Skólavarðan - 01.05.2006, Page 15

SKÓLAVARÐAN 4.TBL. 6. ÁRG. 2006
umgjörðina þannig að rennslið á
sýningunni verði sem best. Einnig hafa
nemendur úr unglingadeild verið fengnir
til að taka sýninguna upp á myndband og
eru til upptökur frá skemmtuninni síðustu
tuttugu árin.
Umsjónarkennarar sjá um undirbúning
og æfingar og fá oft aðra kennara til liðs
við sig og er tónmenntakennarinn mjög
umsetinn á þessum tíma. Til að byrja með
er æft í skólastofunum en síðustu daga
fyrir sýningu er æft í félagsheimilinu þar
sem sýningin fer fram. Degi fyrir sýningu
er haldin aðalæfing þar sem öll atriðin eru
keyrð í gegn og fá þá nemendur tækifæri
til þess að horfa á atriði hinna bekkjanna.
Á sýningunni sjálfri eru nefnilega allir
nemendurnir og kennararnir í danssalnum
(við hliðina á sýningarsalnum) og bíða
þess að koma fram. Þar er oft glatt á
hjalla, spilað, teflt eða horft á skemmtilegt
myndband.
Algengast er að yngstu nemendurnir
séu með söngatriði, oft bæði sungin og
leikin, en þau eldri eru með stutt leikrit
eða leikþætti. Oft er um frumsamið efni
að ræða. Hefð er fyrir því að 7. bekkur,
elsti bekkurinn á sýningunni, sé með
lengsta atriðið og fer það oft upp í 20 til
30 mínútur í flutningi en sýningin sjálf
tekur um 1½ til 2 klukkustundir með hléi. Í
lok skemmtunarinnar koma allir bekkirnir
á sviðið ásamt starfsfólki skólans og
syngja fallegt sumarlag. Áhorfendur eru
þá beðnir um að standa á fætur og taka
undir sönginn.
Mikið er lagt upp úr framsögn enda
fer sýningin fram í félagsheimilinu og
áhorfendur eru yfirleitt milli tvö og þrjú
hundruð og ungar raddir þurfa að vera
vel þjálfaðar til að heyrast stafna á milli.
Nemendur sjá oftast um búninga sjálfir og
útbúa leikmyndir en stundum er leitað á
náðir leikfélagsins eða foreldrar fengnir
til að hjálpa til. Töluverður tími fer í
undirbúning sýningarinnar en við teljum
að honum sé mjög vel varið.
Sumarskemmtun Grunnskólans á
Blönduósi hefur fyrir löngu skipað sér
veglegan sess í menningarlífi staðarins
Skólavarðan hafði spurnir af því að Sumarhátíð Grunnskólans á Blönduósi væri með
miklum glæsibrag. Gestur á hátíðinni sagðist ekki hafa átt von á jafn skemmtilegum, vel
æfðum og vel fluttum skemmtiatriðum, sem sum hver voru frumsamin af nemendum,
og greinilegt að mikill metnaður væri lagður í hátíðina. Hátíðin er haldin árlega á
sumardaginn fyrsta. Myrkar miðaldir sumardagsins fyrsta náðu aldrei til Blönduóss
en árum saman fór víða um land lítið fyrir þessum fyrrum mikla fagnaðardegi.
Undanfarið hefur sem betur fer verið hrist af honum rykið og bæjarfélög, íþróttafélög
og fleiri aðilar tekið við sér svo um munar. Allir þekkja framlag skátanna sem ásamt
með Grunnskólanum á Blönduósi og nokkrum fleiri sumardagsdýrkendum náðu að
halda lífi í deginum á erfiðum tímum. Ef eitthvað er ættum við að halda hátíðlega
sumarvikuna fyrstu og fagna því að koma heil á húfi undan vetri með stórkostlegum
hátíðarhöldum. Okkar séríslenska karnival, Ríó norðursins.
og hefur oftast verið einn af best sóttu
viðburðum ársins enda koma ekki bara
mömmur, pabbar, systkini, afar, ömmur,
frænkur og frændur heldur margir
aðrir sem hafa áhuga á fjölbreyttu
menningarlífi.
Gleðilegt sumar!
Þórhalla Guðbjartsdóttir og Helgi Arnarson
Höfundar eru aðstoðarskólastjóri og skólastjóri
Grunnskólans á Blönduósi
Nemendur horfa á myndband eða spila
á spil í danssalnum á meðan þeir eru
ekki að sýna á sviðinu.
Elstu nemendurnir sýndu einnig frumsamið
leikrit sem þeir nefndu Sjónvarpskvöld,
fjölbreytt atriði með dansi, leik og söng
– sannkölluð revía.
SUMARDAGURINN FYRSTI
15