Bændablaðið - 11.09.2014, Qupperneq 10

10 Bændablaðið | Fimmtudagur 11. september 2014
Fréttir
Þórður Guðmundsson, forstjóri Landsnets, Ragnheiður Elín Árnadóttir
iðnaðarráðherra og Kristján Haraldsson, orkubússtjóri Orkubús Vestfjarða.
Óvenjulegt ferðalag hnakktösku sem bóndinn á Hafrafellstungu týndi 2012:
Fannst ári seinna í 30
kílómetra fjarlægð
Það var heldur óvenjulegt
ferðalag sem hnakktaska ein
lagði upp í haustið 2012 en þá
varð Bjarki Fannar Karlsson
bóndi í Hafrafellstungu í
Öxarfirði viðskila við töskuna
í göngum. Hann segist ekki
alveg viss hvar taskan fór
nákvæmlega en þegar hann vildi
snúa við til að leita hennar sagði
gangnaforinginn að hann þyrfti
ekki að hafa áhyggjur af henni.
Skúli á Álandi myndi finna hana
í fjörunni hjá sér.
Og viti menn, ári síðar gerist
nákvæmlega það sem fyrir var
spáð, Skúli Ragnarsson, bóndi
á Ytra-Álandi í Þistilfirði, fann
töskuna góðu í fjörunni við Sandá
nærri bæ sínum, langt frá þeim stað
sem taskan týndist.
Bjarki segir líklegt að hún hafi
farið út í ána með lækjarkvísl
nálægt þeim stað er þeir smöluðu
en taskan ferðaðist því alls um 30
kílómetra leið á þessu eina ári.
Skúli hefur passað vel upp á
töskuna í vetur og beðið færis að
afhenda hana með viðhöfn. Það
færi gafst svo um liðna helgi enda
stutt í göngur og Bjarka bónda
farið að lengja eftir töskunni. Hann
og fjölskylda hans sóttu Skúla
heim og fengu þar höfðinglegar
móttökur eins og hefð er fyrir á
þeim bænum. Fagnaðarfundir urðu
er taskan góða komst í hendur
eiganda síns og greinilegt að
þetta er gæðagripur sem lítið varð
meint af volkinu. Í töskunni voru
bæði regnstakkur og sjóvettlingar
en eitthvað hafði gangnanestið
vænkast því í töskunni leyndist
koníaksfleygur. Meðfylgjandi voru
lyfseðill og notkunarleiðbeiningar:
Lyfseðill
Í nesti meðal má víst hafa
máské verður af því bót.
Hóstasaft og hryglusafa
heilsubæting verður skjót
Notkun
Notist helst í háska og neyð
huggun má það veita.
Að mæl´í sig skeið og skeið
skuggabaldur magnar seið
Og skúrkar valdi beita.
Taskan góða mun áreiðanlega þjóna
eiganda sínum um ókomna tíð eftir
þetta ævintýri og ekki ólíklegt
að nestið góða eigi eftir að væta
kverkar smalamanna í Öxarfirði í
komandi göngum. Segir ekki meira
af ferðalagi töskunnar. /GBJ
Fjölskyldan á hlaðinu á Ytra-Álandi: Karl Sigurður Björnsson, Eyrún Ösp Skúladóttir með Skúla Karl í fanginu,
Bjarki Fannar Karlsson með Laufeyju Þóru og Skúli Ragnarsson með hnakktöskuna góðu. Myndir / GBJ
Skúli Ragnarsson afhendir Bjarka Fannari Karlssyni hnakktöskuna góðu.
Bjarki var heldur betur ánægður að sjá gangnanestið sem fylgdi töskunni.
Unga heimasætan, Laufey Þóra
Bjarkadóttir, er greinilega efnilegur
bóndi og gluggar hér í markaskrána
af miklum áhuga.
Skref í áttina að betra
afhendingaröryggi raforku
á Vestfjörðum var stigið 3.
september þegar iðnaðarráðherra
tók formlega í gagnið nýtt
tengivirki Landsnets og Orkubús
Vestfjarða á Ísafirði.
Styrkingar hafa einnig farið
fram á Tálknafjarðarlínu og vinna
við varaaflsstöð Landsnets í
Bolungarvík er langt komin. Hún
á að vera tilbúin til notkunar fyrir
árslok að því er fram kemur í
fréttatilkynningu frá Landsneti.
Heildarkostnaður við bygg-
ingu nýja tengivirkisins og
jarðstrengslagnir er um hálfur
milljarður króna og kostnaður við
varaaflsstöðina í Bolungarvík um
einn og hálfur milljarður.
„Það er von okkar að þessi
verkefni skili verulega bættu ástandi
í raforkumálum hér,“ sagði Þórður
Guðmundsson, forstjóri Landsnets,
þegar nýtt tengivirki Landsnets og
Orkubús Vestfjarða á Ísafirði var
tekið í notkun við athöfn vestra af
iðnaðarráðherra, Ragnheiði Elínu
Árnadóttur.
Framleitt er mun minna rafmagn
á Vestfjörðum en þar er notað
og eina tenging svæðisins við
byggðalínuhringinn er um svokallaða
Vesturlínu. Afhendingaröryggi
raforku hefur ekki verið ásættanlegt
vestra og hefur það verið forgangsmál
hjá Landsneti á undanförnum
misserum og árum að bæta þar úr.
Þegar hefur verið komið fyrir
sérstökum fjarvörnum á öllum
línum Landsnets á Vestfjörðum sem
dregur úr líkum á umfangsmiklu
straumleysi og auðveldar
bilanaleit. Endurbætur hafa farið
fram á Tálknafjarðarlínu, bæði í
sumar og fyrrasumar, og bygging
varaaflsstöðvar í Bolungarvík er
langt komin þar sem hægt verður
að framleiða allt að 11 megavött
(MW) inn á svæðiskerfið með sex
dísilvélum. Þá lauk byggingu nýja
tengivirkisins á Ísafirði síðsumars
og var þörfin fyrir það orðin brýn.
Gamla virkið var orðið úr sér
gengið tæknilega, auk þess sem
það er á snjóflóðahættusvæði í
Stórurð og er þar í vegi fyrir nýjum
ofanflóðavarnargarði.
Samstarfsverkefni Landsnets
og Orkubús Vestfjarða
Nýja tengivirkið er staðsett á
iðnaðarsvæðinu á Skeið, innan
við Ísafjarðarkaupstað, við hlið
kyndistöðvar Orkubús Vestfjarða.
Nýtt tengivirki Landsnets og
Orkubús Vestfjarða á Ísafirði
Dýraheilbrigði:
Úttekt á eftirliti
með aflífun dýra
Eftirlitsstofnun EFTA (ESA)
birti fyrir skömmu skýrslu vegna
úttektar á opinberu eftirliti með
vernd dýra við aflífun.
Samkvæmt upplýsingum á vef
Matvælastofnunar fór úttektin fram
5.–9. maí 2014 og hafði það að
markmiði að kanna hvort eftirlit
með aflífun sé í samræmi við
matvælalöggjöf ESB sem tók gildi
hér á landi hinn 1. nóvember 2011
og um vernd dýra við aflífun sem
tók gildi 1. janúar 2013. Markmið
löggjafarinnar er að forða dýrum
frá óþarfa þjáningum í sláturhúsum.
Þessi úttekt ESA er sú fyrsta hér á
landi er varðar dýravelferð.
Innra eftirlit sláturhúsa ekki
fullnægjandi
Samkvæmt niðurstöðum úttektar-
innar hafa reglur um aflífun dýra
verið innleiddar á viðeigandi
hátt í íslenskt regluverk og
hefur eftirlitsaðili með vald
til beitingar þvingunarúrræða
verið skilgreindur. Þá hafa
héraðsdýralæknar hlotið viðeigandi
fræðslu vegna eftirlits með
aflífun dýra en þjálfun annarra
eftirlitsmanna var í sumum
tilfellum ekki fullnægjandi.
ESA ályktar að aflífun dýra í
sláturhúsum hérlendis uppfylli
almennt kröfur löggjafarinnar en
að rafdeyfing kjúklinga uppfyllti á
tímapunkti eftirlits ekki öll ákvæði
reglugerðar um aflífun dýra og að
eftirfylgni vegna skráðra frávika
eftirlitsaðila var ekki alltaf tryggð.
Jafnframt er það mat ESA að innra
eftirlit sláturhúsa sé enn ekki alveg
fullnægjandi m.t.t. skráningar
verklags og lykilmæliþátta við
aflífun og m.t.t. daglegs eftirlits
sláturleyfishafa með framkvæmd
hennar.
Starfsþjálfun eftirlitsmanna
MAST verður aukin
Matvælas to fnun he fu r
móttekið athugasemdir ESA
og lagt fram úrbótaáætlun.
Eftirlit Matvælastofnunar er
áhættumiðað og framkvæmt
samkvæmt skoðunarhandbókum
stofnunarinnar þar sem ferli við
eftirfylgni er skilgreint þegar upp
koma frávik. Gerð og endurskoðun
skoðunarhandbóka um daglegt
eftirlit í sláturhúsum stendur yfir,
bókinni er varðar slátrun ferfætlinga
er lokið og hún endurútgefin,
en bókin um slátrun alifugla er í
vinnslu. Í skoðunarhandbókunum
er m.a. tekið mið af fjölda nýrra
breytinga á löggjöf um dýravelferð
og skerpt á þeim atriðum sem ESA
telur ábótavant í eftirliti.
Starfsþjálfun eftirlitsmanna
MAST verður aukin. Þá hefur
Matvælastofnun þegar sent
tilmæli til sláturleyfishafa um
nauðsynlegar úrbætur með
hliðsjón af athugasemdum ESA til
að framkvæmd aflífunar uppfylli
kröfur laga og reglugerða er lúta að
velferð dýra á tímapunkti aflífunar.