Feykir - 22.09.1993, Side 5

32/1993 FEYKIR5
„Þar landar enginn
fiski einn síns liðs"
Segir Brynjar Pálsson bóksali um Blöndu
„Ertu búinn að fara í Blöndu í sumar?“ voru oró sem
gjaman heyrðust á árum áöur þegar veiðimenn hér um
slóðir tóku tal saman. Það var greinilegt aö í þeirra
huga var Blanda kyngimögnuðust allra Laxveiðiáa.
Þaó jafnaóist ekkert á viö einn dag í Blöndu hvaö þá
ef þeir voru fleiri. Og menn sögðu stórkostlegar sög-
ur af veiói í þessari gruggugu jökulá, sem síöan varð
maðktæk viö geró Blönduvirkjunar. Vió það er eins og
mesti sjarminn hafi fariö af Blöndu sem laxveiðiá,
enda hefur hún auk mórauða litsins misst nokkuð af
vatnsmagni sínu frá því að áöur var. Brynjar Pálsson
bóksali á Sauöárkróki og formaóur Stangveiðifélags
Sauðárkróks er einn margra veiðimanna sem dýrkaði
Blöndu gömlu. Brynjar er einn af þessum miklu
stemmningsveiðimönnum, og trúlega slær hann öllum
öörum mönnum vió í gerð veiðisagna. Þær hafa ófá-
ar orðið til í smiöju bóksalans veióisögumar. En hvað
var það sem var svona kyngimagnað viö Blöndu
Brynjar Pálsson?
„Það sem gerði Blöndu að
svona skemmtilegri laxveiðá, var
að maður sá aldrei fiskinn í hyln-
um. Þessvegna húkkuðu menn
fisk aldrei viljandi í Blöndu, en
það varð aó finna fiskinn og þaó
gerði veiðina svo spennandi. Ég
man ekki eftir neinu öðru en
skemmtilegu við Blöndu. Þegar
við fórum 6-8 félagamir saman í
Blöndu var virkilega gaman að
veiða. Það var svo mikil hjálp í
félögunum. Þegar einn setur í
fisk þá eru kannski komnir tveir
til þrír félagar til að hjálpa. Það
landar enginn fiski í Blöndu einn
og óstuddur nema þá að taka
sjensinn á aö missa fiskinn. En
þegar menn eru klárir á háfinn þá
fer ekki fiskur forgörðum í
Blöndu, það er öruggt", segir
Binni og ljómar þegar hann rifj-
ar upp gömlu góðu dagana við
Blöndu.
Líflegt veiðilíf við
beituskúrana
Fyrstu kynni Binna af veiði-
skap var þegar hann ásamt fleiri
guttum á Króknum, veiddi sil-
ung upp úr gamla árfarvegi
Sauðárinnar sem þá rann í gegn-
um miðbæ Sauðárkróks. Síðan
tók við fjöru- og bryggjuveiði
þar sem að alls kyns tegundir
komu á land. „Veiðilíf í kringum
beituskúrana var mjög líflegt hér
á árum áður. Við pollamir feng-
um að stokka upp, sem þá var
kallað, og þá heyrðum við marg-
ar góðar sögumar. Maður lifði
sig inn í sjómennskuna þó aldrei
hafi ég verið gráðugur aö komast
á sjó því ég er mjög sjóveikur.
Ég hef varla migið í saltan sjó
nema af bryggjunni", segir Binni
og glottir við tönn.
Frá fjöm- og bryggjuveiði tók
við veiði í Vesturós Héraðs-
vatna. Þar komu bleikjur og sil-
ungar á land hjá Binna. Það var
síðan árið 1962, þá 26 ára, sem
Binni veiddi sinn fyrsta lax, 13
punda í Blöndu. „Þetta er minn-
isstæður fiskur, tekinn á maók í
svokölluðum Efridammi. Ég var
mjög hreykinn og skalf örlítið í
hnjáliðunum eins og maður á aó
gera við fyrsta fisk. Ég leiddi
laxinn mjög fallega og það tók
mig hálftíma að koma honum á
land sem þykir langur tími í
Blöndu“, segir Binni og hrein-
lega rís upp úr leðursófanum
þegar hann rifjar atburóinn upp.
Samstarf ið gott við
Húnvetninga
Stærsti laxinn sem Binni hef-
ur veitt er 21 punda lax sem kom
á land í Blöndu sumarið 1974.
„Laxinn tók spón og viö lönduð-
um honum með háf á mjög
grunnu vatni eftir erfiða en
skemmtilega viðureign. Alveg
ógleymanleg stund eins og þær
eru flestar sem maður hefur eytt
við Blöndu í góðum félagsskap.
Maður nýtur þess innilega að
veiða með góðum félögum við
skemmtilega á.
Stangveiðifélag Sauðárkróks
hefur leigt Blöndu í samráði við
Stangveiðifélag Austur - Hún-
vetninga á Blönduósi og stund-
um einnig við Stangveiðifélag
Reykjavíkur, allt frá árinu 1960,
utan tveggja veiðitímabila, þar til
nú að aðili í Reykjavík bauð
hæst í veiðiréttinn fyrir liðið
sumar.
Binni segir aó samstarfið við
Húnvetninga og Reykvíkinga
hafi ætíð verið hnökralaust og
gengið mjög vel. „Það var svo í
fyrra í fyrsta skipti sem við og
Húnvetningar töpuðum á því að
leigja Blöndu. Veiðin var léleg
og veiðileyfi seldust illa. Við
borguðum okkar skuldir þannig
að ekki töpuðu bændur á okkur.
Yfirleitt borgum við fyrirfram til
bændanna og ég er ekki viss um
það hafi tíðkast víða. Núna bauð
aðili í Reykjavík hæst í Blöndu.
Ég sé ekki annað en hann ætli að
komast vel frá því, því hann þarf
ekki að selja nema júlímánuó til
þess að hafa fyrir leigunni. Sjálf-
sagt vill þessi aðili síðan selja
okkur í stangaveiðifélögunum
veiðileyfi en ég er ekkert viss um
að svo verði. Síðasta sumar var
lélegt. Vatnsmagnið er orðið svo
sveiflukennt eftir að Blanda var
virkjuð.
Bændur eiga að
taka áhættuna
Ég er reyndar óánægöur með
að góðar veiðiár séu komnar í
hendur einstaklingum, eins og
t.d. margar ánna í Húnaþingi:
Blanda, Svartá, Vatnsdalsá og
Víðidalsá. Ég vil að bændur leigi
ámar út milliliðalaust og er mjög
ánægður með hvemig bændur
við Miðfjarðará hafa staðið að
málum. Þar er skipulagning í
góðum höndum Böðvars Sig-
valdasonar á Baröi og mér fmnst
hann hafa haldið uppi bænda-
samtökunum hvað þetta snertir.
Þar eru hlutimir gerðir af mynd-
arbrag og öðrum til eftirbreytni.
Bændumir eiga að selja ámar
sjálfir og vera ekki alltaf með
Dennan aumingjaskap að láta
Brynjar kominn með veiðihattinn og tilbúinn að renna fyrir
fisk.
áhættuna koma á milliliðinn.
Milliliðurinn getur grætt mikla
peninga á sölu veiðileyfa en það
er eins og bændur þori aldrei að
taka neina áhættu. Veiðibændur
ættu að taka sér til fyrirmyndar
hann Kára Þorgrímsson bónda í
Garði. Þar fer bóndi sem þorir að
taka áhættu og selur sínar afurð-
ir milliliðalaust. Fyrst bændur
eiga allt vatn sem rennur til sjáv-
ar, þá finnst mér vera kominn
tími til að þeir afsetji sínar ár
sjálfir. Það hljóta að vera þeirra
hagsmunir að styrkja sína undir-
stöðu. Það er óðum að verið að
skerða afurðagetuna, eins og
með rollumar og beljurnar, og
loksins þegar þeir hafa mögu-
leika á að selja sjálfir sínar ár þá
vilja þeir milliliði og eigendur
þeirra taka enga áhættu. Veiði-
bændurnir hjóta að sjá að sér
þegar í ljós kemur að milliliðim-
ir eru farnir að stórgræða á
þeim“, segir Brynjar Pálsson að
endingu.
ÞÁ/BJB
Frá kvöldskóla og
öldungardeild FNV

Haustönn 1993
Hvemig væri aó taka sig á og sækja hagnýt og athyglisverö kvöldnámskeið
í einhverju eftirtalinna?
Afbrigðileg sálarfræði (Geðsjúkdómar og sálrænir kvillar). Kennari Olafur
Jón Ambjömsson.
Bókfærsla I og II, kennari Sigríður Svavarsdóttir.
Enska I-III fyrir byrjendur og lengra komna (áhersla á talþjálfun).
Kennarar: Bjöm Magnússon og Þorkell V. Þorsteinsson.
Franska I og II fyrir byrjendur og lengra komna. Kennari Geirlaugur
Magnússon.
Italska fyrir byrjendur. Kennari Enrico Bascarin.
Spænska fyrir byrjendur. Kennari Stefanía Hjördís Leifsdóttir.
Tölvufræði fyrir byrjendur. Kennt á PC tölvur. Kennari Valgeir Kárason.
Saumar, kennari Fjóla Sveinsdóttir.
Leiklistarnámskeið fyrir byrjendur 13-15 ára og 16 ára og eldri (11 klst.).
Fengist er m.a. vió takt, spuna og líkamsvinnu. Veró kr. 4000.
Kennari Ingólfur Bjöm Sigurðsson.
Að auki er boðið upp á eininganám í öllum greinum dagskóla í
öldungadeild.
Hvert námskeið stendur í 10 skipti, tvær klukkustundir í senn nema leiklist-
amámskeiðió. Aó jafnaói er kennt einu sinni í viku í hverju námskeiði.
Kennsla hefst 4. október næstkomandi.