Feykir - 18.12.2008, Blaðsíða 24

24 Feykir 48/2008
Binný og jólarósirnar
Gamla skrautið nýtur sín vel á trénu sem Binný og Ómar eignuðust á sínum fyrstu búskaparárum.
Jólaglugginn í Blóma og gjafabúðinni hefur
vakið verðskuldaða athygli
Jólaskraut
meö sál
Það er sál yfir glugganum í
Blóma og gjafabúðinni þessa
aðventuna en hugmyndina
fékk eigandinn Brynhildur
Sigtryggsdóttir, eða Binný,
síðsumars. í glugganum er
saman safn af gömlu skrauti
úr eigu fjölskyldunnar og eru
hlutirnir vel flestir yfir
40 ára gamlir.
Sjálf segir Binný að henni
haldist vel á hlutnum. - Því
miður brotnar aldrei neitt hjá
mér, segir Binný og hlær. Ég
hvái á móti. -Já stundum
verður maður leiður og
pirraður á hlutunum og langar
í eitthvað nýtt en það fýlgja
engu að síður minningar öllum
þessum hlutum, bætir hún við.
í glugganum hennar Binnýjar
kennir ýmissa grasa og segir
hún að glugginn hafi vakið
mikla athygli vegfarenda. -Það
sagði mér ein kona að hún væri
hér framhjá á hverju kvöldi til
þess að horfa á gluggann.
Það hefur enginn viljað fá að
kaupa það sem í glugganum
er? —Jú, það kom einn maður
hingað inn voða glaður og hélt
að bjölluseríurnar á jólatrénu
væru til sölu, segir Binný en
bjölluserían og hin á trénu
koma báðar úr búi foreldra
Binnýjar. -Klukkurnar koma
frá Reykjalundi og voru keyptar
á fyrsta búskaparári foreldra
minna, Sillu Gunnu og Tryggva,
hin serían er líka frá þeim en ég
veit ekki hvar hún var keypt. Ég
fékk rafvirkja í fjölskyldunni til
þess að laga fyrir mig bjöllu-
seríuna sem var eitthvað farin
að bila. Jólatréð í glugganum er
fyrsta eða annað jólatréð okkar
Ómars, ég held samt frekar að
það sé annað tréð og að það
fyrsta hafi lent í ruslinu, en það
var svona tré sem hægt var að
brjóta saman og mér leiddist
það alltaf. Trénu var því miður
hent.
Hvað með skrautið á trénu?
-Það er eldgamalt skraut frá
mömmu og tengdamömmu,
Maríu Hermanns, og síðan á
Reynir Kára, frændi hans
Ómars [Kjartanssonar, eigin-
manns Binnýjar, innsk. blm.]
eitthvað smá skraut á trénu.
Þetta kemur því allt innan
fjölskyldunnar.
Bangsinn heitir Palli
Binný er mikill kertasafnari og
segist hún hafa um jól tekið
gömlu kertin sem hún og Ómar
hafi eignast í gegnum árin og
raðað þeim upp. - Bambinn og
jólasveinahausinn í glugganum
hafa fylgt Ómari frá því hann
var fimm eða sex ára.
Myndirnar á veggnum fékk
mamma einhvern tímann og
var alltaf með í kringum jólatré
í svona hring en þær voru
samhangandi. Síðan með
tímanum fór það alltaf i sundur
og ég tók þær og límdi upp á
bak við jólatréð. Kertastjakinn
úr plasti sem mótaði hring eða
slöngu fékk ég í jólagjöf þegar
ég var mjög lítil frá föður ömmu
minni svo og bláa
klukkustrenginn. Síðan er það
bangsinn sem heitir Palli í
höfuðið á Páli afa mínum, en
bangsann fékk ég árið 1964.
Síðan eru þarna líka jólakerti
sem tengdamóðir mín átti og
hafa alltaf farið upp í stofunni
heima en ég ætla að geyma hér
í búðinni þessi jólin, telur Binný
upp. - Bollastell er þarna úr
plasti sem ég fékk í jólagjöf
þegar ég var 7 ára frá Nonna og
Sólbrúnu og það er heilt og
vantar ekkert í það enda hefur
enginn fengið að leika sér með
það. Ég veit að Sólbrún var
mjög glöð þegar hún sá stellið í
glugganum hjá mér, bætir
Binný við.
í glugganum er líka forláta
kassi undan bíl sem Ómar fékk
í jólagjöf sem strákur, bíllinn er
enn til, en kassann notaði
tengdamóðir Binnýjar alltaf
undur jólakúlurnar. Segir Binný
að skrautið hafi allt verið í
kassanum þegar hún fékk hann.
Ekki má gleyma dagatals-
strengnum í glugganum en
Binný segir að í æsku hafi
mamma hennar sett bláar
Akrakaramellur í strenginn
eina fyrir hvern dag.
-Síðan fengum við systur að
taka eina karamellu á dag og
þar sem við vorum þrjár fengu
við karamellu þriðja hvern dag.
Ég held að það myndi ekki þýða
rnikið að bjóða krökkum upp á
slíkt í dag. Ég man að einu sinni
kom Bára á Víðimel í heimsókn
og fékk sér karamellu um leið
og hún fór fram hjá strengnum.
Hún tók karamelluna af 24.
desember og það lá við að jólin
yrðu ónýt það árið en hún
Gurra systir átti að fá þá
karamellu. Það var mikill grátur
og leiðindi út af þessari einu
karamellu, rifjar Binnýhlæjandi
upp. Núna eru Freyjukaramell-
ur í strengnum og karamellu
dagsins fær fyrsti viðskipta-
vinurinn á hverjum degi.
Jólaverslunin fariö
ágætlega af staö
Aðspurð segir Binný að jóla-
verslunin hafi farið ágætlega af
stað og hún finni ekki fyrir því
að það sé kreppa. Ekki nema þá
helst að fólk versli örlítið
ódýrari gjafir en áður en það sé
líka í lagi. -Sjálf ætla ég aðeins
að bjóða upp á íslensk blóm
þessi jólin en þarf að vísu að
kaupa þetta græna með erlendis
frá en það er ekki í miklu
magni.
Hvernig gengur að samræma
jólaundirbúninginn heima og
búðarrekstur? -Ég er mjög
slök í þessu heima og fæ
fagmann, mömmu og Ingu
systur til þess að baka, segir
Binný En í þeim töluðu orðum
birtist Inga í búðinni með
dýrindis súkkulaðiköku. Eins
og þetta hafi allt verið fyrirfram
ákveðið og hún beðið úti eftir
rétta lykilorðinu -Mamma og
Inga hafa verið mjög hjálplegar
og síðan ætla ég ekki að gera
neina stóra hluti heima. Ég er
búin að skrifa jólakort og senda
í póst og allar jólagjafirnar eru
klárar. Ég tók það bara snemma
en það hefur aldrei verið neitt
jólastress hjá okkur Ómari, við
borðum bara á aðfangadags-
kvöld þegar allt er tilbúið,
ekkert stress hér, segir Binný að
lokum.