Skólavarðan - 01.10.2008, Blaðsíða 18

18
SKóLASTjóRAFéLAG íSLANdS
SKÓLAVARÐAN 6.TBL. 8. ÁRG. 2008
Í Skólastjórafélagi Íslands eru á sjötta
hundrað stjórnendur í grunnskólum. Um
170 þeirra sóttu námstefnu félagsins í
Brekkuskóla sem tókst í alla staði mjög vel.
Guðlaug Erla Gunnarsdóttir formaður skóla-
málanefndar SÍ setti námstefnuna og benti
meðal annars á að gestum fjölgaði ár frá
ári. Aðalfyrirlesarar voru Gunnar Einarsson
bæjarstjóri í Garðabæ, Hrönn Pétursdóttir
verkefnastjóri við mótun framtíðarsýnar í
skólamálum og Guðni Olgeirsson sérfræð-
ingur hjá menntamálaráðuneytinu.
Skólastjórnendur.is
Gunnar Einarsson er nýútskrifaður doktor
í skólastjórnun frá háskólanum í Reading í
Englandi. Erindið kallaði hann Skólastjórn-
endur.is en þar kynnti hann niðurstöður
doktorsrannsóknar sinnar og fjallaði almennt
um störf stjórnenda. Gunnar sagði starf
stjórnenda í skólum gífurlega mikilvægt
og að þeir væru að ýmsu leyti frábrugðnir
almennum framkvæmdastjórum. Þeir væru
til dæmis ekki jafn agaðir og nákvæmir en
hins vegar umhyggjusamir og ástunduðu lýð-
ræðislegri vinnubrögð. Þeir væru áhyggju-
fyllri en almennir framkvæmdastjórar,
list-hneigðari og bjartsýnni. Í rannsókn
Gunnars vann hann meðal annars með
sex nýráðnum skólastjórum sem sinntu
dagbókarskrán-ingum auk þess sem tekin
voru við þá eigindleg viðtöl. Fram kom að
skólastjórar vilja nota meiri tíma í faglega
forystu en minni í aðra stjórnun. Gunnar
rannsakaði hvort stjórnendur nota tíma sinn
eins og þeir kjósa sjálfir og í ljós kom að
tímastjórnun er oft og tíðum ómarkviss og
ekki er samræmi í tímanotkun og áherslum
stjórnenda. Til þess að bæta tímastjórnun
þarf að sögn Gunnars að safna upplýsingum
um hvernig tíma skuli varið, greina þær og
loks gera nýja áætlun.
Gunnar lagði mikla áherslu á gildi sjálfs-
þekkingar í erindi sínu og bað námstefnugesti
um að horfa inn á við og skoða eigið starf.
Hann fékk þátttakendur til að ræða saman
sem hér segir:
Umræður í pörum – fólk skilgreini sig sem
stjórnendur
• Líðan okkar og hugmyndir hafa áhrif á
stjórnun og forystu.
• Stjórnendur fást við ýmislegt erfitt – deila
ekki verkefnum, tíminn flýgur frá, erfið
starfsmannamál, foreldrar og nemendur.
Umræður í pörum – hvaða neikvæðu þættir
hafa áhrif á stjórnun og forystu?
• Ræddir voru áhrifaþættir sem stýra okkur
og móta viðhorf okkar, svo sem menntun,
kennarasamtök, laun, vinnutími, vinnu-
umhverfi og viðhorf til árangurs.
• Stjórnendur þurfa að stíga út fyrir
umhverfi sitt til að fá nýja sýn á starfið og
nýja hugsun.
Í rannsókn sinni hannaði Gunnar tölvustýrða
dagbók sem aðferð í menntarannsóknum.
Þátttakendur færðu daglega inn í tölvudag-
bókina og í niðurstöðum kom fram að dag-
bókaraðferðin skapaði nýja þekkingu og að
dagbókarnotkun getur bætt tímastjórnun.
Hugleiðing um breytingar í kjölfar
nýrra grunnskólalaga
Guðni Olgeirsson fulltrúi menntamála-
ráðuneytis flutti erindi sem hann kallaði
Hugleiðing um breytingar í kjölfar nýrra
grunnskólalaga. Hann hóf mál sitt á því að
færa fundarmönnum kveðjur frá ráðherra
og starfsmönnum ráðuneytis og hvatti fólk
til að gera skólana að griðastað fyrir börn
og ungmenni í því ölduróti sem nú er í
samfélaginu. Í fyrirlestri Guðna kom fram
að sátt virðist ríkja um ný grunnskólalög en
megináherslur þeirra eru að hans sögn að
menntun íslenska barna verði til fyrirmyndar,
velferð allra grunnskólanemenda sé tryggð
og sömuleiðis jöfn tækifæri til náms og
fjölbreytni í vali á námi. Skólinn á að vera
Br
ek
ku
sk
ól
i.
Lj
ós
m
yn
d
af
a
rk
ite
kt
ur
.is
, m
yn
di
na
tó
k
C
hr
is
to
ph
er
L
un
d.
Nokkrar glærur úr fyrirlestri
Gunnars Einarssonar:
Um starf skólastjórnenda:
Krefjandi, fjölbreytt, miklar truflanir,
hindranir, mörg hlutverk, mikil
ábyrgð, hraði og streita.
Ætlast er til af þeim: Faglegrar og
rekstrarlegrar forystu, breytinga, að
þeir þróist í starfi, vinni með mörgum,
tryggi árangur og styrki samfélagið.
Líka að þeir geti: Gert áætlanir, sett
markmið, metið árangur, forgangs-
raðað, samhæft, haft eftirlit, verið
hvetjandi, framkvæmt, tekið ákvarð-
anir, notað tölfræði, verið ritfærir, tjáð
sig, aðstoðað og haft áhrif.
Um hæfni skólastjórnenda:
• Greining vandamála og góð
dómgreind.
• Áætlunargerð, eftirlit og
samhæfing.
• Forysta.
• Næmni á fólk og aðstæður.
• Skrifleg og munnleg tjáning.
Verum heiðarleg
• Við deilum ekki verkefnum.
• Við vitum ekki í hvað tími okkar fer.
• Við erum meira í að bregðast við
en fyrirbyggja.
• Okkur leiðast starfsmannamál,
foreldrar og erfiðir nemendur.
• Okkur líkar að kenna, labba um
skólann, spjalla um skólamál og
okkar sýn.
Námstefna og ársfundur
Skólastjórafélags Íslands (SÍ) voru
haldin dagana 10. og 11. október
sl. í Brekkuskóla á Akureyri.