Feykir - 12.07.2007, Blaðsíða 9

26/2007 FeykJr 9
Krakkarnir gróðursetja hér og þar á svæðinu. Líka milli kletta og í grjóti og er svæðið að verða hið blómlegasta.
Heimsókn í Blönduvirkjun
23 unglingar
í sumarvinnu
Framleiðsla á rafmagni er
ekki eina starfsemin sem
fram fer í Blönduvirkjun.
Innan um fastráððna
starfsmenn er fjöldinn allur
af unglingum sem koma í
sumarvinnu, sum þeirra ár
eftir ár. Þetta eru krakkar
á aldrinum 16-20 ára sem
vinna fjölbreytt störf á
svæðinu, allt frá gróður-
setningu til eldamennsku.
Ragnhildur Friðriksdóttir
skellti sér upp í virkjun og
fræddist um starfsemina
þar.
í ár koma 23 unglingarnir í
sumarvinnu. Flest þeirra koma
úr Austur-Húnavatnssýslu en
einnig eru krakkar úr Skagafirði
og Reykjavík. Krakkarnir \inna
í 10 vikur yfir sumarið við
hin ýmsu verkefni, svo sem
gróðursetningu, girðingavinnu,
eldhússtörf, áburðardreifingu,
ýmiskonar viðhald, þrif og
margt fleira, auk þess sem alltaf
er einn sem sér um að taka
á móti gestum er heimsækja
virkjunina. Dvalið er í tveggja
og þriggja rnanna herbergjum
í glæsilegu starfsmannahúsi
sem býður upp á góða aðstöðu,
en krakkarnir halda svo á
heimaslóðir urn helgar.
Það lætur sér enginn
leiðast
Svona vinna er ekki fyrir alla
en hinsvegar er auðséð að
krökkunum sem þarna vinna
að þeim finnst þetta alls ekki
leiðinlegt. Dagurinn byrjar
stundvíslega klukkan átta þar
sem þeim er úthlutað verkefnum
og þau halda á vinnustaði sína.
Þau vinna fram að hádegi,
þó með einni kaffipásu. í
hádeginu er haldið til baka í
starfsmannahúsið í hádegismat
þar sem eldhúsdömurnar
hafa útbúið dýrindis mat.
Síðan heldur vinnudagurinn
áfram allt til kl. 18:30 en þá
er haldið í kvöldmat sem er
ekki síðri en hádegismaturinn.
Ekki eru allir dagarnir þó
svona því reglulega eru haldin
námskeið fýrir krakkana,
s.s. skyndihjálparnámskeið,
öryggisnámskeið, brunavarna-
námskeið og jafiiingjafræðsla,
þannig að krakkarnir verða
reynslunni ríkari að surnri
loknu.
Það er ýmislegt sem
krakkarnir geta gert í frítíma
sínum og varla hægt að láta sér
leiðast. Ef viljinn er fyrir hendi
geta krakkarnir verið í ró og
næði inni í herbergi, en annars
geta þau farið í billjard, horft á
sjónvarp og bíómyndir, farið
í heitan pott, gufú, körfú- og
fótbolta, farið að lyfta auk
þess sem þau halda hvort
öðru félagsskap með spjalli og
skemmtilegheitum.
Frábært andrúmsloft
og góður matur
Eitt sem ekki fer ffamhjá
nokkrum manni sem þangað
kemur, er hversu góðir vinir
krakkamir eru orðnir. Frábær
andi ríkir meðal þeirra og þau
virðast öll vera perluvinir. Að
sögn Nínu Hrefnu og Grétu
Maríu, tveggja 17 ára stúlkna
sem þama starfa, er það frábært
hversu gott andrúmsloft er
á staðnum. Stelpurnar voru
spurðar hvað væri það besta
við að vinna þarna, og þær voru
ekki lengi að svara báðar í kór
- “Maturinn”. En síðan bættu
þær við að krakkarnir hér væru
frábærir og enginn mórall væri
til staðar, hér væri góð aðstaða
og síðast en ekki síst eyddi
maður engum pening hér og
kæmi fyrir vikið ríkari til leiks á
veturnar en ella. Þegar þær voru
loks spurðar livað væri það
versta við dvölina hér, þurftu
þær að hugsa sig um, en svöruðu
loks flissandi að gróðursetning
væri sennilega verst.
Margar hendur vinna
létt verk
Landsvirkjun er með sérstakt
umhverfisverkefhi í gangi
sem ber nafnið „Margar
hendur vinna létt verk”.
Verkefnið byggist á því að
einstaklingar, félagasamtök
eða fýrirtæki sækja um styrki
fýrir umhverfisverkefnum til
Landsvirkjunar. Styrkur sá felst
í því að fá unglinga til sín í vinnu
til skamms tíma - þeim að
kostnaðarlausu. Það eina sem
umsækjandi þarf að gera er að
greiða fæði og sjá um að öryggi
og aðgengi uppfýlli kröfúr.
Umsóknum um þessa styrki
hefur fjölgað ört og í ár hlutu 12
aðilar styrk til ýmissa verkefna,
t.d. umhirðu kirkjugarða, gerð
göngustíga, gróðursetningu
og fleira, og í sumar hafa
krakkarnir farið víða bæði í
Húnavatnssýslu og Skagafirði í
tengslum við þetta verkefni.
Nóg af verkefnum
handa krökkunum
Það eru eflaust einhverjir sem
velta fýrir sér tilgangi þessarar
starfsemi. En þegar betur er að
gáð, kentur í ljós að hann er
vissulega til staðar. Krakkarnir
þrífa neyðarútganga inni í
virkjuninni svo þeir rykfalli
ekki og öryggi þeirra tapist, en
Þessar hressu stúlkur voru að bera áburð á trjágróðurinn við virkjunina.
Þessar stúlkur sáu um að þrifa herbergi krakkanna.
Fúsi, Ingvi og Pálmi rifa upp girðingu.
Eldhúsdömurnar ásamt Stefáni bökuðu dýrindis pizzur.
það er lagt sérstaklega mikið
upp úr öryggi á svæðinu. Fjöldi
útlendinga kemur til að skoða
virkjunina, og mikilvægt þykir
að þeir korni að snyrtilegu
og fallegu umhverfi og sjái
að virkjunum fýlgi ekki alger
spilling eins og margir vilja
halda.
Staðreyndin er einnig sú að
mikil landgræðsla hefúr átt sér
stað á þessu svæði fýrir tilstilli
unglingavinnunnar. Hér er
lóðin vel hirt og snyrtileg, varla
finnst sá fermeter sem ekki vex
á tré, gróðurinn hefur dreift úr
sér svo að plöntur eru jafnvel
farnar að vaxa upp úr klettum.
Krakkarnir hafa farið á breitt
svæði í kringum virkjunina og
tekið all svakalega til, svo að
ljóst er að sveitin nýtur góðs af
vinnu þeirra.
Þá er ekki nerna von að
maður spyrji sig hvort virkjana-
framkvæmdir hafi alslæin áhrif
á umhverfið.
Alla vega kveð ég virkjun-
arsvæðið mun fróðari en áður.