Vestfirska fréttablaðið - 15.10.1992, Blaðsíða 10

10
Fimmtudagur 15. október
VESTFIRSKA
I fréttabwpiðI—
NÝJAR VESTFIRSKAR ÞJÓÐSÖGUR
„Heldurðu að ég
eigi ekki tvenna skó?“
Sigurður Guðmundsson (Siggi Guggu) var á
unglingsárum sínum rukkari hjá leigubílstjór-
unum á Isafirði. Var hann lengi búinn að reyna
að rukka tiltekinn viðskiptavin uppi í hlíð ofan
Eyrarinnar en ekkert gekk. Oft þóttist skuldar-
inn ekki vera heima og ansaði ekki dyrabjöllu
þegar Siggi litli var á ferðinni með rukkara-
töskuna.
Eitt sinn, þegar Siggi var orðinn reiður og
þreyttur á þessum árangurslausu göngum sín-
um upp í hlíð, kom hann að húsi skuldarans.
Sá hann manninn í glugganum og fór því inn í
anddyrið og hringdi bjöllunni. Enginn svaraði
frekar en áður. Siggi sá þá skó húsráðandans
fyrir utan dyrnar og kallaði: „Ég veit að þú ert
heima því skórnir þínir eru fyrir utan.“
Inni var svarað dimmri röddu: „Heldurðu
að ég eigi ekki tvenna skó?“
-GHj.
Sjallinn og Krúsin á ísafirði:
Dyraverðir kynna
sér tæki og tól til
fíkniefnaneyslu
Að sögn Hlyns Snorrasonar
lögreglufulltrúa á ísafirði
komu dyraverðir í Sjallanum
og Krúsinni til lögreglu á
fimmtudaginn í síðustu viku til
að kynna sér fíkniefni og tæki
og tól sem tengjast neyslu
þeirra. Tilgangurinn með
þessu er að dyraverðirnir séu
betur í stakk búnir til eftirlits
með efnunum og neyslu þeirra
innan veggja skemmti-
staðanr.a. Starfsmenn þessara
tveggja staða vilja ekki að
fíkniefni séu þar innan dyra.
Hlynur sagði raunsæjast að
reikna með að fíkniefni væri
allsstaðar að finna og að neyt-
endur þeirra séu svipað hlut-
fall af íbúum, hvar sem þeir
annars byggju á landinu, og
heppilegast að vinna að fíkni-
efnamálum samkvæmt því.
-GHj.
Fullur
*
a
bifhjóli
Unglingur var tekinn
ölvaður á léttu bifhjóli á
ísafirði á föstudagskvöldið.
Virðist ölvunarakstur ung-
menna á bifhjólum sífellt
færast í vöxt á ísafirði og
einnig að ungmennin séu
próflaus á hjólunum.
Nokkur brögð hafa verið
að þessu undanfarið.
-GHJ.
Karin Tiberg og Thorleif Alpberg í Slunkaríki við að setja upp list sína.
Karin Tiberg og Thorleif
Alpberg í Slunkaríki
— sænskir listamenn sem koma til Islands
gagngert til að sýna á Isafírði
Á laugardaginn kl. 12 á há-
degi opna sænsku lista-
mennirnir Karin Tiberg og
Thorleif Alpberg sýningu á
verkum st'num í Slunkaríki.
Við hittum þau í gær þegar
þau voru að koma verkum sín-
um fyrir í Slunkaríki.
„Þetta eru verk unnin í anda
bronsaldarlistar í Skandi-
navíu. Við höfum skoðað
mótíf frá steinristum og þegar
við höfum séð einhver tæki á
gömlu myndunum sem notuð
hafa verið til tónlistar höfum
við reynt að útfæra þau í list
okkar“, sögðu þau Karin og
Thorleif í samtali við Vest-
firska.
Það er óneitanlega sérstætt
við þessa sýningu, sem kemur
hingað yfir hafið, að hún verð-
ur eingöngu í Slunkaríki, en
ekki annars staðar á íslandi.
Sýningin stendur til 7. nóv-
ember.
K-lykilIinn boðinn til sölu:
Landssöfnun Kiwanismanna í þágu geösjúkra
Gleymum ekki geðsjúkum
er kjörorð landssöfnunar sem
fram fer dagana 15.-17. októ-
ber (fram á laugardag) á veg-
um Kiwanishreyfingarinnar á
íslandi. Þetta er í sjöunda sinn
sem Kiwanismenn bjóða K-
lykilinn til sölu og í öll skiptin
hefur söfnunarfé verið varið til
að bæta aðstöðu geðsjúkra.
Þessa dagana heimsækir
sölufólk K-lykilsins Vestfirð-
inga eins og aðra landsmenn.
Það er einlæg von Kiwanis-
manna að Vestfirðingar taki
sölufólkinu vel og hjálpi þeim
að skapa geðsjúkum betri
tækifæri og bjartari framtíð.
Jafnframt sölunni á K-lyklin-
um fer þessa sömu daga fram
kynning á málefnum geð-
sjúkra í landinu með ýmsum
hætti.
K-dagur hefur verið á
þriggja ára fresti frá 1974.
Söfnunarfé hins fyrsta K-dags
rann til þess að koma á fót
vernduðum vinnustað á lóð
Kleppsspítala. Sá vinnustaður
nefnist Bergiðjan og var hinn
fyrsti hérlendis sem eingöngu
var ætlaður geðfötluðum.
Söfnunarfé K-dags árið 1977
rann einnig til Bergiðjunnar.
Árin 1980 og 1983 var
söfnunarféð notað til að reisa
áfangaheimili við Álfaland í
Reykjavík, fyrir fólk sem út-
skrifað er af geðdeildum
sjúkrahúsanna og stundar
vinnu á almennum vinnu-
markaði.
Árið 1986 var unglinga-
deildinni við Dalbraut komið
á fót, ásamt því að fé var veitt
til geðdeildar Fjórðungs-
sjúkrahúss Akureyrar.
Fyrir ágóða af K-degi 1989
var keypt raðhús í Reykjavík,
þar sem nú er starfrækt sam-
býli. Einnig voru þá hafnar
endurbætur á sambýli sem
Geðverndarfélag Akureyrar
á og rekur þar í bæ.
Að þessu sinni er ætlunin að
reisa hús á lóð Kleppsspítal-
ans, sem ætlað er sem stækkun
á Bergiðjunni. Húsið verður
um 150 fermetrar að flatarmáli
á tveimur hæðum. Þar munu
starfa um 20-25 manns að
framleiðslu á ýmsum þeim
vörum sem Bergiðjan fram-
leiðir. Þar má nefna gangstétt-
arhellur, rennusteina, sekkj-
aða mold og margt fleira.
Einnig á að ljúka endurbótum
við sambýlið á Akureyri, en
þar geta dvalið átta manns.
Á fyrri K-dögum hafa selst
um 300 þúsund lyklar. Síðast
(1989) seldust um 58 þúsund
lyklar. Nærri lætur að söfn-
unarfé fyrri K-daga sé 90
milljónir króna á núvirði.
Landsmenn hafa alltaf tekið
vel undir beiðni Kiwanis-
manna um stuðning við geð-
fatlaða, sem eru reyndar
stærsti einstaki hópur fatlaðra
í landinu og kannski sá hópur
sem erfiðast á með að vinna
sjálfur að sínum málum.
Blindir og sjónskertir og hvíti stafurinn
Hvíti stafurinn er helsta
hjálpartæki blindra og sjón-
skertra við að komast leiðar
sinnar. Hann er jafnframt
forgangsmerki þeirra í um-
ferðinni. Á þetta er minnt sér-
staklega nú, hinn 15. október,
þar sem sá dagur er „alþjóð-
legur dagur hvíta stafsins".
Ökumenn og aðrir vegfar-
endur taka í ríkara mæli tillit
til þeirra sem nota hvíta
stafinn. Eitt helsta vandamál
blindra sem ferðast með hjálp
hvíta stafsins eru kyrrstæðir
bílar á gangstéttum. Þeir geta
valdið stórhættu, sérstaklega
vörubílar og aðrir háir bílar.
Stafurinn lendir undir bílnum
sá blindi verður ekki var við
hann í tæka tíð.
Skorað er á ökumenn að
virða hvíta stafinn sem stöðv-
unarmerki. Vegfarendur eru
hvattir til að sýna blindum og
sjónskertum fyllstu tillitssemi
í umferðinni og bjóða fram að-
stoð sína ef þurfa þykir.
ÖKUMENN
Athugið að til þess að við komumst ferða okkar þurtum við að losna
við bifreiðar af gangstéttum. Kærar þakkir
Blindir og sjónskertir.
Öll herbergi með baði,
síma, sjónvarpi, og míníbar!
© 91-18650
Raforkuverö Vestfirðinga til hús-
hitunar hækkar um allt að 26,3%
- ef endurgreiðslu á vsk. til
raforkufyrirtækja verður hætt
Orkubú Vestfjarða hefur
gert lauslega úttekt á áhrifum
þess að afnema endurgreiðslur
innskatts á þeim hluta starf-
semi fyrirtækisins, sem ekki
útheimtir útskatt, eins og
ríkisstjórn íslands hefur gert
tillögur um að gert verði.
„Ef miðað er við sömu
orkusölu og sama rekstur og
var árið 1991, þá mun umrædd
aðgerð kosta OV rúmar 60
milljónir króna og jafnvel allt
að rúmum 77 milljónum
króna“, segir í tilkynningu frá
Orkubúinu. „Þessi aðgerð
gæti því valdið kostnaðar-
auka, sem einvörðungu myndi
bitna á þeim viðskiptavinum
Orkubúsins sem kaupa orku
skv. svonefndum hitatöxtum.
Þessi aðgerð hefði því í för
með sér hækkun á hitunar-
töxtum að lágmarki 17% og
allt upp 26,3%, allt eftir því
hvort tekið er tillit til VSK á
eigin vinnu eða ekki. Ef miðað
er við að niðurgreiðslur yrðu
óbreyttar frá því sem nú er,
þá getur hækkunin orðið
minnst 20,5%. Tillaga ríkis-
stjórnarinnar um upptöku
tveggja þrepa virðisaukaskatts
myndi einnig valda verulegum
útgjaldaauka, eða tæplega 41
milljón króna.“
„Það hefur ekki komið neitt
nýtt fram frá ríkisstjórninni í
þessu máli“, sagði Kristján
Haraldsson orkubússtjóri í
samtali við blaðið í gær. „Það
verður ekki hætt að endur-
greiða sveitarfélögunum virð-
isaukaskattinn. Ég held að
ríkisstjórnin hafi nú komist að
þeirri niðurstöðu. Þetta er enn
að brjótast í ríkisstjórninni
hvernig þetta verður með virð-
isaukaskattinn af raforku-
fyrirtækjum. Ég get ósköp lít-
ið sagt um þetta ennþá. Iðnað-
arráðherra gat ekkert sagt mér
um stöðu mála í gærmorgun“,
sagði Kristján Haraldsson.
-GHJ