Morgunblaðið - 24.07.2015, Page 39

MENNING 39
MORGUNBLAÐIÐ FÖSTUDAGUR 24. JÚLÍ 2015
Kjartan Már Ómarsson
kmo@mbl.is
Glæpasagnahátíðin Iceland Noir, Bandalag
þýðenda og túlka, og Hið íslenska glæpa-
félag veita Ísnálina í annað sinn í ár. Til-
nefningarnar voru gerðar opinberar í gær,
23. júlí, á afmælisdegi bandaríska rithöfund-
arins Raymonds Chandler.
Í tilkynningu frá Bandalagi þýðenda og
túlka segir að „verðlaunin séu veitt fyrir
bestu þýddu glæpasöguna á íslensku, þar
sem saman fara góð þýðing og góð saga.“
Verðlaunin voru veitt í fyrsta skipti í nóv-
ember á síðasta ári í kvöldverðarveislu
glæpasagnahátíðarinnar. Þá hlutu Friðrik
Rafnsson þýðandi og Joël Dicker Ísnálina
fyrir bókina Sannleikurinn um mál Harrys
Quebert (fr. La Vérité sur l’affaire Harry
Quebert).
Að þessu sinni eru fimm verk tilnefnd.
**COLR**Afturgangan (Gjenferd), eftir
Jo Nesbø, í þýðingu Bjarna Gunnarssonar.
JPV gefur út. Bókin er ein margra um and-
hetjuna Harry Hole sem snýr að þessu sinni
aftur heim til Noregs eftir að hafa varið
dögum sínum í sjálfskipaðri útlegð í Hong
Kong.
Alex (Alex), eftir Pierre Lemaitre, í þýðingu
Friðriks Rafnssonar. JPV gefur út. Bókin
byrjar á því að hinni ægifögru Alex er rænt
á götu úti og hlýtur hún þau örlög að vera
myrt á voveiflegan hátt í vöruskemmu. Hin-
um dvergvaxna rannsóknarlögregluforingja
Camille Verhæven, með dyggilegri aðstoð
vaskra manna sinna, tekst að hafa uppi á
geymslustaðnum og upp úr því spinnst þessi
hrollvekjandi dekkari.
Blóð í snjónum (Blod på snø), eftir Jo
Nesbø, í þýðingu Bjarna Gunnarssonar.
JPV gefur út. Önnur bókin eftir Nesbø á
listanum í þýðingu Bjarna. Blóð í snjónum
opnar lesendum sýn inn í miskunnarlausan
heim glæpa og ofbeldis þar sem sagan er
sögð á yfirlætislausan en ljóðrænan hátt frá
sjónarhóli leigumorðingjans Ólafs.
Konan í lestinni (The Girl on the Train), eft-
ir Paulu Hawkins, í þýðingu Bjarna Jóns-
sonar. Bjartur gefur út. Svartnætti of-
drykkju hrindir af stað atburðarás sem
sögukona ræður ekki við í bók Hawkins.
Drykkjusjúk sögukona, Rachel að nafni, sit-
ur í lest og þylur fram sögur um hjón sem
hún sá bregða fyrir útum lestargluggann
eitt sinn. Einn daginn hverfur eiginkonan
og sögukonan blandar sér í málið.
Syndlaus (I grunden utan skuld), eftir Vi-
vecu Sten, í þýðingu Elínar Guðmunds-
dóttur. Ugla gefur út. Nóra Lind og vinur
hennar, lögreglumaðurinn Thomas And-
ersson, eru orðin heimagangar á mörgum ís-
lenskum heimilum og margir farnir að
kannast við Sandhamn í sænska skerjagarð-
inum líkt og það væri í næsta nágrenni.
Einkalíf Nóru fléttast saman við gamlar
syndir og voðaverk í samtímanum.
Dómnefndina skipuðu Katrín Jakobs-
dóttir, Kolbrún Bergþórsdóttir, Magnea J.
Tilnefningar til Ísnálarinnar 2015
 Ísnálin veitt í annað sinn  Verðlaunin veitt
fyrir best þýddu glæpasöguna á árinu
Ísnálin dregur nafn sitt af morðvopni sem var
notað í einni þekktustu glæpasögu rithöfund-
arins Raymonds Chandler, The Little Sister.
Karólína Baldvinsdóttir kemur til
með að opna myndlistarsýninguna
Og Hvað Svo? í Kaktus í kvöld
klukkan 20. Á sýningunni sýnir
Karólína verkin Viskustykki og
Sérvisku sem bæði eru í sjö hlutum.
Þau fjalla um ferli og mótun hug-
myndakerfa og hugsanamynstur,
almenna visku og sértæka. Þess má
geta að Dj. Slice mun þeyta skífum
sjálfrörsins og égtóna til klukkan
01.17. Sýningin verður svo einnig
opin laugardag og sunnudag klukk-
an 12 til 17. Kaktus er lista- og
menningarrými á Akureyri sem
stendur fyrir fjölbreyttri lista- og
menningarstarfsemi.
Gil Kaktus er í miðju Listagilinu þar sem
Populus Tremula starfaði áður.
Karólína opnar
sýningu í Kaktus
Efnt verður til
tónleikaveislu á
rokkbarnum
Boston Reykja-
vík í kvöld en
þar munu sveit-
irnar Wesen,
Nolo og Æla
stíga á svið.
Hljómsveitin
Wesen saman-
stendur af Júlíu
Hermannsdóttur, sem einnig
meðlimur sveitarinnar Oyama, og
Loja Höskuldssyni sem hefur
meðal annars leikið með sveit-
unum Sudden Weather Change
og Prins Póló. Dúóið leikur
elektróskotið indípopp. Sveitina
Nolo skipa Ívar Björnsson og Jón
Gabríel Lorange og spilar sveitin
einskonar gítarrokk sem vel er
smurt tölvu- og hljóðgervla-
hljóðum. Pönksveitin Æla stígur
síðast á svið og á eflaust eftir að
rífa þakið af húsinu. Húsið verð-
ur opnað kl. 20 og hefjast fyrstu
tónleikar kl. 20.45.
Wesen, Nolo og
Æla á Boston
Pönk Æla lék m.a.
á LungA-hátíðinni.
Vilhjálmur A. Kjartansson
vilhjalmur@mbl.is
Brosmild og heillandi á sviðinu
heillaði Monica Zetterlund sænsku
þjóðina með söng sínum. Það var
ekki síst á sviði djasstónlistar sem
hún gerði sig gildandi og skráði
nafn sitt í söguna. Zetterlund dó
árið 2005 en minningu hennar hef-
ur verið haldið á lofti af fjölda tón-
listarmanna, m.a. þeim Önnu
Grétu Sigurðardóttur og Stínu
Ágústsdóttur en þær ásamt hinum
danska Emil Norman og Svíanum
Leo Lindberg mynda hljómsveit-
ina 23/8 og komu fram í Norræna
húsinu í janúar sl. með prógramm
úr verkum Zetterlund.
„Viðtökurnar voru alveg frá-
bærar. Miklu meira en húsfyllir
var á tónleikunum og komust
færri að en vildu,“ segir Stína en
ástæðan fyrir því að Zetterlund
varð fyrir valinu er að hennar
sögn bæði kynni þeirra af tónlist
hennar og sú staðreynd að öll búi
þau í Svíþjóð og þekki því til
verka hennar.
Björkologi rökrétt framhald
Eftir frábærar viðtökur á verk-
um Zetterlund töldu stelpurnar
rökrétt framhald að finna lög eftir
aðra góða söngkonu. Björk Guð-
mundsdóttir varð fyrir valinu en
verk hennar þekkja flestir enda
fyrir löngu búin að sanna snilli
sína á tónlistarvettvanginum.
„Við tökum fyrir vel valin lög úr
safni Bjarkar frá Debut til Vulni-
cura og útsetjum á djassvísu.
Markmið verkefnisins er að kanna
nýjar hliðar á fjölbreyttri og til-
raunakenndri tónlist Bjarkar og
útsetja fyrir hefðbundinn djass-
kvartett þar sem einungis píanó,
kontrabassi, trommur og rödd
koma við sögu,“ segir Stína en það
reyndist örlítið erfiðara að vinna
djassverk upp úr verkum Bjarkar
en þeim sem djasskvartetinn gerði
úr verkum Zetterlund.
„Við höfðum helst áhyggjur af
því að verk Bjarkar væru erfiðari
í útsetningu fyrir djassverk og
sum þeirra reyndust vissulega
vera það. Sér í lagi lög af nýju
plötunni hennar. Suma raftóna
getur verið erfitt að leika eftir á
hefðbundin hljóðfæri en við teljum
okkur þó hafa útsett verkin með
þeim hætti að allir geti áttað sig á
því hvaða lag er um að ræða.“
Voru smeykar
að tala við Björk
Spurð að því hvort Björk hafi
verið með í ráðum segir Stína svo
ekki vera. Þær hafi eiginlega verið
smeykar að hafa samband við
Björk.
„Við töldum okkur bara trú um
að hún væri of upptekin til að geta
gefið sér tíma til að tala við okkur
og þar með hefðum við lítið upp úr
því að vera að reyna að hafa sam-
band við hana. Kannski vorum við
líka örlítið hræddar að hringja í
hana og trufla hana þegar hún hef-
ur nóg annað að gera.“
Stína segist þó fullviss um að
sveitin megi nota lög Bjarkar og
óttast það ekki að Björk eigi eftir
að hringja í sig bálreið.
Tónleikaferð um Ísland
Tilraunaverkefnið Björkologi er
heldur betur komið af stað en
djasshópur þeirra Stínu og Önnu,
23/8, er lagður af stað í ferð um
Ísland og voru fyrstu tónleikarnir
í gær í Grindavík.
„Við erum að hefja tónleikaferð
um Ísland og síðan er stefnan sett
á tónleikaferð um Svíþjóð í haust.
Við erum því spennt fyrir fram-
haldinu og hlökkum til að sjá hver
viðbrögð fólks verða.“
Íslandsferð með Björkologi
 Djasskvartettinn 23/8 hefur tekið vel valin lög úr safni Bjarkar og útsett fyrir
hefðbundinn djass  Fara með verkefnið um Ísland í sumar og Svíþjóð í haust
Djasshljómsveit Á myndinni má sjá meðlimi 23/8 en frá vinstri eru Stína Ágústsdóttir, Anna Gréta Sigurðardóttir,
Leo Lindberg og Emil Norman, en nafn hljómsveitarinnar er tilvísun í afmælisdag þeirra Stínu og Önnu.
Tónleikar 23/8:
» Norræna húsið, Reykjavík -
24. og 25. júlí kl. 20.
» Stykkishólmskirkja - 26. júlí
kl. 20.
» Græni hatturinn, Akureyri -
28. júlí kl. 21.
» Gamli bærinn, Mývatni - 29.
júlí kl. 22.