Vestfirska fréttablaðið - 27.08.1992, Blaðsíða 8
ATVINNA
Starfsmann vantar til verslunarstarfa.
Um er að ræða vinnu allan daginn.
._____ Upplýsingar gefa Jónas eða Gunnlaugur.
BOKAVERSLUN
JONASAR TÓMASSONAR
Sími 3123, ísafirði
—
Meira en skuttogara-
afli á trillurnar!
Aö sögn Reynis Jónssonar, hafnarvarðar og vigtar-
manns á Flateyri, voru um 50 trillur sem lönduðu á Flateyri
i júní og júlí. Af þeim voru 35 og upp í 40 aðkomubátar.
Allir voru á handfærum. „Fiskiríið var ágætt þegar gaf á
sjó. Aflinn var frá 600 kg og upp í tvö og hálft tonn á færi,
en ótíðin hefur verið í fleiri daga en gefíð hefur á sjó. Þessa
dagana hefur verið sæmílegt fiskirí af ágætum fiski. Nú er
trillunum farið að fækka. Ætli það séu ekki um 30 eftir.
Þessir bátar hafa skiiað rúmlega skuttogaraafla hingað í
sumar, allt að 150 tonnum á viku að meðaltali. Þessa
vikuna er aflinn um 60 tonn af trillunum.
Nú er nokkrir bátar, sjö eða átta, byrjaðir á línu og eru
flestir með beitningarvélar um borð. Svo er línan stokkuð
upp í landi. Jónína var með 20 tonn eftir tvo daga. Hún
er á linu og rær með tvöfalt. 20 tonn er skammturinn
hennar eftir tvo og þrjá daga. Þetta hefur aðallega verið
þorskur en er nú orðinn svolítið steinbítsblandaður. Þeir
hafa róið hérna út í Kantinn.
ÖLL AÐSTAÐA OG MÓNUSTA VEITT
Hér er öllum aðkomubátum og líka heimabátum veitl
sú aðstaða og þjónustu sem þeir þurfa. Þeim er útvegað
húsnæði til að vinna í og vera í, þvegið fyrir þá og allir
keppast um að gera sem mest fyrir þá. Sjö þessarra báta
ætla að vera áfram hér og róa á línu“, sagði Reynir Jóns-
son í samtali við blaðið.
-GHj.
Revnir Jónsson hafnarvörður á Flateyri í vigtarskúmum.
117 kg. spraka
á haukalóðir
Halldór Egilsson.á Björgvini Má ÍS-468 frá Þingeyri
reyndi með haukaióðir á gömlum sprökumiðum í Amar-
firði í síðustu viku. Fékk hann þessa spröku sem vó 117
kg innanífarin. Á myndinni era frá vinstri Ragnar Gunn-
arsson háseti, Sigfús Jóhannesson tengdafaðir Ragnars,
Egill Halldórsson, sonur Halldórs skipstjóra, og Halldór
skipstjóri og eigandi Björgvins Más. Voro þeir allir í um-
ræddum róðri. Kváðust þeir félagamir ætla að reyna aftur
með haukalóðir þegar veður lægði.
Gifting
í Unaðsdalskirkju
Brúðhjónin Þórhildur Þórisdóttir og Viggó Þór Marteinsson
nýgift á tröppum kirkjunnar í Unaðsdal.
Hjónavígslur eru ekki á
hverjum degi í Unaðsdals-
kirkju á Snæfjallaströnd, og
ekki einu sinni á hverju ári eða
hverjum áratug. Slík athöfn
fór þar þó fram laugardaginn
15. þessa mánaðar. Prófastur
Isafjarðarprófastsdæmis, séra
Baldur Vilhelmsson í Vatns-
firði, gaf þá saman hrúðhjónin
Viggó Þór Marteinsson úr
Reykjavík og Þórhildi Þóris-
dóttur. Þórhildur er dóttir
Friðbjartar dóttur Jens í
Kaldalóni, fyrrverandi bónda
á Lónseyri og í Bæjum, nú
bónda á Kirkjubæ í Skutuls-
firði.
Að sögn séra Baldurs voru
um 150 manns við giftinguna í
kirkjunni og 160 manns í veisl-
unni sem haldin var í Dalbæ.
Þar var dansað fram undir
morgun og einnig var varðeld-
ur á melnum ofan viö sam-
komuhúsið. Ekki er vitað um
annan eins mannfjölda við
kirkju og veislu á Snæfjalla-
strönd á þessari öld, nema ef
vera skyldi í afmæli aldarinnar
hjá Kjartani Halldórssyni frá
Bæjum sem haldið var á átt-
unda áratugnum.
Að sögn séra Baldurs eru 12
ár frá því að síðast var hjóna-
vígsla í Dalskirkju, en þar
áður leið þó lengra á milli eða
nær þrír áratugir; árið 1951
voru gefin þar saman þau
Kjartan Helgason í Dal og
Stefanía Ingólfsdóttir.
-GHj.
Ný íþróttamiðstöð
á Þingeyri
Grunnur hinnar væntanlegu íþróttamiðstöðvar á Þingeyri.
Þingeyrarhreppur er nú að
koma sér upp íþróttamiðstöð
við íþróttasvæðið á Þingeyrar-
odda. Fyrsti áfanginn er
hafinn, en þar er um að ræða
jarðvinnu og steypu á sökklum
og kjallara. í húsinu verður
íþróttasalur, sundlaug og bún-
ingsklefar. Salurinn er 20 x 30
m og sundlaugin 16,67 x 8,2
m. Byggingin samanstendur af
tveimur bogaskemmum sem
tengdar verða saman með
millibyggingu, en í henni
verða baðherbergi og bún-
ingsklefar sem samnýtast bæði
fyrir húsið og íþróttasvæðið
úti. Áætlað er að verkið taki
fimm ár og kosti 100 miljónir
króna.
-GHj.
VI iSl n FU RSI KA
| FRÉTTABLAÐIÐ
RITSTJÓRN 0G ÁUGLÝSINGAR:
SÍMI 94-4011 • FAX 94-4423
—
Elli Kjaran leggur
vetrarveg um
Hrafnseyrarheiði
í síðustu viku hitti blaðamaður Elís Kjaran Friðfinnsson
ýtustjóra þar sem hann var að leggja vetarveg Arnarfjarð-
armegin I Hrafnseyrarheiði. Elís heilsaði blaðamanni með
eftirfarandi vísu:
Elís Kjaran er mitt nafn,
einn af Friðfinnssonum,
Ég garga oft sem gamall hrafn
en gleðst með fögrum konum.
„Ég er að gera vetrarbraut fyrir snjóbílinn hérna niður í
dalinn. Hérna er snjóléttara og ekki eins mikil hætta á
snjóflóðum og uppi á þjóðveginum þar sem snjóhengjur
hanga í brúnum allan veturinn. Það eru ekki nema tuttugu
ár síðan ég tók þátt í að grafa upp úr snjóflóði tvo unga
menn hér í Manntapagilinu á Skipadalnum, að sjálfsögðu
dána. Þeir gengu í gildru Vegagerðarinnar þarna upp í
brúninni. Mér finnst það vel þess vert að reyna að gera
eitthvað hér til þess að svona atburður endurtaki sig síður.
Auðkúluhreppur heitinn borgar þessa framkvæmd að
hálfu á móti Vegagerðinni. Þegar hreppurinn var samein-
aður Þingeyrarhreppi átti hann nokkrar krónur í sjóði og
setti það skilyrði að þær yrðu notaðar til samgöngubóta
milli Arnarfjarðar og Dýrafjarðar. Þetta voru rúmar 500
þús. kr. Þennan veg verður hægt að nota sem jeppaveg
snemma á vorin og á haustin þegar lokast uppi, því þar
lokast svo fljótt. En fyrst og fremst er þetta hugsað fyrir
snjóbílinn svo hann sé öruggur fyrir snjóflóðum og svo
hefur hann átt i erfiðleikum að komast upp vegna bratta.
Þá hefur hann orðið að fara upp Fossabrekkur og upp úr
Hauksdal upp á fjall og er það mjög hættulegt þegar slæmt
skyggni er. Hann gæti farið fram af fjallinu. Þessi leið er
eina leiðin sem ég hef átt fyrir ýtuna til að komast yfir á
veturna. Ef ég hef mokað mig eftir veginum hefur það tekið
tvo-þrjá daga, en eftir þessari slóð tekur það mig klukku-
tíma. Eg er búinn að tala um þetta við Vegagerðina í mörg
ár og fyrir tveimur árum sýndi ég toppunum þar þetta
vegarstæði og þeirfordæmdu þetta þá“, sagði Elís Kjaran.
-GHj.