Bændablaðið - 11.09.2014, Blaðsíða 8

8 Bændablaðið | Fimmtudagur 11. september 2014
Fréttir
Landbúnaðarháskóli Íslands á Hvanneyri:
Tíu störf lögð niður um
næstu mánaðamót
Á síðasta ári fór rekstur
Landbúnaðarháskóla Íslands
talsvert fram úr fjárhagsáætlun.
Skólanum er gert að greiða
10 milljónir króna til baka í
ríkissjóð á þessu ári, en síðan um
35 milljónir á næsta ári. Skiptar
skoðanir eru um hvort sameina
skuli Landbúnaðarháskólann og
Háskóla Íslands.
Björn Þorsteinson, rektor við
Landbúnaðarháskóla Íslands,
greindi starfsmönnum skólans frá
því á fundi fyrir skömmu að vegna
aðhaldsaðgerða í rekstri skólans
yrðu tíu störf lögð niður um næstu
mánaðamót.
Niðurskurðaráætlun sem tekur
gildi um áramót
„Í september munum við hrinda í
framkvæmd niðurskurðaráætlun
sem tekur gildi um næstu áramót.
Með áætluninni teljum við að búið
sé að koma fjárhagsáætlun skólans inn
fyrir þann fjárhagsramma sem okkur
er ætlaður og felst í því að ná endum
saman og endurgreiða 35 milljónir í
ríkissjóð 2015.
Okkur hefur verið ljóst frá því
snemma í vor að við yrðum að fara
í þessar endurgreiðslur til ríkissjóðs
og unnum eftir það samkvæmt
neyðaráætlun. Afleiðing þessa var
að ýmsir starfsmenn urðu uggandi
um sinn hag og nokkrir hafa þegar
fundið sér önnur störf sem gerði það
að verkum að núverandi fjárhagsár
gengur upp,“ segir Björn.
Leggja niður tíu störf
„Til þess að fjárhagsáætlun næsta árs
standist þarf aftur á móti að leggja
niður tíu störf til viðbótar. Viðkomandi
starfsmenn koma til með að hætta um
næstu áramót en kostnaði okkar af
sumum þeirra er þó ekki að öllu leyti
lokið því menn eiga eftir atvikum rétt
á biðlaunum. Áhrifin af niðurlagningu
starfanna koma því missnemma fram.“
Björn segir að ekki sé búið að
segja starfsfólkinu hverjir komi til
með að missa starfið en búið er að
greina almennt frá áformunum og að
það verði þung spor þegar kemur að
því að færa því uppsagnarbréfin. „Það
er ömurlegt að sjá að baki fólki sem
maður vill ekki missa.“
Þrátt fyrir að uppsagnir af
þessu tagi séu erfiðar og höggvi
skarð í starfsemina munu þær skila
sparnaði sem nægir til þess að
leiðrétta innbyggðan hallarekstur
skólans og gerir okkur kleift að eiga
fyrir endurgreiðslum og brýnustu
nýráðningum.“
Forsendur sparnaðaráformanna
Björn segir að sparnaðaráformin
séu unnin út frá eins faglegum
forsendum og nokkur möguleiki
sé á.
„Í fyrsta lagi er stefnt að því að
verja kennslu og rannsóknir við
skólann. Í öðru lagi fórnum við
þremur verkefnum sem ekki falla
beint undir kjarnastarfsemi skólans
þar sem tekjur af þeim nægja ekki til
reksturs þeirra. Þriðja forsenda er að
endurskipuleggja mönnun stoðsviða
og uppbyggingu þeirra. Í fjórða lagi
eru breytingarnar hugsaðar þannig
að sókn til uppbygginga skólans
verði sem auðveldust eftir að við
erum komnir í gegnum núverandi
þrengingar.“
Að sögn Björns hefur skólinn
tapað frá sér fólki undanfarið sem
hann getur ekki verið án. „Brotthvarf
starfsmanna hvort sem það er vegna
aldurs eða erfiðrar fjárhagsstöðu er
að skilja eftir sig faglegar eyður sem
við verðum að endurskipa fólki í.“
Strandaði á pólitísku skeri
Sameining Landbúnaðarháskólans
og Háskóla Íslands hefur verið
talsvert í umræðunni en að sögn
Björns strandaði hugmyndin á
pólitísku skeri.
„Ráðherra hafði sett sér að
skól arnir yrðu sameinaðir og ég
er á sama máli. Hugmyndin um
sameininguna er grundvölluð
á ítarlegri stefnumótunarvinnu
fagaðila meðal annarra á vegum
Vísinda- og tækniráðs.“
Spurður um hvað hann eigi við
með því að segja að hugmyndin
hafi strandað á pólitísku skeri segir
Björn að sveitarstjórnarmenn í
Borgarbyggð og Bændasamtök
Íslands hafi lagst mjög gegn
sameiningunni og á þeirri sveif séu
þingmenn Norðvesturkjördæmis.
„Ráðherra telur sig því ekki hafa
þingmeirihluta fyrir sameiningunni
og þegar upp er staðið er það Alþingi
sem ræður.“
Akademían vill sameiningu
„Ég tilheyri þeim stóra meirihluta
akademískra starfsmanna við LbhÍ
sem styður sameiningaráformin
og tel þau vera báðum skólum til
hagsbóta.
Við sem styðjum sameininguna
teljum að það eigi ekki að reka
háskólanám eins og gert er við
Landbúnaðarháskólann sem afgirt og
einangrað eyland. Námið á að vera
hluti af samtvinnaðri heild í stærra
fræðasamhengi enda þarf okkar
fagsvið að ná betri tengingu inn í
aðra fræðigreinar eins og hagfræði,
matvælafræði og verkfræði svo
dæmi séu tekin.
Hvað náttúrufræðikennslu
varðar þá erum við að kenna
náttúrufræði með vistfræðilegum
og nýtingartengdum áherslum sem
er ólík þeim áherslum sem eru við
Háskóla Íslands sem leggur áherslu
á aðgreindar sérgreinar t.d. líffræði
og jarðfræði og ég veit að kennarar
á þeim sviðum við Háskóla Íslands
sjá ýmsa möguleika í gagnkvæmum
samlegðarmöguleikum.
Ef við horfum til staðsetningar
Landbúnaðarháskólans þá höfum við
upp á margt áhugavert að bjóða fyrir
Háskóla Íslands hvað varðar aðgang
að fjölbreytilegu landi og aðstöðu til
rannsókna, útinámskeiða og aðstöðu
til funda- og ráðstefnuhalds bæði á
Hvanneyri og á Reykjum í Ölfusi.“
Meiri aðsókn á starfsmenntabraut
Aðsókn að Landbúnaðarháskólanum
var rýrari í haust en undanfarið. Ekki
var hægt að taka nemendur inn á
tvær brautir vegna þess hver fáir
þeir voru og því ekki réttlætanlegt
að halda úti kennslu á þeim brautum
vegna kostnaðar.
„Aðsókn var meiri á starfs-
menntabrautum en almennt rýrari
á háskólabrautir og við teljum að
það tengist að einhverjum hluta
atvinnuástandinu í landinu,“ en
ekki er hægt að útiloka neikvæð
áhrif umræðu um erfiða stöðu
skólans og óvissu um framtíð hans,
segir Björn Þorsteinsson, rektor
Landbúnaðarháskólar Íslands.
/VH
Björn Þorsteinsson.
Fjárlagafrumvarp ekki til að efla innlenda matvælaframleiðslu:
Bændasamtökin leggjast gegn
hækkun virðisaukaskatts á mat
Í nýju fjárlagafrumvarpi leggur
ríkisstjórnin til að hækka
virðisaukaskatt á mat úr 7% í
12%. Bændasamtökin mótmæla
þessum áformum harðlega og
telja þau skerða samkeppnisstöðu
innlendra búvara. Forystumenn
bænda telja fátt benda til þess að
ríkisstjórnin vilji efla innlenda
matvælaframleiðslu með nýju
fjárlagafrumvarpi.
Sindri Sigurgeirsson, formaður
BÍ, segir að lágur matarskattur stuðli
að því að allir geti notið heilnæmra
landbúnaðarvara sem framleiddar
eru hér á landi. „Við ættum að stefna
að því að lækka matarskattinn frekar
en hækka hann. Það er augljóst að
hækkun á virðisaukaskatti á matvæli
kemur illa niður á láglaunahópum og
erfitt er að sjá hvernig niðurfærsla
á vörugjöldum á innfluttum
neysluvörum hjálpar þessum hópi.
Bótakerfið getur ekki bætt upp þann
skaða sem þetta veldur. Við þurfum
öll mat og innlend framleiðsla er
mikilvæg í margvíslegu tilliti,“
segir Sindri. Hann telur hækkun á
skattinum fara þvert gegn yfirlýstri
stefnu ríkisstjórnar um eflingu
innlendrar matvælaframleiðslu
og styrkingu byggða. „Breytingin
mun styrkja stöðu verslunar til að
beita innlenda matvælaframleiðslu
ægivaldi. Skert umgjörð
landbúnaðar er grafalvarlegt mál
nú þegar allar alþjóðlegar skýrslur
benda á minnkandi framboð á mat
samhliða mikilli fólksfjölgun,“
segir Sindri.
Ekki hafa verið gerðar rannsóknir
á áhrifum skattabreytinga á innlenda
matvælaframleiðslu en talið er
óhjákvæmilegt að eftirspurn mun
breytast. Þá er næsta víst að aukinn
þrýstingur verður á innflutning
búvara þegar verð hækkar á
innlendri framleiðslu. Neysla mun
færast til á milli vöruflokka eða
staðkvæmdarvara og fólk velur
heldur ódýrari kosti.
Menntastofnanir landbúnaðarins
fá minna í sinn hlut
Mennta- og rannsóknastofnanir
landbúnaðarins ríða ekki feitum hesti
frá höfundum fjárlagafrumvarpsins.
Landbúnaðarháskóli Íslands fær
minni fjármuni í ár en í fyrra og er
raunlækkun um 8 milljónir króna.
Hólar fá sömuleiðis skerðingu.
Aðrir háskólar í landinu fá allir
auknar fjárheimildir.
Sérliður í fjárlögum sem
heitir „rannsóknir háskóla í þágu
landbúnaðar“ lækkar niður í 151
milljón króna er var 163 milljónir
á fyrri fjárlögum. Það er um 18
milljóna króna lækkun að raungildi.
Framlög til Framleiðnisjóðs
landbúnaðarins eru skert á meðan
ýmsir rannsóknar- og þróunarsjóðir
fá aukna fjármuni. „Þegar skoðuð er
sú útreið sem Landbúnaðarháskóli
Íslands fær í þessum fjárlögum
veltir maður því fyrir sér hvort
refsivöndur menntamálaráðherra sé
enn kominn á loft, vegna andstöðu
við sameiningu LbhÍ og HÍ.
Þegar horft er yfir þessi fjárlög er
afskaplega fátt sem bendir til þess að
ríkisstjórnin ætli að efna áform sín
um eflingu matvælaframleiðslu,“
segir Sindri.
Fjárlagaliðurinn „Bændasamtök
Íslands“ og embættismannaþrái
Formaður Bændasamtakanna segist
jafnframt ósáttur við að ekki hafi
verið orðið við þeirri eindregnu
ósk samtakanna að fjárlagaliður
sá er nú er nefndur „Bændasamtök
Íslands“ verði nefndur
„Búnaðarlagasamningur“, en það
heiti endurspeglar ráðstöfun þessara
fjármuna, m.a. til ráðgjafarstarfs í
landbúnaði, jarðabóta í sveitum,
búfjárræktarstarfs og fleira sem er
óskylt rekstri hagsmunasamtaka
bænda. „Undanfarin ár hefur borið
á því að álitsgjafar, m.a. innan
háskólasamfélagsins, hafa valið að
notfæra sér þessa yfirskrift til þess
að koma höggi á bændur og styrkja
þannig gagnrýni sína á landbúnaðinn.
Bændasamtökin hafa ítrekað farið
fram á að þessu heiti yrði breytt
en þær óskir hafa ekki náð eyrum
höfunda fjárlagafrumvarpsins. Það
er eðlileg og sanngjörn krafa að kalla
þetta sínu rétta nafni. Það er óþolandi
að svona sjálfsagðar breytingar
skuli ekki ná fram að ganga vegna
embættismannaþráa,“ segir Sindri
Sigurgeirsson.
Landgræðsluverðlaunin 2014:
Viðurkenning á fórnfúsu framlagi til landgræðslu
Umhver s og auðlindaráðherra, Sigurður Ingi óhannsson, ásamt handhöfum landgræðsluverðlauna 2014, þeim
iríki ónssyni í ýgjarhóli, Þor nni Þórarinssyni á Spóastöðum og Svövu Bogadóttur, skólastjóra Stóru ogaskóla
í ogum. Með þeim á myndinni er Sveinn Runólfsson landgræðslustjóri. Mynd / ÁÞ
25240
Litir: Svartur/hvítur
Str. 36-42
Verð 9.900,-
25180
Litir: Svartur/hvítur
Str. 36-46
Verð 10.500,-
00314 - Boston
Litir: Svartur/
hvítur
Str. 36-47
Verð 12.900,-
Teg. 25130
Litir: Svartur/hvítur
Str. 36-42
Verð 10.500,-
Bonito ehf. | Faxafen 10 | 108 Reykjavík | Sími 568 2878
Opið mánud. - föstud. 11:00-17:00, lokað laugardaga.
Fatnaður og skór
til vinnu og frístunda
Mikið úrval
af klossum
Vatteraðir jakkar fyrir
dömu og herra í 5 litum
Verð 14.900
Teg. 25090
Litir: Svart/Hvítt/Blátt
Str. 36-42
Verð 14.990,-
Praxis.is
Pantið vörulista
Umhverfis- og auðlindaráðherra,
Sigurður Ingi Jóhannsson, veitti
landgræðsluverðlaunin 2014 við
hátíðlega athöfn í félagsheimilinu
Aratungu í Biskupstungum í
gær. Verðlaunin eru árlega veitt
einstaklingum, félagasamtökum
og skólum sem unnið hafa að
landgræðslu og landbótum.
Eftirtaldir hlutu landgræðslu-
verðlaunin að þessu sinni: Eiríkur
Jónsson í Gýgjarhólskoti, Þorfinnur
Þórarinsson, Spóastöðum,
og Stóru-Vogaskóli í Vogum.
Verðlaunagripirnir, Fjöregg
Landgræðslunnar, eru unnir
af Eik-listiðju, Miðhúsum á
Fljótsdalshéraði.
Sindri Sigurgeirsson, formaður B .