Vestfirska fréttablaðið - 06.12.1978, Blaðsíða 9
9
tJteuaMadid
Hefur haft slæm
M.B. Dynjandi á rækjuveiðum í (safjarðardjúpi.
áhrif
Þetta bann við rækju-
veiðum nú í haust, hefur
skapað mikla erfiðleika hjá
fólki, sem hefur starfað við
þessar veiðar og þá sérstak-
lega rækjusjómönnum og
eigendum rækjubátanna.
Eigendur rækjubátanna
voru búnir að undirbúa
haustvertíðina, kaupa
veiðarfæri og undirbúa
bátana að öðru leyti fyrir
rækjuveiðar. Einnig má
benda á að handfæraver-
tíð lauk óvenju snemma á
þessu ári sökum ógæfta.
Rækjusjómenn hafa því að
mestu verið atvinnulausir
síðan í september. Einnig
hefur þetta komið illa nið-
ur á javí fólki, sem unnið
hefur í rækjuverksmiðjun-
um, þó að það sýni sig ekki
í skráningu atvinnulausra
hér í bæ. Stafar það bæði
af því að fólk hélt að veið-
ar hæfust fyrir áramót og
hins vegar að í rækjuverk-
smiðjunum vinna hús-
mæður, sem ekki vilja
vinna annars staðar.
AFLATRYGGINGASJÓÐI
VERÐI BREYTT
Vegna þessa alvarlega á-
stands í rækjuveiðimálum
fóru þrír fulltrúar frá Hug-
inn, félagi smábátaeigenda
á ísafirði og einn fulltrúi
frá Árvakri, félagi smá-
bátaeigenda í Bolungarvík,
á fund sjávarútvegsráð-
herra, nú fyrir skömmu.
Var sjávarútvegsráðherra
gerð grein fyrir stöðu þess-
ara mála og lofaði hann að
kanna málið. í þessum við-
ræðum kom einnig fram
að ekki væri gert ráð fyrir
því að sjómönnum og út-
gerðarmönnum sé bætt
það tap, sem þeir verða
fyrir í tilvikum sem þess-
um. Fulltrúarnir ræddu
einnig við þingmcnn Vest-
firðinga og varð niðurstaða
þeirra viðræðna sú að
þingmennirnir munu beita
sér fyrir breytingu á lögum
umÁflatryggingasjóð,
þannig að sá sjóður greiði
bætur í tilvikum sem
þessum.
AFLAVERÐMÆTI HEFÐI
GETAD ORÐIÐ 200
MILLJÓNIR
Rækjuveiðar hér í ísa-
fjarðardjúpi hafa venju-
lega hafist í október und-
anfarin ár og yfir haust-
mánuðina hefur aflinn ver-
ið um eitt þúsund tonn að
jafnaði. Þetta samsvarar
því að aflaverðmæti á
haustvertíð nú hefði getað
verið um 200 milljónir
króna ef veiðar hefðu byrj-
að í október. Að sjálfsögðu
hefði framleiðsluverðmæti
þessa magns verið mun
hærra eða allt að 400 til
500 milljónir króna. Bent
hefur verið á það að rækju-
bátar við Djúp myndu ná
leyfilegu aflamagni á þess-
ari vertíð, þrátt fyrir það
að veiðar yrðu ekki hafnar
fyrr en eftir áramót.
Rækjusjómenn telja þetta
ekki fullkomlega rétt, því
rækjan smækki venjulega
eftir áramót og jafnvel svo
mikið að farið sé fram á að
veiðisvæðum sé lokað.
Einnig benda rækjusjó-
menn á að það er erfitt
fyrir þá að vera tekjulitla á
þessum tíma árs og margir
hverjir búnir að leggja
verulegar upphæðir í að
undirbúa báta sína fyrir
haustvertfðina.
$ JÓLAMARKAÐUR K.Í.
verður opnaður í vöruskemmunni nú í vikulokin.
Opið frá hádegi. Lokunartími sami og hjá herradeild, dömudeild og sérvörudeild.
Leikföng og gjafavörur ýmiskonar. Gosdrykkir og ávextir í heilum kössum. Jolatre.
Matvöruúrval í
Kaupfélagsbúðunum!
HERRADEILD: DÖMUDEILD: SÉRVÖRUDEILD:
Herrafatnaður Kvenfatnaður Búsáhöld
yst sem innst Barnafatnaður Gjafavara
DUFFY’S Marks & Spencer Vefnaðarvara
gallabuxurnar vörurnar Möve handklæðin Arabia glervörurnar
Opið laugardag 9. des. til kl. 16:00,16. des. til kl. 22:00 og
23. des. til kl. 23:00. Ath. Gildir einnig um Jólamarkaðinn.
Allt í jólamatinn!
Hangikjöt - Nautakjöt - Svínakjöt -
London Lamb - Rjúpur - Gæsir - Kjúklingar.
Hnífsdalur - ísafjörður - Súðavík - Suðureyri
Opið 9. des. til kl. 16:00,16. des. til kl. 20:00
og 23. des. til kl. 22:00.
KAUPFÉLAG ÍSFIMGA