Skólavarðan - 01.05.2006, Síða 26

SKÓLAVARÐAN 4.TBL. 6. ÁRG. 2006
26
NÁMSKEIÐ, KYNNING Á SAMTÖKUM
Kennaranámskeið Kramhússins verður
haldið dagana 19. - 24. júní í 23. sinn.
Að þessu sinni er námskeiðið tvískipt.
Annars vegar fyrir leiðbeinendur og
kennara í leik- og grunnskólum og
hins vegar sérhannað námskeið fyrir
tónlistarkennara. Aðalkennari á báðum
námskeiðum er Sofía López-Ibor Aliño
sem er einn þekktasti og vinsælasti Orff
kennari samtímans. Sofía hefur áralanga
reynslu í kennslu og námskeiðahaldi með
börnum og fullorðnum víðs vegar um
heiminn. Markmið hennar í kennslu er
að nálgast viðfangsefnið í gegnum klapp
og rythmaleiki, þulur, hreyfingu og dans
í hópi. Það að nálgast börnin á þeirra
eigin forsendum og með því sem þeim
þykir skemmtilegt færir okkur dýrmætan
efnivið inn í heim spuna og tónsmíða.
Eftir að samtökin
Médecins Sans Front-
ières, eða Læknar
án landamæra, voru
stofnuð í Frakklandi
hafa landamæralaus
samtök sprottið upp
eins og gorkúlur
víða í heiminum. Til
eru smiðir, trúðar,
hjúkrunarfræðingar
og hjúkrunar-fræðinemar, fréttamenn,
listamenn, arkitektar, mæður og lögfræð-
ingar að ótöldum fjölskyldum, vináttu,
heimi, tækni og bókum án landamæra. Er
þá einungis fátt eitt talið. Þá eru til samtök
sem heita einfaldlega „Without borders“
og eru fyrir fólk með „borderline“
persónuleikaröskun.
Hugtakið er svo útbreitt að farið er
að nota það í ýmsu samhengi, Afganinn
Mohammed Daud Miraki kallar til að
mynda Bandaríkjastjórn morðingja án
landamæra í nýlegri grein á rense.com
og stofnuð hafa verið fyrirtæki sem eiga
ekkert skylt við upphaflegu hugsjónina en
nota orðin „without borders“ í heiti sínu.
Þessi samtök án landamæra má telja að
eigi sérstakt erindi við félaga í Kennar-
asambandi Íslands:

Samtökin Kennarar án landamæra voru
stofnuð árið 2000 með það að markmiði
að jafna menntun með því að þjálfa
kennara og sinna samfélagsmenntun þar
sem skortur er á skólum og kennurum.
Samtökin byggja í starfi sínu á skýrslu
Jacques Delors um menntun 21. aldarinnar,
sjá www.teacherswithoutborders.org/pdf/
Delors.pdf
Af vefsíðu samtakanna:
„Kennarar, 59 miljónir talsins, eru
stærsti staki hópur fagmanna í heiminum
og lykillinn að framtíð barna okkar.
Jafnmikla furðu vekur að ef markmið
Sameinuðu þjóðanna um menntun fyrir
alla árið 2015 á að nást þarf að mennta
rúmlega 30 miljónir kennara í viðbót við
þá sem fyrir eru. Málin flækjast enn þegar
litið er til þeirra 104 miljóna barna sem
ganga ekki í skóla en um helmingur þeirra
býr í stríðshrjáðum löndum.“
www.teacherswithoutborders.org/
Aðrir kennarar námskeiðsins eru
Guðbjörg Arnardóttir grunnskóla- og
listdanskennari sem hefur sérhæft sig í
skapandi dansi með börnum og rekur nú
sinn eigin listdansskóla. Hún mun kynna
ýmsar leiðir sem hægt er að nota til að örva
börnin með skapandi hreyfingu og dansi.
Nanna Hlíf Yngvadóttir tónlistarkennari
hefur nýlokið meistaranámi frá Carl
Orff Institut í Salzburg og kennir nú
börnum frá þriggja ára aldri tónlist og
hreyfingu í Kramhúsinu. Einnig sér hún
um tónlistarkennslu við Vesturbæjarskóla.
Hún tekur þátttakendur í ferðalag þar
sem tilgangurinn er að virkja leikgleði og
sköpunarkraft gegnum hreyfingu, raddir
og rythma.
Fjöllistakonan Ilmur María Stefánsdóttir,
sem heillað hefur unga sem aldna með
óvenjulegri nálgun sinni að venjulegum
hlutum, kemur nú inn með lítið námskeið.
Farið verður í ferðalag og heimur
hversdagshluta kannaður, notagildið
endurskoðað, ný hlutverk fundin með
tilraunum og rannsóknum. Til dæmis:
Hvernig geta gleraugu orðið að reiðhjóli?
Í Kramhúsinu hefur verið starfrækt
listasmiðja barna og unglinga síðastliðin
23 ár og hefur Kramhúsið hlotið
alþjóðlega viðurkenningu fyrir barna- og
unglingastarf.
Ýtarlegri upplýsingar um kennarana og
námskeiðið eru á www.kramhusid.is
Verð er kr. 35.500,- Bent er á að
þátttakendur geta sótt um styrk til endur-
menntunarsjóðs eða sveitarfélags. Nánari
upplýsingar og skráning er í símum 5515103
og 5517860 og á www.kramhusid.is
Kennaranámskeið Kramhússins
Skapandi starf með börnum og unglingum
Án landamæra
„Sem samfélag mótar þjóðin hina siðrænu manneskju og hver
þegn hennar er persónulega ábyrgur fyrir samfélaginu í heild.“
Thomas Jefferson
Þá er ljúft og skylt að geta þessara:
Samtökin Tónlistarmenn án landamæra
voru stofnuð í Hollandi árið 1999 þegar
stríðsátökin í Kósovó voru í hámarki. Til að
byrja með einbeittu þau sér að friðarstarfi
á Balkanskaganum en hafa útvíkkað
starfsemi sína og vinna meðal annars á
Kýpur, í Ísrael og Palestínu.
Af vefsíðu samtakanna:
Tónlistarmenn án landamæra eru alþjóðleg
samtök tónlistarmanna sem nota mátt
tónlistarinnar til að stuðla að opnum og
friðsælum samfélögum. Við vinnum með
tónlistarmönnum og tónlistarsamtökum
í mörgum löndum og bjóðum mann-
réttinda- og friðarsamtökum upp á nýjar
og frumlegar aðferðir í uppbyggingu
friðar. Tónlistarmenn án landamæra eiga
frumkvæði að ýmsum verkefnum sem brúa
bilið á milli menningarsvæða, þjóðernis
og hugmyndafræði, og taka þátt í sköpun
friðarmenningar.
www.musicianswithoutborders.nl
keg