Dagblaðið Vísir - DV - 01.11.2007, Síða 13

Sérblaðið DV-bílar heldur nú áfram göngu
sinni. Að vanda inniheldur blaðið umfjöllun
um bíla og eigendur þeirra frá ýmsum hliðum.
Stefán Ásgrímsson, ritstjóri FÍB blaðsins, segir
frá reynsluakstri Land Rover Freelander 2 en
í blaðinu má auk þess finna verðsamanburð á
dekkjum og þjónustu dekkjaverkstæða.
LÍTÉG ÚTFYRIR
AÐ ÞURFA HJÁLP?
Sigurbjörg Ólafsdóttir byrjaði
að keyra tengivagn hjá íyrirtækinu
Klæðningu í apríl. Hún hafði lengi
velt því fyrir sér að taka meirapróf en
hafði ávallt mildað það fyrir sér. Eftir
á segir hún að það hafi verið óþarfi.
„Ef maður er nógu duglegur að spyrja
strákana ráða og hlusta á hvað þeir
hafa að segja gengur þetta alveg upp.
Launin eru líka góð og atvinnumögu-
leikar meiri ef maður er með meira-
próf." Áður vann Sigurbjörg í snyrti-
vörudeildhmi í Fríhöfhinni. Hún býr
í Garðinum og setur það ekki fyrir sig
að keyra á morgnana til Reykjavíkur.
Kom sjálfri sér á óvart
Sigurbjörg segir starfið mjög
skemmtilegt auk þess sem hún er í
góðum félagsskap. Hún vinnur aðal-
lega innanbæjar en þó kemur fyrir að
hún þurfi að fara upp í Borgarfjörð.
Aðspurð hvað sé skemmtilegast við
vinnuna segir hún frá atviki sem átti
sér stað í sumar en þá hvellsprakk á
vagninum hjá henni. „Vinnufélagi
minn aðstoðaði mig við að tjakka
bflinn upp og sagði mér svo að taka
dekkið undan á meðan hann útveg-
aði nýtt dekk undir bflinn. Svo var
hann farinn. Á meðan gerði ég mér
lítið fyrir og tók dekkið undan bfln-
um, rétt eins og á venjulegum fólks-
bfl," segir Sigurbjörg en viðurkenn-
ir að með því hafi hún komið sjálfri
sér nokkuð á óvart. „Ég bar mig ná-
kvæmlega eins að og þegar mað-
ur skiptir um dekk á fólksbfl. Það
Sigurbjörg Ólafs-
dóttir er ein fárra
kvenna sem hafa
það að atvinnu að
keyra vörubil.
bara gekk upp. Ég bjóst aldrei við að
geta gert þetta ein," segir Sigurbjörg
hreykin en á meðan á dekkjaskipt-
unum stóð stoppaði maður og bauð
fram aðstoð sína. Sigurbjörg var fljót
til svars og sagði: „Lít ég út fýrir að
þurfa hjálp?" Hún segir kímin að
vesalings maðurinn hafi örugglega
bara stoppað vegna mittisbuxnanna
og g-strengsins sem blasti við vegfar-
endum á meðan á aðgerðinni stóð.
Vilja stofna stelpuklúbb
Spurð um samstarfið við hitt kyn-
ið í vinnunni segir hún það afar gott
þrátt fyrir að strákarnir stríði stelp-
unum svolítið. „Þeir stríða okkur
á því að þurfa að stoppa úti um allt
til að fara á klósettið á meðan þeir
stökkva bara út í móa þegar þeim er
mál. Einnig ef það kemur fyrir að við
bökkum vitlaust eða gerum eitthvað
ekki alveg rétt. Þá hrista þeir haus-
inn og segja: Guð minn góður, þetta
kvenfólk!" Sigurbjörg segir að aðr-
ir starfsmenn hafi gert að því mik-
ið grín um daginn þegar tvær þeirra
voru veikar á sama tíma. „Það var
mikið talað um að helmingur kvenn-
anna væri veikur. Það hljómaði ekk-
ert svakalega vel þótt það hafi verið
satt."
Hún segir að þær stöllur hafi mik-
inn áhuga á að stofna stelpuklúbb,
fyrir stelpur sem vinna í þessum
geira. „Ég vil hvetja allar stelpur sem
vinna í þessum bransa til að gefa sig
fram. Hugmyndin er að senda tölvu-
póst til sem flestra og reyna þannig að
láta skilaboðin ganga. Okkur langar
að hittast og gera eitthvað saman. Til
dæmis taka alvöru stelpudekur, fara
saman í Bláa lónið og fleira í þeim
dúr. Svo hefur líka komið upp sú
hugmynd að fara utan á bflasýningu,
svona eins og strákarnir gera stund-
um," segir Sigurbjörg að lokum.