Vestfirska fréttablaðið - 22.10.1992, Blaðsíða 2

Fimmtudagur 22. október 1992
YESTFIRSKA
J FRÉTTABLAÐIÐ
VESTFIRSKA
I FRÉTTABLAÐIÐ |
Vestflrska fréttablaöiö
er vikublað, óháð stjórnmálaflokkum, og kemur út síðdegis á
fimmtudögum. Blaðið fæst bæði í lausasölu og áskrift.
Útgefandi, ritstjóri og ábyrgðarmaður:
Hlynur Þór Magnússon.
Verð i lausasölu kr. 150.
Verð í áskrift kr. 135 ef notaðar eru Visa eða Eurocard skuldfærslur
(það er ekkert flókið, bara hringja og gefa okkur upp númerið á
kortinu); annars kr. 150.
Ritstjórn og auglýsingar:
Austurvegi 2 (Kaupfélagshúsinu, 2. hæð), ísafirði, sími (94)-4011, fax
(94)4423.
Blaðamenn:
Hlynur Þór Magnússon, Túngötu 17, Ísafirði, heimasími (94)4446, og
Gísli Hjartarson, Fjarðarstræti 2, isafirði, heimasími (94)-3948.
Prentvinnsla:
ísprent hf., Aðalstræti 35, ísafirði, sími (94)-3223.
Hlutavelta í Bolungarvík
Tveir vinir í 2. bekk Grunnskóla Bolungarvíkur héldu hlutaveltu í síðustu
viku til styrktar Rauða krossi íslands, og söfnuðust 660 krónur. Þeir
heita Sigurður Freyr Bjarnason og ísak Sigurðsson.
Elías Hóim Guðmundsson póstmeistari í Bolungarvík, sem jafnframt
gjaldkeri Rauðakrossdeildarinnar þar, veitti peningunum viðtöku, og var
þessi mynd tekin viö það tækifæri við pósthúsdyrnar í Bolungarvík.

Nýr ruslabíll á ísafirði
Þessa eldhressu öskukarla hittum við þegar þeir voru að tæma
ruslageymslur fjölbýlishúss við Fjarðarstræti á ísafirði á þriðjudags-
morguninn. Þeir eru komnir á nýjan bíl, þeir Hafþór Halldórsson og Ari
Sigurjónsson sorphirðar á ísafirði og í Bolungarvík.
„Þetta er Scania Vabis 92, árgerð 1982, innfluttur notaður frá Svíþjóö.
Hann pressar ruslið inn í sig og rúmar því helmingi meira en gamli bíllinn.
Hann er einnig útbúinn til að losa í sig gáma á staðnum. Það er
gríðarlegur munur hjá okkur að vinna á þessum bíl miðað við þann gamla.
Nú ætlum við að fara að einblína meira á að taka taka rusl úr gámum hjá
fyrirtækjum því þessi bíll býöur upp á þaö“, sagði Hafþór Halldórsson,
verktaki við sorphiröu i Bolungarvík og á ísafirði, í samtali viö
VESTFIRSKA.
—GHj.
Skattsvik orðin
þjóðarböl
- segir Alþýðusamband Vestfjaröa
Á þingi Alþýðusambands Vest-
fjarða á ísafirði um síðustu helgi
var eftirfarandi ályktun samþykkt:
Utlendingar og fatlaðir
29. þing ASV beinir þeim til-
mælum til aðiidarfélaga sinna, að
gæta þess sérstaklega að útlend-
ingar og fatlaðir njóti sömu félags-
legra réttinda og aðrir. Þess er ekki
síst þörf nú á tímum aðhalds og
niðurskurðar.
Sparnaður ungmenna
29. þing ASV bendir á þann
mismun sem er á innheimtu og á-
byrgð ríkisins milli ungmenna á
almennum vinnumarkaði annars
vegar og hjá opinberum stofnunum
og fyrirtækjum hins vegar. I tilefni
af þeim áformum stjómvalda að
breyta skyldusparnaði, skorar ASV
á stjórnvöld og Alþingi að tryggja
sparnað ungmenna á almennum
vinnumarkaði, m.a. með því að
samþykkja framkomið frumvarp á
Alþingi og bendir á þá leið að inn-
heimta skyldusparnað með stað-
greiðslu skatta.
Skattsvikin þjóðarböl
29. þing ASV telur skattsvik og
undandráttarmöguleika í skatta-
framkvæmd í landinu orðið slíkt
þjóðarböl, að öllu verði að kosta til
svo réttlæti og jafnrétti ríki í hlut-
deild landsmanna í sameiginlegum
kostnaði. Fyrsta skrefið í þessum
efnum gætu verið hertar reglur um
útgáfu á VSK—nótum. Því næst
verði undanþágum í VSK—kerfinu
fækkað og tekin upp tvö skattþrep,
þó þannig að þess verði gætt, að
kostnaður heimilanna aukist ekki
og að húshitunarkostnaður hækki
ekki á köldu svæðunum. Jafnframt
verði tekjuviðmiðanir hækkaðar
verulega hjá sjálfstæðum atvinnu-
rekendum.
Eignir í Flókalundi til
sölu
29. þing ASV samþykkir að
leitað verði eftir kaupendum að fé-
lagsmiðstöðinni í Flókalundi.
Útlendingar viti rétt sinn
29. þing ÁSV felur stjórn sam-
bandsins að láta þýða kjarasamn-
inga sambandsins yfir á ensku,
þannig að auðveldara verði að
kynna útlendingum rétt þeirra.
Kaupmenn virði
hvíldartíma
29. þing ASV skorar á verslun-
areigendur að virða lögboðinn
hvíldartíma verslunarfólks. Þingið
telur það sjálfsögð mannréttindi að
fólk sé ekki þvingað til vinnu um
helgar og á öðrum lögboðnum frí-
dögum.
Þing ASV hafnar „sænsku
leiöinni“ um niðurfærslu launa og
félagslegra réttinda
Þing ASV um helgina sam-
þykkti eftirfarandi ályktun um
verkalýðs— og kjaramál:
29. þing ASV. bendir á að brýn
nauðsyn er á skjótum viðbrögðum
vegna þess alvarlega ástands, að
ekki sé sagt hruns, sem blasir við í
atvinnu- og efnahagsmálum. Nú er
meiri þörf en oftast áður að stjórn-
völd hafi nána samvinnu við aðila
vinnumarkaðarins, því vandinn
verður ekki leystur nema allir snúi
bökum saman og leggi sitt af
mörkum.
Þeir tekjulægstu
Þingið telur að ekki sé hægt að
ganga nær þeim tekjulægstu í
þjóðfélaginu en þegar hefur verið
gert. Launamunur á Islandi hefur
vaxið hröðum skrefum og hefur nú
óheillavænleg áhrif á efnahagslíf
okkar. „Sænsku leiðinni" með nið-
urfærslu launa og félagslegra rétt-
inda er því hafnað. Til þess hefur
láglaunafólk ekki svigrúm.
Hátekjuskattur
Við ítrekum enn að hátekju-
skattur og skattlagning fjár-
magnstekna er sjálfsögð leið til
tekjujöfnunar og fjáröflunar fyrir
rfkissjóð. í því sambandi eru
stjórnmálamenn minntir á fögur
fyrirheit um lagfæringar á hripleku
skattkerfi. Án slíkra lagfæringa
mun reynast erfitt að ná til þeirra
sem fram að þessu hafa verið
stikkfrí þegar almenningur hefur
greitt herkostnaðinn af stríðinu við
verðbólguna.
Skerðing aflaheimilda
Gífurleg skerðing aflaheimilda
bitnar þegar fram í sækir fyrst og
fremst á sjávarplássum hvarvetna
á landinu, ekki síst á Vestfjörðum,
þar sem þorskveiðar eru undirstaða
atvinnulífsins.
Það er því höfuðnauðsyn, ef ekki
á að koma til stórfelldrar byggða-
röskunar, að stjómvöld gangist
fyrir úrlausnum fyrir þau byggðar-
lög sem verst hafa orðið úti í
skerðingunni.
Hinir þurfa líka bætur
Stjómvöld hafa ákveðið að bæta
útgerðarmönnum skerðingu afla-
heimilda með beinum fjárframlög-
um, en virðast hafa gleymt því að
fleiri eiga lífsafkomu sína undir
veiðiheimildum. Sjómenn, fisk-
vinnslufólk og fiskvinnslufyrirtæki
era engu betur sett en áður, ef sæ-
greifunum dettur í hug að kaupa
eitthvað annað en kvóta fyrir
glaðninginn.
Þingið telur nauðsynlegt að létta
byrðar sjávarútvegsins eftir föng-
um og bendir á að fiskvinnslan býr
við mjög hátt raforkuverð, meðan
erlend stórfyrirtæki fá niðurgreidda
orku.
Frystitogarar
29. þing ASV varar við fjölgun
frystitogara og leggur áherslu á að
beina þeim á veiðar vannýttra
fiskistofna. Leggja verður áherslu
á að auka verðmætasköpun í sjáv-
arútvegi og fullvinnslu aflans í
fiskvinnslufyrirtækjum og fjölga
þannig atvinnutækifærum í landi. I
dag situr ftskvinnsla í landi ekki við
sama borð og frysting á sjó hvað
varðar opinbera skattlagningu.
Þeim álögum verður að létta af
fiskvinnslu í landi, svo hún verði
samkeppnisfær. Víða standa frysti-
hús hálfnýtt og kanna þarf mögu-
leika á að nýta þau undir einhvern
atvinnurekstur. Stuðla þarf að auk-
inni atvinnu með því að efla ís-
lenskan iðnað, ekki síst skipasmíð-
ar, með því að vinna viðhald og
nýsmíði hér á landi.
Vaxtahækkun
Þingið mótmælir vaxtahækkun í
félagslega húsnæðiskerfinu. Með
henni er ráðist á garðinn þar sem
hann er lægstur og unnið gegn til-
gangi kerfisins. Við leggjum á-
herslu á að uppbyggingu félagslega
húsnæðiskerfisins verði haldið á-
fram, láglaunafólki til hagsbóta og
gegn atvinnuleysi í byggingariðn-
aði.
29. þing ASV lýsir sambandið
reiðubúið til samvinnu við alla sem
hlut eiga að máli um lausn þeirra
vandamála í atvinnu- og efnahags-
málum sem við erað glíma.
Ahersluatriði í næstu
kjarasamningum
I næstu kjarasamningum ber að
leggja megináherslu á: Atvinnuör-
yggi, stöðugleika í efnahagsmál-
um, að staðinn sé vörður um vel-
ferðarkerfið, að tryggt sé jafnrétti
til náms, að engin laun verði lægri
en skattleysismörk hverju sinni, og
atvinnuframlag kvenna verði metið
til jafns við karla og launamisrétd
leiðrétt.
29. þing ASV beinir því til að-
ildarfélaga sambandsins að þau
leggi áherslu á aukna samvinnu sín
á milli. Vakin er athygli á að
breyttar samgöngur og fjarskipta-
tækni kalla á samvinnu og jafnvel
sameiningu félaga þar sem því
verður við komið. Með því yrðu
félögin færari en áður um að sinna
hlutverki slnu sem þjónustu— og
baráttutæki félagsmanna.
Skipulagsmál
Skipulagsmál hreyfingarinnar
hafa lengi verið í ólestri og tíma-
bært er að umræða um þau fari
fram úti í félögunum. Það er
verkalýðshreyfingunni lífsnauðsyn
á þeim erfiðu tímum sem nú fara í
hönd.
ASV stóð með málm- og
skipasmiðum
Á þingi ASV um síðustu helgi
var samþykkt einróma að senda
eftirfarandi skeyti til Sambands
málm— og skipasmiða, en félags-
menn í sambandinu höfðu stöðvað
flutningaskipið Búrfell á Fáskrúðs-
firði til að hindra að það færi til
viðgerðar í Póllandi:
29. þing Alþýðusambands Vest-
fjarða, að störfum á Isafirði 18.
október 1992, sendir járniðnaðar-
mönnum baráttukveðjur í glímu
þeirra við að halda í landinu at-
vinnumöguleikum sem nú fœrist í
vöxt að afsala útlendingum.
Samstaða gæti snúið þessari ó-
heillaþróun við.
Þing ASV, Pétur Sigurðsson,
forseti.
Sem kunnugt er skipti sam-
gönguráðherra um skoðun á einni
nóttu og ákvað í samráði við tvo
aðra ráðherra að viðgerð á Búrfelli
færi fram hérlendis.
Rjúpnaueiði ei*
algerlega bönnuö
/ lantíi Kleifa /
Ögurhreppi.
LtmdeigantlL
Aðalfundur
Styrktarsjóðs húsbyggingar Tónlistarskóla ísafjarðar
Aðalfundur Styrktarfélags húsbyggingar Tónlistarskóla ísafjarðar verður haldinn
fimmtudaginn 5. nóvember kl. 20:30 í Húsmæðraskólanum.
Stjórnin.
BIFREIOAEIGENDUR
ATHUGIÐ!
Vorum að fá mikið úival affelgum
undirnýlega japanska bíla. Tilvalið
fyrir snjódekkin.
Verð 1500-2000 kr. eftir tegundum.
Bílapartasalan Austurhlíð, 601
Akureyri, srmi 96-26512, fax 96-
12040. Opið 9-19 og 10-17
lougardoga