Jökull - 01.12.1958, Qupperneq 7

var það mest að þakka áhuga Magnúsar Jó-
hannssonar, að af þeirri ferð varð. Sú ferð tókst
það vel, að ákveðið var að halda slíkum ferðum
áfram, ef þess væri nokkur kostur. Guðmundur
Jónasson gaf kost á sér og Gusa og varð það
að ráði, kostnaðar vegna, að fara með liann
einan snjóbíla á jökulinn, þótt slíku fylgi vitan-
lega nokkur áhætta, sér í lagi þar sem skrið-
jökullinn er allt annar og verri yfirferðar snjó-
bílum á haustin en framan af sumri.
Tíu þátttakendur völdust í þessa ferð:
Guðmundur Jónasson
Sigurður Þórarinsson
Magnús Jóhannsson
Jóhannes Briem
Halldór Olafsson
Valur Jóhannsson
Hanna Brynjólfsdóttir
Ingibjörg Sigurðardóttir
Margrét Halldórsdóttir
Þóra Gíslason.
Úr Reykjavík var haldið kl. 10,30 þ. 6. sept-
ember, komið að Tungnaá kl. 18,30 og í Jökul-
heima kl. 21,30. Veður var bjart og stillt þenn-
an dag.
Sunnudagur 7. september. — Kl. 8 var hiti
4° C, alskýjað og hæg suðaustanátt. Snemma
dags tóku menn að búast til jökulferðar. Ekki
reyndist mögulegt að komast á jökulröndina,
þar sem áður hafði verið farið, og varð að
ryðja Gusa leið gegnum jökulöldur rétt sunnan
við jaðarhólana háu. Skriðjökullinn var öllu
úfnari og örðugri yfirferðar en haustið áður og
sóttist ferðin seint, enda gerði þoka erfitt um
að finna beztu leið. Myrkur skall á áður en
komið væri á hjarn, og varð því að tjalda á
berum skriðjöklinum og láta þar fyrirberast um
nóttina.
Mánudagur 8. september. — Veður var enn
svipað um morguninn, kyrrt, en þoka grúfði
yfir. Lagt var af stað kl. 11,25 og tók færið
brátt að skána, er kom nær hjarnmörkunum,
en þau reyndust vera í um 1120 m hæð og
röska 10 km frá jökulrönd. Hefur því vetrar-
ákoman við hjarnmörk ekki verið mikið meiri
en sú, er mældist í gryfju þeirri, sem grafin var
um vorið (sbr. hér að framan), og samsvaraði
1100 mm vatns, en samkvæmt reglu þeirri, sem
kennd er við Ahlmann og þann, er þetta ritar,
og reynzt hefur gilda um allmarga jökla, er
3. mynd. Niðurfallið norðaustan undir Gríðar-
horni. I hjarnhamrinum sjást nokkur haustlög.
— Ice cauldron at the N foot of Gridarhorn.
Firn cliff with dark autumn layers. — Ljósm.
K. Maute, 10. júní 1958.
ákoma og bráðnun á hjarnmörkum svipuð og
meðalákoma og bráðnun viðkomandi jökuls i
heild.
Það gekk dálítið böngulega að finna Svía-
5