Vestfirska fréttablaðið - 27.08.1992, Blaðsíða 6

VESTFIRSKA
6 Fimmtudagur 27. ágúst 1992
- - —| FRÉTTABLAfíin |---
Skráning í körfu-
bolta stendur yfir
Eins og undanfarin ár mun Körfuknattleikssam-
band íslands standa fyrir keppni t 2. deiid karla og
kvenna. Öllum félögum er heimilt að senda lið til þátt-
töku.
Keppninni verður skipt eftir landsfjórðungum, og
verður sérstakur riðill fyrir Vesturland og Vestfirði
sameiginlega. Leikið verður ífjölliðamótsformi, „turn-
eringum" sem fara fram um helgar og leika þá allir við
alla. Leikin verða þrjú fjölliðamót, eitt fyrir áramót og
tvö eftir áramót. Það lið sem nær bestum árangri úr
þessum mótum kemst í úrslitakeppnina þar sem sig-
urvegarar úr öllum riðlunum mætast.
Frestur til að skila inn þátttökutilkynningum til skrif-
stofu KKl' í Laugardal rennur út 14. september nk.
Þátttökugjald er kr. 17.000 fyrir hvert lið.
(Frá KKÍ).
F ermingarbarna-
mót á Núpi
í næstu viku hefstfermingarbarnamót á Núpi í Dýrafiröi,
eins og verið hefur undanfarin ár, þar sem flestir prestar
á Vestfjörðum og aðstoðarlíð munu byrja á fermingarund-
irbúningi þeim sem síðan verður haldið áfram á hverjum
stað í vetur. Er börnunum skipt í tvo hópa, þannig að sá
fyrri mætir á hádegi 2. september og dvelur þann dag og
fram að hádegi næsta dag, 3. september. Þá kemur seinni
hópurinn, og dvelur fram til hádegis 4. september.
Þau fermingarbörn, sem áhuga hafa á að taka þátt í
mótinu, eru beðin að hafa samband við presta sfna á
næstu dögum og skrá sig, eða tala við viðkomandi afleys-
ingaprest, sé sóknarprestur í fríi. í Bolungarvík er skráning
þó í síma 7320, frá og með sunnudegi 30. ágúst.
Nauðsynlegt er að börnin hafi með sér Nýja testamenti,
ritföng og annað það, sem venja er að hafa með í slíkar
reisur, svo sem svefnpoka, íþróttaföt og hlífðarfatnað.
Rútuferðir verða úr flestum plássum í samráði við
presta.
Framtíðarflugvöllur
Vestfjarða á Sveins-
eyri við Dýrafjörð?
„Nú eru veðurathuganir í gangi úti á Sveinseyrarodda.
Það voru settir upp siritandi vindmælar og hitamælar í
fyrrahaust. Þeir reyndust ekki nógu vel í vetur því að í þá
komst raki. Það var skipt um mælana í vor og síðan hafa
mælingarnar gengið mjög vel. Það var talað um tveggja
ára mælingar í upphafi. Það er ekkert komið á blað um
þennan flugvöll sem hægt er að segja að sé ákvörðun um
að hann verði gerður. Ef af verður er þarna um að ræða
völl með tveggja kilómetra langri braut og er miðað við að
þar geti stærstu þotur lent. Það er búið að skoða aðflugið
að miklu leyti. Það kom í Ijós að blindaðflug úr suðaustri
er ekki tæknilega framkvæmanlegt, en aftur á móti blind-
aðflug frá hafi liggur mjög vel við“, sagði Davíð Krist-
jánsson, flugvallarvörður og umboðsmaður Flugleiða á
Þingeyri í samtali við blaðið.
-GHj.
Davíð Kristjánsson tlugvallarvörður á Þingeyri í flugturn
inunt.
SÝ SLUM AÐURINN
í BOLUNGARVÍK
Greiðsluáskorun
Sýslumaðurinn í Bolungarvík skorar
hér með á gjaldendur, sem ekki hafa
staðið skil á gjöldum álögðum 1992 og
gjöldum fyrri ára, sem eru til innheimtu
hjá ofangreindum innheimtumanni, að
greiða þau nú þegar og ekki síðar en
innan 15 daga frá dagsetningu
áskorunar þessarar.
Gjöldin eru þessi: Tekjuskattur,
útsvar, eignarskattur, sérstakur eign-
arskattur, slysatryggingagjald vegna
heimilisstarfa, tryggingagjald, iðnlána-
sjóðs— og iðnaðarmálagjald, slysa-
tryggingagjald atvinnurekenda skv.
36. gr. laga nr. 67/1971, kirkjugarðs-
gjald, gjald í framkvæmdasjóð aldr-
aðra, skattur af verslunar— og skrif-
stofuhúsnæði og aðstöðugjald.
Einnig er skorað á þá, sem eiga ógreidd
eftirtalin gjöld, að gera skil innan sama
tíma: Aðflutningsgjald, skipaskoðun-
argjald, lögskráningargjald, lestar-
gjald, bifreiðagjald, slysatrygginga-
gjald ökumanna, þungaskatt sam-
kvæmt ökumælum, skipulagsgjald af
nýbyggingum, virðisaukaskatt, sem
fallinn er í eindaga ásamt viðbótar- og
aukaálagningu virðisaukaskatts vegna
fyrri tímabila og staðgreiðslu opinberra
gjalda ásamt álagi.
Fjárnáms verður krafist án frekari fyrir-
vara fyrir vangoldnum eftirstöðvum
gjaldanna ásamt dráttarvöxtum og
kostnaði að liðnum ofangreindum tíma.
Bolungarvík, 26. ágúst 1992.
Sýslumaðurinn í Bolungarvík,
Jónas Guðmundsson.

YiJ kð/um'fa/cfisi'sesrt'vohúzA/.
ftXYCID Bííateíga
Vl I ^lll Car rental
Hóteí Fíókaíunáur

Fjölbreyttur matseðill
alla daga
Sérstakur
3ja rétta matseðill
öll föstudags- laugardags-
og sunnudagskvöld
Hóteí Fíókaíunáur
Vatnsfirði - 451 Patreksfjörður
Sími 94-2011 - Farsími 985-31808
Bjarki Rúnar Skarphéðinsson. Bak við hann er lóðin þar sem
björgunarmiðstöðin mun rísa í haust.
Björgunarsveitin
Dýri á Þingeyri
byggir yfir tækin
Að sögn Bjarka Rúnars
Skarphéðinssonar, formanns
björgunarsveitarinnar Dýra á
Þingeyri, er sveitin að hefja
byggingu- á stálgrindahúsi yfir
starfsemi sína. Húsið er 10 x
16 m að stærð með 5 m
vegghæð. Tvennar bílgengar
dyr verða á húsinu og loft yfir
helmingi þess þar sem verður
fundaraðstaða o.fl.
„Húsið mun kosta 2,4 millj-
ónir króna frá verksmiðju-
dyrum fyrir sunnan. Við
höfum loforð frá Samskip að
þeir muni flytja það ódýrt
vestur. Síðan eru aðilar hér á
Þingeyri sem ætla að rétta
okkur hjálparhönd, Steypu-
stöðin Dyn og Vélaleigan
Brautin sf. Við stefnum að
því að klára grunninn í haust
og vera búnir að koma húsinu
fyrir á honum fyrir veturinn,
fullfrágengnu að utan. Við
erum að byggja yfir þann litla
búnað sem við eigum, skjól-
fatnað, talstöðvar, fluglínu-
tæki. vélsleða og slöngubát.
Við munum einnig hýsa
sjúkrabíl Rauðakrossdeildar-
innar á Þingeyri“, sagði Bjarki
Rúnar.
„Þetta er erfitt fjárhags-
dæmi. Við höfum loforð um
eina milljón frá höfuðstöðvum
SVFI í Reykjavík. Við eigum
að geta útvegað aðra milljón
sjálfir. Þá er spurningin um
þriðju milljónina. Við komum
húsinu upp sjálfir í sjálfboða-
vinnu. Við erum alltaf á fullu
í fjáröflun. Við höfum sett í
gáma fyrir fyrirtæki, safnað
dósum, selt flugelda, greni,
bollur, kaffi og allt hvað eina.
Við förum í póstferðir vest-
ur í Lokinhamradal í Arnar-
firði hálfsmánaðarlega á vet-
urna. Þér er hér með boðið
með í slíka ferð í haust.
A sjómannadaginn í sumar
fengum við Bergþór Gunn-
laugsson til þess að taka fyrstu
skóflustunguna að björgunar-
stöðinni. Fyrr þann sama dag
var Bergþór heiðraður í Þing-
eyrarkirkju fyrir frækilegt
björgunarafrek þegar hann
bjargaði skipverja af Kross-
nesi SH-308 er það sökk á
Halamiðum í vetur. Bergþór
stökk fyrir borð og synti til
hans og kom honum að
skipshlið þar sem félagar hans
náðu til þeirra", sagði Bjarki
Rúnar í viðtali við Vestfirska
fréttablaðið.
-GHj.
Aðalfundur
Aðalfundur Sjálfstæðisfélags launþega á
ísafirði og nágrenni verður haldinn að
Hafnarstræti 12, 2. hæð, fimmtudags-
kvöldið 3. september 1992 kl. 21.00.
Fundarefni:
Venjuleg aðalfundarstörf.
Önnur mál.
Stjórnin.