barnshaf­andi kona, sem Útlend­ingastofnun hefur
synjað um hæli hér á landi. Konan
og eiginmaður hennar, Mehretab
Abraha, eru frá Erítreu og komu hing­
að til lands í febrúar á síðasta ári. Þeim
er vísað burt á grundvelli Dyflinnar­
reglugerðarinnar.
Hjónin eiga von á dóttur en Mes eret
er komin fimm mánuði á leið. Hún er
undir ströngu eftirliti lækna hér á landi
þar sem meðgangan er skilgreind sem
áhættumeðganga. Á flóttanum í gegn­
um Afríku og Evrópu hefur Meseret
þrisvar sinnum misst fóstur. Undir
eftirliti íslenskra lækna virðist allt ætla
að ganga betur.
Í dag mun lögfræðingur hjónanna
leggja fram beiðni um frestun réttar­
áhrifa á meðan þau fara dómstóla­
leiðina í von um hæli hér á landi. Það
er ekki óalgengt að slíkum beiðnum sé
hafnað og þá verða hjónin send aftur
til Ítalíu, en það er fyrsta Evrópulandið
sem þau voru skráð inn í.
Í gegnum Afríku
Meseret var fjórtán ára gömul þegar
faðir hennar var handtekinn í heima­
landinu Erítreu. „Móðir mín flúði
með mig og systur mína, sem þá var
tólf ára. Við fórum fótgangandi og
á kameldýrum yfir til Súdan. Við
vorum að fara ólöglega á milli landa
svo við gátum bara ferðast á nóttunni
og máttum ekki sjást í eyðimörkinni
á daginn.“
Móðir Meseret varð eftir í Súdan
en hún er orðin öldruð kona. Meseret
fór því ein til Líbíu í von um betra líf.
Þar kynntist hún Mehretab. „Þegar
ég kom til Trípólí [höfuðborg Líbíu]
spurðist ég fyrir um hvar ég gæti hitt
fólk frá Erítreu. Svo hitti ég hann.“
Mehretab kom fyrr til Líbíu en
hann flúði Erítreu nítján ára gamall
til að komast hjá því að fara í herinn.
Erítrea er alræðisríki og mannréttindi
þar eru virt að vettugi. Mehretab fór
sömu leið og Meseret, fótgangandi
yfir landamærin til Súdan og þaðan
til Líbíu. „Það var mjög erfitt að búa
í Líbíu á þessum tíma því við erum
kristin. Ef þeir sáu að ég bar kross
var ég laminn og mér ógnað með
hnífum. Það var betra þegar ég vann
í Sahara en ástandið var mjög slæmt
í borginni.“
Á þessum tíma geisaði stríð í Líbíu
og einn daginn var þeim hjónum sagt
✿ Ferð hjónanna til Íslands
Vísað burt á fimmta mánuði meðgöngu
Ung hjón eiga von á því að vera flutt til Ítalíu á næstu dögum á grundvelli Dyflinnarreglugerðarinnar. Hjónin hafa verið hér á landi í eitt
ár en áður höfðu þau verið á flótta frá Erítreu í tíu ár. Á Íslandi líður þeim eins og þau geti loksins átt framtíð fyrir sig og ófædda dóttur.
Meseret Tsegay og Mehretab Abraha hefur verið synjað um hæli af Útlendingastofnun. FréTTAblAðið/AnTonbrink
Snærós
Sindradóttir
snaeros@frettabladid.is
að allir útlendingar yrðu að koma sér
út úr landinu. Meseret var sótt á rútu
og flutt að strandlengjunni þar sem
hennar beið erfið ferð yfir Miðjarðar­
hafið á hriplekum bát ásamt 300
öðrum. Eiginmaður hennar var fastur
við vinnu í Sahara og leiðir skildi.
Í flóttamannabúðum
Þegar Mehretab kom tveimur dögum
síðar lenti hann í öðrum flóttamanna­
búðum og þau hjón áttu ekki eftir að
vita af hvort öðru í tvo mánuði. Á
endanum bárust boð á milli búðanna
sem varð til þess að þau fréttu að hitt
þeirra hefði lifað ferðina yfir Mið­
jarðarhafið af.
„Þegar ég spurði hvort ég mætti
skipta um búðir til að vera með eigin­
manni mínum var mér sagt að þá
þyrfti ég að byrja pappírsferlið mitt
upp á nýtt. Svo ég sagði nei. Ég vildi
frekar fá leyfi á Ítalíu.“
Meseret fékk hæli á Ítalíu en Mehr­
etab landvistarleyfi. Þau héldu að
þeirra biði nýtt líf en utanumhaldið
var sama sem ekkert og þau enduðu
á götunni.
Vinnumansal og mafían
Hjónin vilja ekki koma fram á mynd
af ótta við glæpamenn sem þau kom­
ust í kynni við á Ítalíu. Fari svo að þau
verði send aftur til baka óttast þau
hefndaraðgerðir.
„Ég vil ekki sýna andlit mitt því það
veit enginn að ég er hér. Ég vann á
Ítalíu hjá mönnum sem vildu hafa mig
sem þræl. Ég vann við að tína appels­
ínur hjá þeim en fékk ekkert kaup. Þeir
neyddu mig líka til að gera hræðilega
hluti,“ segir Mehretab.
Mehretab segir að um skipulagða
glæpastarfsemi hafi verið að ræða.
Hann hafi meðal annars verið neyddur
til að fara með fíkniefnasendingar og
hafi verið beðinn um að útvega fólk í
vinnuþrælkunina. Hann lýsir því að
hann hafi verið eins og milliliður fyrir
mafíuna.
„Þeir voru alltaf að ógna mér með
hnífum og byssum. Ég gat ekki krafist
þess að fá launin mín greidd og í hvert
sinn sem mig vantaði pening af því
mér var kalt eða af því ég var svangur
þá þurfti ég að fara niður á hnén og
grátbiðja um launin mín. Þá fékk ég
smáaura.“
„Einn daginn var ég að fara með
sendingu af appelsínum ásamt öðrum
manni. Við vorum að afferma bílinn
þegar hann skreppur frá. Ég komst
í peninga frá þeim og svo hljóp ég í
burtu eins hratt og ég gat.“
Friðsælt land á hjara veraldar
„Við ákváðum að fara til Íslands því
það var langt frá Ítalíu. Ég hafði lesið á
netinu að Ísland væri friðsælt land og
að það væri ekki í Evrópusambandinu.
Ég veit samt að þið virðið Dyflinnar­
reglugerðina. Og það er á grundvelli
hennar sem okkur er sagt að fara núna,“
segir Mehretab.
„Þeim er alveg sama um stöðu okkar,
þau hugsa bara um þessa reglugerð. Við
getum ekki dáið vegna Dyflinnarreglu­
gerðarinnar. Á Ítalíu svaf ég í stigagangi
í tvær vikur. Lögreglan gerði rassíu á
lestarstöðinni svo það var ekki lengur
hægt að sofa þar og kirkjan er yfirfull,
þó hún hafi reynt að hjálpa okkur. Við
höfum engan stað til að fara á.“
Mehretab segir að á Íslandi líði þeim
vel og að hér vilji þau ala dóttur sína.
„Ég er farinn að sjá framtíð mína hér.
Ég var ungur þegar ég flúði heimaland
mitt og þá var ég hamingjusamur því
ég hélt að ég myndi eiga betra líf, halda
áfram að mennta mig og fá vinnu. En
þegar ég kom til Súdan var stríð þar
líka. Svo þegar ég kom til Ítalíu var ég
hamingjusamur því mér hafði verið
bjargað af Miðjarðarhafinu og hélt að
ég væri kominn til hinnar friðsömu
Evrópu.“
Hjónin segja að betra væri að deyja
á Íslandi en að fara til baka í óvissuna.
„Á einu ári hér greru ör tíu ára á flótta.
Ég er að læra íslensku og við erum að
byrja upp á nýtt.“
Þeim er
alveg
sama um stöðu
okkar, þau hugsa
bara um þessa
reglugerð. Við
getum ekki dáið
vegna Dyflinnar-
reglugerðarinnar.
Mehretab Abraha
Ísland
líbýa
Erítrea
Súdan
Ítalía
7 . m a r s 2 0 1 6 m Á N U D a G U r8 F r é t t i r ∙ F r é t t a B L a ð i ð
0
7
-0
3
-2
0
1
6

0
4
:4
4
F
B
0
5
6
s
_
P
0
4
9
K
.p
1
.p
d
f
F
B
0
5
6
s
_
P
0
4
8
K
.p
1
.p
d
f
F
B
0
5
6
s
_
P
0
0
8
K
.p
1
.p
d
f
F
B
0
5
6
s
_
P
0
0
9
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
8
B
0
-6
6
7
4
1
8
B
0
-6
5
3
8
1
8
B
0
-6
3
F
C
1
8
B
0
-6
2
C
0
2
7
5
X
4
0
0
.0
0
1
7
B

F
B
0
5
6
s
_
6
_
3
_
2
0
1
6
C
M
Y
K