Vestfirska fréttablaðið - 27.08.1992, Blaðsíða 5
VESTFIRSKA
--1 FRÉTTABLAÐIP |-
Fimmtudagur 27. ágúst 1992
Slátra 13 þúsund fjár
„Við byrjum að slátra 9.
september og erum á fullu við
að undirbúa og gera sláturhús-
ið klárt“. sagði Birkir Guð-
mundsson frá Hrauni á Ingj-
aldssandi, sláturhússtjóri
Barða hf, á Þingeyri, í samtali
við blaðið. ..Það gengur vel að
ráða mannskap og ég er bjart-
sýnn á að það takist. Við kom-
um til með að slátra tæpum 13
þúsund fjár. Vegna flata
niðurskurðarins í haust gæti
talan farið eitthvað hærra. Við
ættum að geta afgreitt þetta á
svona 24 virkum dögum. Ætli
verði ekki 35 manns við þetta.
Við erum hættir að slátra stór-
gripum inn á frost á haustin
eins og við gerðum áður. Við
slátrum nú með reglulegu
millibili svo aldrei þurfi að
frysta nautakjötið. Við höfum
verið að slátra hálfsmánaðar-
Birkir Guðmundsson
sláturhússtjóri Barða hf.
lega í sumar og komum kjöt-
inu fersku á markaðinn",
sagði Birkir.
-GHj.
Rækjubaujan
á Ross Cleveland
slitnaði upp
í óveðrinu á föstudaginn
slitnaði upp baujan sem merk-
ir flak enska togarans Ross
Cleveland og rak hana inn á
Hnífsdalsvíkina. Flakið liggur
í kantinunr fram af Skutuls-
firði og hefur verið á því bauja
til þess að rækjubátar festi
ekki í því vciðarfæri st'n. Ross
Cleveland fórst í ofsaveðri í
febrúar 1968 á siglingu undan
Grænuhlíð til ísafjarðar og
hvolfdi skipinu vegna yfirís-
ingar. Einn maður, stýrimað-
urinn Harry Eddom, komst af
með ótrúlegum hætti og fannst
nær dauða en lífi inni í botni
Seyðisfjarðar eins og frægt
v,arð.
Að sögn hafnarvarðar á ísa-
firði var reynt að sækja
baujuna á hafnsögubátnum
Þyt en hann flaut ekki upp að
henni á víkinni. Varðskip kom
síðan og sótti baujuna og fór
með hana inn á ísafjörð þar
sem beðið er eftir nýjum legu-
færum við hana frá Hafna-
málastofnun. Verður bauj-
unni komið fyrir á sínum stað
strax og þau verða komin.
Sagði hafnarvörður keðjuna
hafa tærst í sundur niður við
steinninn sem heldur bauj-
unni.
-GHj.
Sjálfstæðishúsið
ekki lengur blátt:
„Skemmtistaðir eiga
að vera áberandi"
- segir Steinþór (Dúi) Friðriksson
Sjallinn á ísafirði hefur heldur betur tekið stakkaskiptum
þessa dagana. Húsið sem verið hefur blátt er nú orðið
einhvern veginn rauðgulbrúnt, svipað og lóðabelgir, og
áberandi eftir því. „Skemmtistaðir eiga að vera áberandi",
sagði Steinþór Friðriksson, sem rekur Sjallann og Krúsina,
og var að mála ásamt Helga bróður sínum og Rafni Jóns-
syni tónlistarmanni og Agli syni hans. Dúi þvertók fyrir að
þessi litaskipti væru á nokkurn hátt af pólitískum ástæð-
um, en eins og kunnugt er á Sjálfstæðisflokkurinn húsið
og félagsheimili hans er á annarri hæðinni. „Þegar ég
málaði húsið biátt fyrir tveimur árum varð fólk hreinlega
vitlaust og spurði hvort ég væri ekki með fullum sönsúm“,
sagði Dúi. „Nú gerist það sama, og fólk spyr af hverju
þessi fallegi blái litur megi ekki vera áfram! Þannig að
þessi appelsínulitur hlýtur að venjast lika.“
Kátir málarar: Dúi, Rabbi, Egill og Helgi.
Vélstjóri
óskast
Vélstjóri óskast á bát. Þarf að hafa 2. stig
vélstjóranáms.
Báturinn er að fara á troll, verður á línu í
vetur.
Uppl. í síma 7440 eða 7293 á kvöldin.
Togarabaujan á Hnífsdalsvíkinni.
Slitlag
fyrir Dýrafjörd
Nú er búið að leggja varan-
legt slitlag á þjóðveginn í
Dýrafirði frá Ketilseyri og yfir
Dýrafjarðarbrúna að Næfra-
nesi. Er þá komið samfellt slit-
lag frá Þingeyri að Gemlufalli
eða alla leið fyrir Dýrafjörð.
Fláningsmenn
Okkur vantar tvo til þrjá vana flánings-
menn til starfa í sláturhúsi okkar á Þing-
eyri í haust.
Upplýsingar gefur Birkir Þór Guðmunds-
son, sláturhússtjóri, í símum 8360 eða
4271.
Sláturfélagið Barði hf.
Myndin er tekin viö Ketilseyri
í síðustu viku og sést yfir í
Lambadal handan fjarðar.
Dýrafjarðarbrúin sést fyrir
ofan hægra horn skiltisins.
-GHj.
Rúmlega 170
Stapar á ættarmóti
— Hógværðin ekki aðalsmerki
þessa fólks
Segja má að verulega mikið
hafi gcngið á að Núpi í Dýra-
firði 25. júlí sl. Þá var blásið
til ættarmóts meðal niðja
Kristjáns Kristjánssonar í
Stapadal, en þeir ganga
manna á meðal undir nafninu
Stapar. Kallinu hlýddu rúm-
lega 170 manns.
Kristján Kristjánsson bóndi
í Stapadal í Arnarfirði fæddist
22. október 1844á Borg í Arn-
arfirði, sonur Kristjáns
Guðmundssonarsterka. Hann
eignaðist 15 börn með Símon-
íu Pálsdóttur eiginkonu sinni
og 5 með Guðnýju Guð-
mundsdóttur ráðskonu sinni.
Þeir rúmlega 170 sem komu
saman að Núpi í Dýrafirði
seinast í júlí og minntust sam-
eiginlegs forföður síns, voru af
ýmsu sauðahúsi eins og fara
gerir. Þó þykjast glöggir menn
sjá ákveðið yfirbragð sem fylg-
ir afkomendum Kristjáns.
Þetta er fremur lágvaxið fólk,
karlmenn kraftalegir og
samanreknir, en konur fín-
gerðari. Margir afkomenda
Kristjáns sækja sjó og þykja
sumir fisknir í betra lagi en
gengur og gerist. Hógværð og
lítillæti er ekki aðalsmerki
þessa fólks, heldur vill það að
sem flestir viti af tilvist þess.
Þess ber og að geta, að karl-
menn í þessari ætt eru afar
kvenhollirog mætti rekja ýmis
dæmi þess.
Þarna var stofnað til vin-
áttutengsla sem endast munu
ævilangt. Margir fundu aftur
gamla kunningja og allir urðu
nokkurs vísari um þann jarð-
veg sem ættkvíslir Vestfirð-
inga eru sprottnar úr. I veg-
legum sameiginlegum kvöld-
verði á laugardagskvöldið var
margt til skemmtunar. Ásgeir
Svanbergsson flutti samantekt
um Kristján frá Stapadal og
það umhverfi sem hann ólst
upp í. Friðrik Kristjánsson
minntist föður síns og flutti
kvæði eftir hann. Ræður voru
haldnar, bæði í gamni og al-
vöru, og sungið svo undir tók
í vestfirskum fjöllum. Síðan
var stiginn dans fram eftir
nóttu. Öruggt má telja, að
þetta hafi verið fyrsta en alls
ekki síðasta samkoman sem
þetta lífsnautnafólk efnir til.
Páll Ásgeirsson, Svanbergssonar, stýrði veislunni, og sést hér í
ræðustól ásamt Hrefnu Oskarsdóttur, Þórhallssonar úr Kefla-
vík, en hún var kjörin „Ættingi kvöldsins" fyrir atorku sína og
ósérhlífni við undirbúning mótsins og almenna lífsgleði.
Prófastur leysir af í þremur
prestaköllum og frekar fjórum:
Fimmtán kirkjur
undir
Séra Baldur Vilhelmsson,
prófastur í Vatnsfirði, þjónar
Unaðsdalskirkju, Melgraseyr-
arkirkju, Nauteyrarkirkju og
Ögurkirkju, auk Vatnsfjarð-
arkirkju. Um þessar mundir
hefur hann þó öllu meira
undir: Hann leysir af þrjá
presta í sumarleyfum þeirra,
þ.e. prestana á Þingeyri, í
Holti og á Suðureyri. Auk
þess kveðst prófastur leysa
sjálfan sig af í sínu eigin
i einu
sumarleyfi. Geri aðrir betur
en þjóna 15 kirkjum í einu.
Það eru kirkjurnar á Hrafns-
eyri, Þingeyri, Mýrum, Núpi,
Sæbóli á Ingjaldssandi,
Kirkjubóli í Valþjófsdal,
Holti, Flateyri, Suðureyri,
Stað í Súgandafirði, Vatns-
firði, Ögri, Nauteyri, Melgras-
eyri og Unaðsdal.
-GHj.
Haustið komið
í gærmorgun (miðviku-
dag) þegar íbúar við Isa-
fjarðardj úp fóru á fætur var
grátt ofan í miðjar hlíðar á
Snæfjallaströnd. Hitastigið
á ísafjarðarflugvelli var 3,8
stig kl. 7 að sögn Gríms
Jónssonar flugumferðar-
stjóra. Klukkan 6 var hit-
inn 3 stig á Galtarvita, 3 stig
í Æðey og 3 stig á Horn-
bjargsvita. Að sögn Sigur-
jóns Samúelssonar, bónda
á Hrafnabjörgum í Laugar-
dal í Djúpi, voru élja-
leiðingar í dalnum hjá hon-
um í gærmorgun og grátt í
kollinn á Laugabólsfjall-
inu. Það er því greinilegt
að farið er að hausta á
Vestfjörðum.
-GHj.