Feykir - 12.11.2009, Blaðsíða 8

8 Feykir 42/2009
MITT LIÐ
Ég gleymi aldrei þeirri stund
þegar ég leit djásnió augum
Nafn: Þórarinn Sveinn Thorlacius.
Heimill: Sauðárkróki.
Starf: Málari.
Hvert er uppáhalds liðið þitt í enska bolt-
anum og af hverju? Ég byrjaði að fylgjast
með enska boltanum 1970, án þess þó
að halda með einhveiju sérstöku liði en
Arsenal gekk vel og varð tvöfaldur meistari
'71. Ég hreifst með og hef verið eldheitur
Arsenalmaður síðan.
Hefur þú einhvern tímann lent í deilum
vegna aðdáunar þinnar á umræddu liði?
í aprílmánuði árið 2002 var ég staddur í
Portúgal. Á laugardegi klæddi ég mig upp
á í mína Arsenaltreyju og síðan tókum við
hjónin á rás niður Laugarveginn til að finna
einhvern pub þar sem hægt væri að horfa
á leikinn. (Við skulum muna að árið 2002
var einstaklega gott ár). Frúin þurfti að líta
inn í búð á leiðinni, svo ég beið eftir henni
úti. Sé ég þá ekki stóran hóp af enskum
fótboltabullum, allir f Leeds búningum, búnir
að fá sér dálítið mikið í tána, starandi í áttina
að mér. Þegar þeir sjá Arsenalpeysuna tóku
þeir að bölfa og ragna á nær óskiljanlegri
ensku, og létu mig svo sannarlega vita
hvers lags maður ég væri. f þann mund
sem þeir voru að bretta upp ermarnar til
að lúskra á mér, stormaði konan út úr
búðinni, hvessti augun á þessa ófriðarseggi
og skipaði þeim á brott. Þeir létu sig hverfa
í snatri. Lærdómur; aldrei að vera í merktri
félagspeysu á leikdegi í útlöndum.
Hver er uppáhaldsleikmaðurinn fyrr og
síðar? Það er af svo mörgum snillingum
að taka að erfitt er að velja einn úr. En ef
ég neyðist til að nefna eitt nafn þá held
ég að það sé Dennis Bergkamp, einstakur
snillingur og goðsögn hjá félaginu, en
ég held að ég verði að hafa Liam Brady,
Tony Adams, Vieira og Henry einnig með í
upptalningunni.
Hefur þú farið á leik með liðinu þínu?
Ég fór mína fyrstu ferð á Higbury árið '98,
ógleymanleg pílagrímsferð sem gekk ekki
áfallalaust fyrir sig. Þegar kom að leikdegi
kom í Ijós að ferðaskrifstofan sveik okkur
um miða, en við vorum þn'r saman, og
orðnir ansi miður okkar. Við mættum á
völlinn þremur tímum fyrir leik og grétum í
miðasölunni og sögðum farir
okkar ekki sléttar. Stúlkan
í boxinu bað okkur um
símanúmerið hjá þessum
svikahrappi sem hefði selt
okkur miðana og hringdi svo í
hann. Eftir að hún var búin að
segja okkur álit sitt á þessum
svikahrapp fengum við miða
tíu mínútum fyrir leik. Þvílíkur
léttir. Síðan þá hef ég farið nokkrar ferðir á
Highbury, eina ferð á Old Trafford, 15. feb
2002 á stórskemmtilegan leik og síðan er
ég búinn af fara pílagrímsferð á Emirates.
Flestir þessir leikir hafa endað vel, aðeins
einn tapleikur, sem ég er reyndar búinn að
gleyma.
Áttu einhvern hlut sem tengist liðinu?
Rauði vinnubíllinn minn, Nallarinn. Vinnu-
félagarnir lögðu á sig mikla vinnu við að
pimpa hann upp meðan ég var fjarverandi í
fríi. Éggleymi aldrei þeirri stund þegarégleit
djásnið augum, stórkostlegt. Takk strákar!
Hvernig gengur að ala aðra fjölskyldu-
meðlimi upp í stuðningi við liðið? Ég segi
nú alltaf að ég reyni ekki að hafa áhrif á
fjölskylduna, en auðvitað reyni ég það. Ég
gaf dótturdóttur minni náttföt merkt Arsenal
í bak og fyrir þegar hún var fjögurra ára, en
því miður held ég að þau hafi endað í ruslinu,
enda pabbinn Man. U. En dóttursonur á
sama aldri er sannkristinn Arsenalmaður út
í gegn. Svo er einn Ijögurra ára sem ég vona
að haldi í trúna, hann á allavega búninginn
og er oft í honum.
Hefur þú einhvern tímann skipt um upp-
áhalds félag? Hvers lags spurning er þetta
eiginlega?
Uppáhalds málsháttur? Kannski ekki
málsháttur, heldur orðatiltæki. Góðir hlutir
gerast hægt. Það vísar í það sem Mr. Wenger
er að gera með liðið núna. Vera þolinmóður
og halda í trúna.
Einhver góð saga úr boltanum? Fótbolta-
klúbburinn sem ég er í, fór saman á leik
haustið 2001 á Arsenal - Man. Utd. Þessi
ferð var mjög minnisstæð, þetta er leikurinn
þegar Barthez gaf á Henry sem þakkaði fyrir
sig og skoraði. Þegar Arsenal skoraði svo
mark númer tvö ærðist maður úr fögnuði og
stökk á fætur. Þegar um hægðist fór ég að
líta eftir konunni, sé ég þá að hún er ífanginu
á einhverjum útlendingi sem sveiflar henni í
kring um sig í miklum fögnuði, sú er fljót að
kynnast hugsaði ég. í þann mund setti hann
hana niður horfði á hana augnablik og sagði
svo: Sorry, you are not my wife.
Spurnlng frá Gauja: - Hvenær eigum við
að pimpa hvíta upp? Þetta gæti verið
eins og aðalbúningurinn (rauði) og
varabúningurinn (hvíti).
Svar... Gaui minn, við þurfum ekki
á því að halda, sá rauði kemurtil
baka.
Hvern myndir þú vilja sjá svara
þessum spurningum? Hallbjörn
Björnsson (Habbi)
Hvaða spurningu viltu lauma að
viðkomandi? Hvar er Newcastle?
Fundur um atvinnutækifæri í ferðaþjónustu
Tækifærin
leynastvíða
Gott fyrirtæki var sannarlega eitt
sinn aðeins hugmynd. Þetta var
meginmál ræðumanna á fundi um
atvinnutækifæri í ferðaþjónustu
sem haldinn var á Skagaströnd í
sfðustu viku.
Fundurinn var ætlaður sem
hvatningarfundur fyrir þá sem áhuga
hafa á að hasla sér völl í ferðaþjónustu
en vantaði upplýsingar. Nokkrir
reynsluboltar voru ræðumenn og
miðluðu fundargestum af þekkingu
sinni.
Fundarboðendur voru Sveitarfélag-
ið Skagaströnd, Samtök sveitarfélaga
á Norðurlandi vestra, Markaðsstofa
ferðamála á Norðurlandi og Ferða-
málasamtök Norðurlands vestra.
Fundinn setti Adolf Berndsen
oddviti Sveitarfélagsins Skagstrandar.
Hann ræddi um hvernig ferðaþjónustan
hefði fengið byr undir báða vængi
og eftir hrunið hefði orðið ákveðin
hugarfarsbreyting. Á Skagaströnd
hefði bæjafélagið eflst með því að
opinberum störfum hafi fjölgað en
sterk innviði og öflugt samfélag er
forsenda blómlegrar ferðaþjónustu.
Hann nefndi uppbyggingu sem þegar
hefði átt sér stað. Kántrýbæ skiptir
miklu máli og Nes listamiðstöðin hefur
bæst við. Listamenn sem þangað koma
hafa fullyrt að hún hún standist þeirra
væntingar og þá um leið að Skagaströnd
hefur allt að bjóða sem gestir þurfa.
Skipulag ferðaþjónustu í
Þingeyjarsýslum
Edward H. Huijbens forstöðumaður
Rannsóknarseturs ferðamála við
Háskólann á Akureyri sagði frá
skipulagi ferðaþjónustunnar í
Þingeyjarsýslum. Að verkefninu
stóðu Ferðamálasetur íslands og
Rannsóknarstofnun ferðamála á Nýja
Sjálandi fyrir Atvinnuþróunarfélag
Þingeyinga. Vinnan byggði á reynslu og
vinnu sérfræðinga frá Kanada og Nýja
Sjálandi.
Markmið stefnumótunarinnar var
að greina möguleika til uppbyggingar á
ferðaþjónustu til framtíðar út frá úttekt
á því sem svæðið hefúr upp á að bjóða.
Afþreying
Sigurður Sigurðarson markaðsráðgjafi
Sveitarfélagsins Skagastrandar ræddi
um afþreyingu og mikilvægi hennar í
ferðaþjónustu.
Hann lagði áherslu á að ferðamenn
vilji núorðið frekar vera þátttakendur
og gerendur en hlutlausir þiggjendur.
Afþreying eykur líkurnar á því að
ferðafólk dvelji lengur á hverjum stað,
forsendaþess er að það kaupiýmiskonar
þjónustu sem er í boði.
Sigurður nefndi að sumir teldu að á
Norðurlandi vestra væri mikill skortur
á „stórkostlegum náttúruminjum".
Það er einfaldlega rangt enda misjafnt
hvað menn teldu vera stórkostlegt.
Mikill munur er til dæmis á viðhorfi
innlendra og erlendra ferðamanna í því
efni. Hægt sé að byggja upp afþreyingu
sem nýti náttúrufar hvers svæðis, nefna
mætti menningartengdra ferðaþjónus.
Hvalaskoóun
Ásbjörn Björgvinsson framkvæmda-
stjóri Markaðsstofú Norðurlands ræddi
um hvalaskoðun og upphaf hennar
á Húsavík. Fyrir hana hafði ekkert
umtalsvert veriði en hún hefði breytt
bænum og byggt upp ýmiskonar aðra
ferðaþjónustu.
Uppbygging ferðaþjónustufyrir-
tækja þarf að minnsta kosti þriggja ára
reynslutíma og tryggt þjónustuframboð
á meðan. Hann lagði áherslu á að búa
þyrfti til vörumerki fyrir Norðuralnd
vestra þar sem saman kæmi sýn,
tilgangur og hvað er áhugavert.
Sjóstangveiði
Haraldur Ingi ræddi um sjóstangveiði
með eikarbátnum Niels sem lengi
hefur verið gerður út frá Hauganesi
á Árskógsströnd. Veiðin er yfirleitt
góð, þorskur, ýsa, ufsi og steinbítur
eru algengur afli. Veiðimönnum
gefst líka kostur á viðkomu í Hrísey.
Sjóstangaveiðin tekur um það bil þrjár
klukkustundir og farið er daglega á
tímabilinu maí til september, jafnvel í
október.
Haraldur fjallaði einnig um þau
tækifæri sem felast í ferðaþjónustu
tengdri sjónum og hvað læra mætti af
reynslu þeirra.
Gisting
Stefán Haraldsson atvinnuráðgjafi
SSNV og stjórnarformaður Farfugla
ræddi um skilgreiningar á gististöðum
skv. reglugerðum og lýsti svo
þjónustuframboði á farfúglaheimilum
og helstu tölum.
Stefán nefndi að mikill uppgangur
væri í sölu gistirýma hjá Farfuglum og
æ fleiri gistiheimili bættust í hópinn
á hverju ári. Salan á þessu ári og því
síðasta hefur aldrei verið meiri. Á
Farfuglaheimilum eru útlendingar um
85% afviðskiptavinunum.
Grein þessi er úttekt úr greinagerð sem
Sigurður Sigurðarsson og Edward H.
Hujbens. Greinargerðina i heild má lesa
inni á www.skagaströnd.is