Feykir - 10.09.2009, Blaðsíða 10
lO Feykir 33/2009
Nýnemadagur FNV
Nýnemar hafa látiö af
barnaskap sínum
Nýnemadagur var haldinn í Fjölbrautaskóla Norðurlands
vestra sl. föstudag en dagurinn kom í stað hefðbundinnar
busavígslu. Dagskrá dagsins fólst í því að nýnemar voru klæddir
upp eins og börn og leidd í leikskólabandi um bæinn þar sem
þau voru látin taka þátt í ratleik.
f leiknum áttu þau að leysa
hin ýmsu verkefni af hendi
undir styrkri stjórn eldri og
þroskaðri nemenda. Að loknum
þrautunum, sem bæði reyndu á
hug og hönd, var tekið á móti
nýnemunum með heitum
vöfflum og kaffi eða djús. Þar
með höfðu nýnemarnir látið af
barnaskap sínum og boðnir
velkomnir í hóp eldri nema.
Ratleikurinn hófst í efra húsi
skólans en 1. vísbending leiddi
nemendur inn á heimavist þar
sem þau áttu að svara hversu
mörg herbergi væri á vistinni.
Herbergin eru 73 en það vissi
bara einn hópurinn. Þaðan var
haldið í Árskóla þar sem
nemendur sungu Árskólalagið
við mikinn fögnuð kennara
Árskóla sem þarna þekktu
einhver andlit gamalla nem-
enda. Eftir það var haldið á
Flæðarnar þar sem teknar voru
léttar æfingar undir stjórn eldri
nemenda.
Því næst var haldið í
Skagfnðingabúð þar sem
nemendur gerðu góðverk
dagsins og hreinsuðu
tyggjóklessur upp af stéttinni
fyrir framan búðina.
Hóparnir enduðu svo í effa
húsi skólans þar sem allir fengu
dýrindis vöfflur og sleikjó.
Meðfylgjandi myndir tók
Þorkell Þorsteinsson.