Vestfirska fréttablaðið - 06.12.1995, Blaðsíða 4
VESTFIRSKA
4
r
VESTFffiSKA
FRÉTTABLAÐIÐ |
Vestfirska fréttablaðið er vikublað, óháð stjórnmálaflokkum.
Blaðið kemur út síðdegis á miðvikudögum og fæst bæði I lausa-
sölu og áskrift. Verð kr. 170 m/vsk.
Ritstjórn og auglýsingar: Fjarðarstræti 16, ísafirði,
sími 456 4011, fax 456 5225.
Ritstjóri og ábyrgðarmaður: Hlynur Þór Magnússon.
Blaðamaður: Hörður Kristjánsson.
Útgefandi: Vestfirska útgáfufélagið hf., Fjarðarstræti 16, ísafirði.
Prentvinnsla: (sprent hf., Fjarðarstræti 16, Isafirði, sími 456 3223.
Sjálfstætt fólk
Ástæða er til þess að fagna niðurstöðum kosn-
inganna sl. laugardag, þar sem yfirgnæfandi
meirihluti studdi sameiningu sveitarfélaga á norð-
anverðum Vestfjörðum. Hitt er svo annað mál,
hvort ekki sé orðið fullseint og fullfámennt hér
vestra til að reyna að snúa vörn í sókn í byggða-
málum. Um nokkurra ára skeið hefur verið augljóst
að hverju stefnir, þótt margir virðist ekki vilja sjá
það. Vestfirðir eru einfaldlega að fara í eyði. í
byrjun þessa áratugar lét undirritaður þau orð falla
við ýmis tækifæri, að það kæmi honum ekki á óvart
þótt Vestfirðir yrðu komnir í auðn um aldamót.
Enginn tók undir slíkt og þótti mönnum þetta ýmist
sérkennilegur húmor eða jaðra við guðlast.
Undirritaður hefur ekki skipt um skoðun síðan á
framtíð vestfirskra byggða. Það hafa hins vegar
ýmsir aðrir gert.
Fyrir tveimur árum var kosið um sameiningu tólf
sveitarfélaga á norðanverðum Vestfjörðum og var
hún þá kolfelld í flestum þeirra. í fjórum sveita-
hreppum við Djúp, þar sem á kjörskrá voru samtals
96 manns eða 24 að meðaltali í hverju sveitarfé-
lagi, var sameiningin t.d. felld með yfirgnæfandi
meirihluta. Samtals voru 12 manns fylgjandi henni
eða þrír í hverjum hreppi að meðaltali. Nú eru
þessir hreppar reyndar allir runnir saman við önnur
sveitarfélög, hvort sem íbúum þeirra líkar betur
eða verr, og þess má geta að núna er aðeins ein
mannvera með vetursetu í einum þessara fyrrver-
andi hreppa og annast veðurathuganir.
Fólksflóttinn hefur orðið meiri með hverju árinu
og má í því sambandi nefna þá uggvænlegu stað-
reynd, sem jafnframt er vísbending um það sem í
vændum er, að í vetur er um hundrað börnum
færra í vestfirskum grunnskólum en síðasta vetur.
Jarðgöngin undir heiðarnar eru mikilvæg sam-
göngubót. Enda væri nú annað hvort með mann-
virki upp á nokkra milljarða króna. Hitt er ein-
kennilegt, þegar stjórnvöld hafa séð ástæðu til
þess að verja svo miklu fjármagni til samgöngu-
bóta hér á svæðinu, að leggja niður póstflugið um
Vestfirði. Þetta heitir að spara eyrinn en kasta
krónunni. Séu jarðgöngin bylting, þá er [Dað ekki
síður bylting á hinn veginn að leggja niður þau
tengsl milli vestfirskra byggða sem póstflugið hefur
verið í fjölda ára. Eftir að Flugfélagið Ernir hætti á-
ætlunarferðum um norðanverða Vestfirði í haust
hefur það tekið allt upp í viku - sjö daga - að koma
pósti frá ísafirði til Flateyrar - og það í góðu veðri
og góðri færð, fyrir snjóflóð. Ýmis fyrirtæki á Vest-
fjörðum hafa leitast við að selja þjónustu sína og
vinnu út um fjórðunginn. Nú er klippt á slíkt að
miklu leyti. Innan tíðar þarf að fara frá ísafirði til
Reykjavíkur og gista þar til þess að komast til
Bíldudals eða Þatreksfjarðar, þegar landleiðin er
ófær. Síðan sömu leið til baka og aftur er gist í
Reykjavík. Hingað til hefur verið hægt að skreppa
með póstfluginu. Margir hafa sinnt erindum sínum
meðan flugvélin hefur beðið og verið komnir til
baka eftir fáeinar klukkustundir. Nú er lagt af stað
suður á mánudegi (ef það er flogið) og komið til
baka á fimmtudegi (ef það er flogið). Gott fyrir
gistiheimilin í Reykjavík. Eins fer fyrir póstsend-
ingum á milli staða á Vestfjörðum - fyrst fer póst-
urinn til Reykjavíkur, svo kemur hann vestur aftur
eftir dúk og disk.
Nei, það liggur við að maður biðji ríkisvaldið að
stinga jarðgöngunum á viðeigandi stað en láta
Vestfirðinga halda sinni líftaug - flugsamgöngun-
um - eins og verið hefur.
En svo að aftur sé vikið að úrslitum kosninganna
á laugardaginn: Þegar Bjartur í Sumarhúsum er
farinn að vilja samvinnu og sameiningu, þá er orðið
bágt ástandið hjá honum.
Hlynur Þór Magnússon.
Miðvikudagur 6. nóvember 1995
-------------- -------------------- --------1 FKFTTABLAÐIÐ
Tölvuþjónustan Snerpa á ísafirði:
Tengii* öll frystihús á Vestfjörð-
um við Sölumiðstöðina
í lok síðustu viku var gengið
frá samstarfssamningi milli
Tölvuþjónustunnar Snerpu sf.
á Isafirði og Verk- og kerfis-
fræðistofunnar Strengs í
Reykjavfk, fyrir hönd Sölu-
miðstöðvar hraðfrystihúsanna,
um að tengja öll frystihús á
Vestfjörðum sem eru í við-
skiptum við Sölumiðstöðina
inn á Internetið og mun Snerpa
sf. sjá um uppsetningu og
tengingu samskiptakerfa í hús-
unum. Þessi leið í nettenging-
um var valin af S.H. og Streng
hf. sem hagkvæmasti mögu-
leikinn af þeim sem til greina
komu varðandi slíkar tenging-
ar.
Tilgangurinn með þessu er
að framleiðendur geti sent
upplýsingar daglega um af-
urðastöðu sína til Sölumið-
stöðvarinnar. Er það meðal
annars til þess gert að Sölu-
miðstöðin hafi sem réttast yfir-
lit yfir framleiðslu og lagerhald
hjá frystihúsunum. Þá mun
tengingin bæta mjög samskipti
á milli framleiðenda og Sölu-
miðstöðvarinnar, m.a. í formi
tölvupósts. Til að byrja með
munu sjö hús verða tengd á
þennan hátt.
Munu húsin tengjast í gegn-
um Internetþjónustu Snerpu
sjálfvirkt hvenær sem þess ger-
ist þörf og senda upplýsingarn-
ar þar í gegn. Þessar tengingar
eru alsjálfvirkar og gerast með
svokölluðum PPP samskipta-
staðli sem gerir meðal annars
kleift að tengja nokkrar tölvur
á staðarneti sameiginlega um
eitt mótald. Þá er jafnframt
hægt að viðhalda þessu kerfi og
gera á því viðbætur í framtíð-
inni í gegn um tenginguna frá
netþjónustu Snerpu.
Nú þegar sér Snerpa sf. um
fastar nettengingar fyrir útibú
Rannsóknastofnunar fiskiðn-
aðarins og Hafrannsóknastofn-
un á Isafirði, auk þess sem nú
stendur yfir tengivinna við
Fiskmarkað Isafjarðar til
Reiknistofu fiskmarkaða, en
Snerpa er í sama húsnæði og
Fiskmarkaðurinn að Sindra-
götu 3 á Isafirði.
(Frá Snerpu sf).
Körfuboltinn:
ísfinðingap unnu
Selfoss á útivelli
- slagur toppliðanna verður á ísafirði á laugardaginn
Sigurganga KFÍ heldur á-
fram. Liðið fór suður um helg-
ina og vann öruggan sigur á liði
Selfoss, 96-84. Isfirðingarnir
léku við hvem sinn fingur og
sigurinn var aldrei í neinni
hættu. Christopher Ozment var
atkvæðamestur í leiknum, eins
og svo oft áður, og skoraði 40
stig. Baldur var ekki langt und-
an með 26 stig, þar af 6 þriggja
stiga körfur „að hætti Baldurs".
Hrafn var leikstjóri og eins og
ævinlega stjórnaði hann liðinu
mjög vel, auk þess sem hann
skoraði 17 stig. Þórður var með
8 stig og fjöldann allan af frá-
köstum og þeir Auðunn, Finn-
ur, Shiran, Unnar og Magnús
spiluðu allir vel.
Nú er staðan orðin spennandi
- aðeins einn leikur eftir og það
á móti efsta liði deildarinnar,
IS. Hann háður hér heima um
næstu helgi, laugardaginn 9.
des. og hefst kl. 13.30. Húsið
verður opnað kl. 13 og hvetur
undirritaður alla sem vettlingi
geta valdið að koma og styðja
við bakið á okkar mönnum. Lið
IS er taplaust um þessar mundir
en KFI hefur tapað einum leik,
þannig að þessi leikur skiptir
gífurlega miklu máli.
- Gaui Þ.
Körfuboltafélag ísafjarð-
ap er eins og togari...
- Guðjón Þorsteinsson skrifar
Núna í þessum skrifuðum
orðum er Körfuboltafélag Isa-
fjarðar með betri árangur í 1.
deildinni en á sama tíma og í -
fyrra. Vissulega eru tíðindi -
þessi ánægjuleg og ber að fagna
því. Það eru margir aðilar sem
hafa gert þetta mögulegt og
undirritaður vill fá að eyða -
nokkrum línum til handa þess-
um ágætu mönnum.
Litið til baka
Mér verður hugsað til baka
til þess tíma þegar ég gekk til
liðs við endurreista stjórn KFI,
sem hefur allan tímann staðið
á bak við mig og hvatt mig og
mína menn áfram. Jú, við
fengum til liðs við okkur mann
sem hefur verið viðloðandi í-
þróttir í áratugi en vissi ekki
nokkurn skapaðan hlut um þá
íþrótt sem körfuboltinn er.
Hann sá þó að hér voru nokkrir
drengir, ef svo má að orði
komast, sem voru með glampa
í augum, alvarlega að hugsa um
að koma koma af stað
körfuknattleik hér á Isafirði og
tilbúnir að hafa fyrir hlutunum.
Og það var haldinn fundur,
stjórn var skipuð og boltinn
byrjaði að rúlla. Við réðum
þjálfara sem gerði okkur að Is-
landsmeisturum í 2. deild, við
komumst upp í 1. deild og allir
vita framhaldið - herslumuninn
vantaði upp á það í fyrra að við
kæmurn liði KFI upp í úrvalds-
deildina. Við vorum að sjálf-
sögðu óánægðir - ósanngjarnt,
ef - og allt þar fram eftir göt-
unum. Þegar á heildina er liðið
stóðum við okkur sæmilega, en
við vorum ekki nógu ákafir,
neistann vantaði. En aldrei
heyrðist annað frá stjórninni en
Þetta kemur næst.
38 sigrar, 6 töp
Sjálfur er ég ekki óánægður
í dag. Síðan að við byrjuðum
1993 erum við búnir að keppa
44 leiki - af þeim höfum við
unnið 38. Inni í þessum tölum
eru leikirnir í vetur en staðan nú
er 8 sigrar og 1 tap. Eða eins og
við segjum - einu tapi of mikið.
Þessi ár eru búin að vera erfið
og þó að mennirnir í stjórn KFI
vilji ekki viðurkenna það, þá
eru þeir sjálfir ástæðan fyrir
velgengni liðs KFI. I mínum
huga er þessi félagsskapur sem
við höfum í dag byggður upp á
svipaðan máta og þegar um
togara er að ræða: Ef yfir-
mennirnir eru góðir, þá stendur
ekki á góðum aflabrögðum. En
ekki má gleyma að allt er þetta
keðjuverkandi, allir þurfa að -
standa vaktina og enginn má -
sofna á verðinum. Eða til að
einfalda málið: „Sameinaðir
stöndum við...“
NÝJAR BÆKUR
Þeir breyttu ís-
landssögunni
Komin er út bókin Þeir
breyttu Islandssögunni -
tveir þættir af landi og sjó
eftir Vilhjálm Hjálmarsson
fyrrverandi menntamála-
ráðherra.
Önnur frásögnin fjallar
um örlagaatburði um miðja
þessa öld. Þegar bjargar-
leysi vofði yfir og ófærð og
illviðri lokuðu leiðum
gripu vaskir menn til nýrra
ráða og beittu skriðbelta-
tækjum sem voru áður ó-
þekkt hér á iandi. Guð-
mundur Jónasson fór tii
hjálpar á sínum fyrsta
snjóbíl og þúsundþjala-
smiðir smíðuðu geysistóra
sleða sem jarðýtur drógu.
I hinum þættinum segir
frá árabátaútgerð Færey-
inga frá Islandi, en hún var
ekki ómerkur þáttur í at-
vinnusögu Islendinga. Að
róa til fiskjar frá Islandi á
eigin bátum hét í munni
Færeyinga að fara til
lands.
Þetta er tólfta bók Vil-
hjálms Hjálmarssonar og
hafa flestar þeirra komist í
hóp metsölubóka. Utgef-
andi er Æskan. Bókin er
235 blaðsíður.
SIMI
456 4011
FAX
456 5225
VESTFIRSKA
I FRÉTTABLABIÐ |
- Gaui Þ.