Skólavarðan - 01.08.2007, Síða 8

8
SKÓLAVARÐAN 5.TBL. 7. ÁRG. 2007
af tónlistarskólunum og starfsemi þeirra
enda Ísland í mörgu orðið fyrirmynd
annarra þjóða á þessu sviði.
Listin er mikilvæg í uppvexti
einstaklinga og þjóða á 21. öld
Að sögn Sigrúnar væri það að bera í
bakkafullan lækinn að fara að tala um
afrek landans á tónlistarsviðinu. „Ég vil
þó segja að sá góði árangur sem hefur
náðst grundvallast á því að á síðustu öld
varð til net tónlistarskóla um allt landið.
Gríðarleg reynsla og þekking hefur byggst
upp í skólunum. Í ljósi þessa, að ekki sé
talað um umræðu um vaxandi mikilvægi
listgreina í uppvexti einstaklinga og
þjóða á 21. öld, viljum við í stjórn Félags
tónlistarskólakennara að tryggt sé með
lögum að í öllum sveitarfélögum verði
starfandi tónlistarskóli eða að íbúum
sveitarfélags skuli tryggður aðgangur að
tónlistarskóla með öðrum hætti.“
Í umræðu um menntamál á Íslandi
hefur lengi verið talað um vægi bók-
náms á kostnað list- og verknáms en
lítilla breytinga hefur orðið vart. Á
svæðisþingum tónlistarskóla í haust verður
m.a. komið inn á þetta málefni í kynningu
á og umræðum um skýrslu Stofnunar
Sameinuðu þjóðanna um menntun, vísindi
og menningu (UNESCO) sem fyrr er getið,
Vegvísir fyrir listfræðslu eða Road Map
for Arts Education eins og skýrslan heitir
á frummálinu. „Eitt af áhersluatriðum
skýrsluhöfunda er að listfræðsla þurfi
að vera miðlæg í menntakerfum og það
leiðir okkur að tónmenntarkennslu í
grunnskólum og stöðu hennar,“ segir
Sigrún. „Þar virðist víða pottur brotinn,
margir grunnskólanemendur njóta ekki
tónmenntarkennslu og eru ástæðurnar
fyrir því eflaust margar og málið ekki
einfalt. Hið almenna skólakerfi og
tónlistarskólarnir hafa skipt með sér
verkum, ef svo má segja, varðandi tón-
listarfræðslu en til að vélin gangi sem
best og skili góðum afköstum verða öll
tannhjólin að snúast!“
Í tengslum við úrvinnslu á Vegvísi
fyrir listfræðslu hefur stjórn FT áhuga á,
og telur reyndar orðið mjög aðkallandi,
að hóa saman hagsmunaaðilum til að
brjóta til mergjar stöðu tónlistarfræðslu
í almenna skólakerfinu. „Orð eru til alls
fyrst,“ segir Sigrún. „Fyrst er semsagt að
ræða málin og þannig eykst vitundin um
gildi tónlistarfræðslu og samskilningur og
vilji til framkvæmda glæðist. Með auknu
erlendu samstarfi sækjum við umræðuna
hingað heim og það er spennandi að sjá
hvernig fagmenn, sveitarstjórnar- og
ráðuneytisfólk taka þessari skýrslu og
umræðunni í heild. Við í FT höfum óskað
eftir fundum um skýrsluna með fólki frá
skrifstofum menntamála og menningar-
mála í menntamálaráðuneytinu. Á þessum
fundum verður líka rætt um fleiri mál,
svo sem norræna samstarfsverkefnið
Kulturelle veksthus sem gengur í stuttu
máli út á að safnað er upplýsingum í hverju
Norðurlandanna um tónlistarfræðslu,
stefnu stjórnvalda, áhugaverð verkefni og
líkön og búinn til gagnagrunnur.“
Spennandi tímar framundan
með auknu samstarfi við ýmsar
stofnanir samfélagsins
„En svo að ég snúi mér aftur að svæðis-
þingum tónlistarskóla,“ heldur Sigrún
áfram, „þá mun Ágúst Einarsson
rektor við Háskólann á Bifröst kynna
efni fyrrnefndrar skýrslu á þingunum.
Þar á eftir munu Ragnar Þorsteinsson
fræðslustjóri í Reykjavík, Sigrún Björk
Jakobsdóttir bæjarstjóri á Akureyri og Páll
S. Brynjarsson sveitarstjóri í Borgarbyggð
halda stutt erindi um efni skýrslunnar. Auk
þess mun menntamálaráðherra ávarpa
þingið á Bifröst en fulltrúi ráðuneytisins
flytur erindi á hinum þingunum tveimur.
Framsögumenn byggja erindi sín á
fyrirfram gefnum spurningum og við
eigum von á áhugaverðum og frjóum
pallborðsumræðum í lok erinda. Jón
Hrólfur Sigurjónsson hefur þýtt skýrsluna
yfir á íslensku og hana má nálgast á
vefsíðu félagsins.“
Að sögn Sigrúnar eru margir mögu-
leikar til að auka enn frekar veg tónlistar
og tónlistariðkunar á Íslandi. „Við búum
við frábært net tónlistarskóla sem nær
til ákveðins hóps einstaklinga, en með
því kerfi erum við ekki búin að fullnýta
auðlindina tónlist og tónlistarfræðslu,“
segir Sigrún. „Ég tel mörg tækifæri og
spennandi tíma framundan þar sem
vegur tónlistar og tónlistarfræðslu verður
rannsakaður og genginn áfram, bæði
innan tónlistarskóla, utan veggja skólanna
og kannski ekki hvað síst í samstarfi aðila
þar sem net tónlistarskóla á eftir að teygja
anga sína enn frekar inn í aðrar stofnanir
samfélagsins.
Það má finna tónlistarskóla hérlendis
sem hafa mikil áhrif í sínu umhverfi á
faglega þróun menningar og lista almennt
og fagna ég því að tónlistarkennarar og
tónlistarskólar nýti og deili þekkingu
sinni með sem víðtækustum hætti með
öðrum stofnunum samfélagsins. Hér eiga
tónlistarskólar og tónlistarfólk heilmikið
inni.“
Gildismat samfélagsins og kjör
einstakra stétta eru nátengd
fyrirbæri
„Ég er viss um að tónlistarskólar eiga
í auknum mæli eftir að verða leið-
andi aðili og taka ábyrgð á ýmsum
samstarfsverkefnum og líkönum að
samstarfi um tónlistarfræðslu og listir í
sínu grenndarumhverfi,“ segir Sigrún.
Skemmst er að minnast sameiginlegrar
ráðstefnu tónlistarskólakennara og
leikskólakennara sem haldin var fyrr á
árinu með miklum glæsibrag. Þar voru
kynnt líkön að samstarfi leikskóla og
tónlistarskóla auk samstarfsverkefna sem
ýmist eru í gangi eða í burðarliðnum, ásamt
því sem fyrirlestrar og líflegar umræður
Ég er viss um að tónlistar-
skólar eiga í auknum mæli
eftir að verða leiðandi aðili
og taka ábyrgð á ýmsum
samstarfsverkefnum og
líkönum að samstarfi um
tónlistarfræðslu og listir í
sínu grenndarumhverfi
ÍSLENSK MENNTUN, MENNTASTEFNA OG -FRAMKVÆMD 3.GREIN