Skólavarðan - 01.10.2008, Blaðsíða 12

12
SKÓLAVARÐAN 6.TBL. 8. ÁRG. 2008
PíANóþING
Píanóþing var haldið dagana 17. – 19.
október í Salnum í Kópavogi. Um sjötíu
píanókennarar víðs vegar af landinu sóttu
þingið, margir í fylgd nemenda sinna og
foreldra þeirra, en nemendur og foreldrar
fengu frían aðgang í fylgd með kennurum.
Skemmtileg hugmynd og hér með komið á
framfæri ef aðrir kennarahópar vilja nýta
sér hana. Almenn ánægja var með þingið
sem þótti takast með eindæmum vel, bæði
hvað varðaði skipulag og inntak.
Tveir virtir kennarar frá píanódeild Sibelius-
arakademíunnar í Helsinki, Eeva Sarmanto
Neuvonen og Rebekka Angervo, komu á
þingið og miðluðu íslenskum þátttakendum
af þekkingu sinni. Þær Eeva og Rebekka
héldu „masterclass“ fyrir píanó-nemendur
í mið- og framhaldsnámi auk þess sem
þær kynntu finnskt námsefni, finnska
píanótónlist, uppbyggingu kennaranáms
í Finnlandi og tónlistarskólakerfið þar í
landi.
Eeva er deildarstjóri píanókennaradeildar
Sibeliusarakademíunnar, þar sem hún kennir
píanóleik og kennslufræði. Hún hefur verið
iðin við námsefnisgerð. Hún er höfundur
námsefnisins Finnski píanóskólinn sem
meðal annars var kynnt á þinginu auk fjölda
annarra píanókennslubóka, svo sem Happy
Animal Pictures, Seapearls, Magic Chords
og Play it again fyrir fullorðna nemendur.
Rebekka kennir píanókennslufræði við
Sibeliusarakademíuna og starfar einnig
sem píanókennari við tónlistarskólann í
Espoo. Nemendur hennar hafa unnið til
margra verðlauna í píanó- og kammer-
tónlistarkeppnum, jafnt innanlands sem
utan. Rebekka heldur reglulega fyrirlestra
og er gestakennari í Finnlandi og víðar í
Evrópu.
Þú getur rétt ímyndað þér hvað það var
krúttlegt
Halldóra Aradóttir er píanókennari við Tón-
skóla Sigursveins D. Kristinssonar, en skólinn
er einn þeirra aðila sem stóðu að þinginu.
Hinir eru Íslandsdeild EPTA (Evrópusamband
píanókennara), Tónlistarskóli Hafnarfjarðar,
Tónlistarskóli Kópavogs og Tónlistarskólinn
í Reykjavík. „Það skemmtilega við þessa
helgi,“ segir Halldóra, „var hversu fjölbreytt
dagskráin var. Það má segja að óvenju margir
hafi komið við sögu, um sjötíu kennarar
voru mættir, fimmtíu nemendur á grunn-,
mið- og framhaldsstigi komu fram auk
nokkurra annarra sem komu til að hlusta,
að ógleymdum foreldrum sem komu til að
hlusta á börnin sín spila í Salnum.
Við píanókennararnir,“ heldur Halldóra
áfram, „fengum kynningu á vönduðum
finnskum píanókennslubókum sem Eeva
hefur samið í samvinnu við aðra og njóta
mikilla vinsælda í Finnlandi. Þær eru fullar
af skemmtilegu efni, gott sambland af lögum
sem höfundar hafa ýmist safnað saman eða
samið sjálfir. Þar er mikið af finnskri tónlist
sem var mjög forvitnilegt að kynnast. Finnar
Finnska tónlistarskólakerfið kynnt á
stórskemmtilegu píanóþingi
EPTA - Evrópusamband píanókennara
Evrópusamband píanókennara var stofnað í
Bretlandi árið 1978. Að frumkvæði Halldórs
Haraldssonar var Ísland fyrsta landið sem
gekk í sambandið, árið 1979. EPTA er regn-
hlífarsamtök fyrir píanókennara sem öll Evrópu-
lönd eiga nú aðild að.
EPTA hefur meðal annars það markmið að
stuðla að fræðslu píanókennara með útgáfu
á tímariti, EPTA Journal, þar sem finna má at-
hyglisverðar greinar um píanóleik og píanó-
leikara, áhugaverð viðtöl við píanóleikara sem
miðla þar af reynslu sinni, kynningu á nýju
námsefni og dagskrá yfir það helsta sem er á
döfinni í hverju aðildarlandi. Íslandsdeild EPTA
hefur síðan 1979 haldið fjölbreytt námskeið
fyrir píanókennara og píanónemendur, enn-
fremur staðið fyrir fjölmörgum píanótónleikum
og loks píanókeppnum fyrir unga píanóleikara
á mið-, framhalds- og háskólastigi.
Stofnandi EPTA var píanókennari að nafni
Carola Grindea. Hún og maður hennar, Miron
Grindea, komu til Bretlands frá heimalandi sínu,
Rúmeníu, í upphafi síðari heimsstyrjaldar árið
1939. Carola hefur greinilega verið gagnmerk
kona og sérkennilegt að sáralítið finnst um
hana á netinu, sýnu meira um eiginmanninn
sem var blaðamaður, lærði ensku á sex vikum
eftir komuna til Bretlands og setti svo á fót
breskt bókmenntatímarit. Carola stofnaði
önnur alþjóðleg samtök auk EPTA, International
society for the study of tension in performance
(ISSTIP). Hún skrifaði líka viðtalsbókina Great
pianists and pedagogues og fleiri bækur.
Ljósmyndir: Lisbeth Dahlin
Halldóra Aradóttir