Skólavarðan - 01.10.2008, Blaðsíða 30

30
SKÓLAVARÐAN 6.TBL. 8. ÁRG. 2008
Af hálfu fræðsluyfirvalda er mat á leik-
skólastarfi fyrst og fremst hugsað í þágu
barnanna. Yfirvöld vilja fylgjast með hvort
skólinn veiti börnunum bestu hugsanleg
uppeldis- og menntunar skilyrði og búi þau vel
undir nám í grunnskóla og líf í samfélaginu.
Ennfremur þarf að skapa börnunum sem
jöfnust gæði þannig að ekki sé um verulegan
mun að ræða á milli skóla. En innra mat er
líka í þágu starfsfólks leikskólans. Hvort sem
um er að ræða stjórnendur, leikskólakennara,
leiðbeinendur eða annað starfsfólk þá hafa
allir gagn af því að fá að vita hve vel þeir
standa sig og að hve miklu leyti mat þeirra
á eigin starfsframlagi er í samræmi við
mat eða dóm annarra. Þekking starfsfólks
á markmiðum leikskólans og leiðum til að
ná þeim eykst þar sem stöðugt er verið að
skoða að hve miklu leyti markmiðum sé
náð og skipuleggja umbætur til að gera enn
betur. Matið ætti því að öllu jöfnu að leiða
til þess að starfsfólki leikskólans líði betur í
vinnunni, það þroski sig faglega og leitist við
að bæta sig í starfi.
Með því að gera innra mat leikskóla
opinbert sýnir skólinn þá ábyrgð gagnvart
hagsmunaaðilum að leggja fram gögn
um frammistöðu og árangur. Það gefur
starfsfólki, foreldrum og stjórnvöldum upp-
lýsingar og mynd af leikskólanum til að
miða við og bera saman við aðra leikskóla.
Jafnframt kynnir leikskólinn aðgerðaáætlun
um hvernig umbótum skuli háttað því
sjálfsmat sem ekki leiðir til umbóta er ekki
góð nýting á tíma. Þannig verður matið
síendurtekin og stöðug hringrás nýsköpunar
og breytinga.
Samantekt
Með nýrri menntastefnu og nýjum leik-
skólalögum eykst áhersla á mat, og ekki síst
innra mat leikskóla. Eins og fram hefur komið
hér að framan veitir innra mat í leikskólum
hagsmunaaðilum upplýsingar um starfið í
skólunum og stuðlar þannig að betra eftirliti
auk þess sem innra mat er mikilvægur þáttur
í allri skólaþróun. Aukinni áherslu á mat ber
því að fagna en jafnframt er nauðsynlegt
að fram fari meiri umræða og fræðsla um
innra mat í leikskólum svo að matið verði
ekki áþján heldur leiki það hlutverk sem því
er ætlað.
Höfundar:
Björk Ólafsdóttir er leikskólakennari með MA
próf í uppeldis- og menntunarfræði með áherslu
á mat.
Sigríður Sigurðardóttir er grunnskólakennari
með MA próf í uppeldis- og menntunarfræði með
áherslu á mat.
Björk og Sigríður eru eigendur og starfsmenn
matsfyrirtækisins Ísmats ehf.
Hvort sem um er að ræða stjórnendur, leikskólakennara, leiðbeinendur eða annað
starfsfólk þá hafa allir gagn af því að fá að vita hve vel þeir standa sig og að hve miklu
leyti mat þeirra á eigin starfsframlagi er í samræmi við mat eða dóm annarra.
Tveir leikskólar fengu við-
urkenningu á ráðstefnu í
vinnuverndarvikunni
Þriðjudaginn 21. október sl. hélt Vinnueftir-
litið ráðstefnu á Grand hótel Reykjavík undir
yfirskriftinni „Bætt vinnuumhverfi betra líf,
áhættumat og forvarnir eru leiðin“. Þar voru
sex fyrirmyndarfyrirtæki verðlaunuð fyrir
gott áhættumat og forvarnir á vinnustöðum
og af þessum sex voru tveir leikskólar,
Leikskólarnir Eyrarskjól og Sólborg á Ísa-
firði. Í rökstuðningi Vinnueftirlitsins fyrir vali
á þessum fyrirtækjum segir:
Í Leikskólunum Sólborg og Eyrarskjóli
starfa um fimmtíu manns. Hjá leikskólunum
er stöðugt og markvisst unnið að vinnu-
vernd. Leitast er við að tryggja öryggi
starfsmanna með forvörnum gegn slysum,
óhöppum og álagseinkennum. Leikskólarnir
halda aðskyldri slysaskráningu.
Út frá áhættumati og öðrum úttektum er
unninn framkvæmdalisti þar sem umbóta-
verkefnum og lagfæringum er raðað í for-
gangsröð. Vert er að minnast á úrbætur
vegna hávaðavanda. Og er óhætt að segja að
öll sú vinna sé til fyrirmyndar. Vinnueftirlitið
hefur óskað eftir að fá að nota myndir frá
skólunum á okkar námskeiðum til að geta
bent öðrum leikskólum á mögulegar lausnir.
Byggðir hafa verið veggir, skilrúm sett upp til
að draga úr hávaðamengun og margt fleira.
Það er mat Vinnueftirlitsins að hið kerfis-
bundið vinnuverndarstarf hjá Leikskólunum
Eyrarskjól og Sólborg Ísafirði sé til fyrir-
myndar og til þess fallið að draga úr slysa-
hættu og heilsutjóni, og því veitum við þeim
viðurkenningu hér í dag.
Sjá á vef Vinnueftirlitsins, vinnueftirlit.is.
Ástæða er að fagna þessum frábæra árangri!
Efnið er þrískipt. Um er að ræða nem-
endabók, kennarabók og hlustunarefni á
fjórum diskum. Nafnið Hljóðspor vísar til þess
að efninu er ætlað að feta ákveðna slóð. Rakin
er saga afró-amerískrar alþýðutónlistar frá
Vestur-Afríku til bómullarakra í Mississippi
og kristnihalds undir oki kynþáttahaturs í
Suðurríkjunum.
Fjallað er um vinnusöngva, blús og tónlist
hvítra landnema, breskar ballöður, keltneska
hljóðfæratónlist og ameríska sveitatónlist
áður en dyrnar opnast gegnum rytmablús og
kántrí að rokki og róli og unglingamenningu
6. áratugarins. En sá tími verður trauðla
útskýrður án þekkingar á því sem á undan
kom. Svo er 7. áratugurinn skoðaður með
öllu sínu fjöri, síðu hári, stuttum pilsum og
þjóðfélagslegu umróti. Sagt er frá tvistinu,
Bítlunum og fleiri breskum hljómsveitum,
mótmæla- og vísnasöng, Dylan, Beach
Boys, soul-tónlistinni og hippatímanum,
fyrirbærum sem heldur verða ekki skýrð
án vitneskju um það sem á undan fór.
Efnið gefur tónlistarkennurum færi á að
vinna með fjölmarga grunnþætti tónlistar en
jafnframt virkja þá orku sem býr í gamalli
alþýðutónlist. Í kennarabók er bent á leiðir
Fyrr á þessu ári sögðum við frá tveimur af handhöfum Íslensku menntaverðlaunanna,
þeim Pétri Hafþóri Jónssyni og Arnheiði Borg. Í framhaldi af því buðum við báðum
kennurum að semja stutta kynningu á einhverju af því námsefni sem þau hafa samið.
Kynning Arnheiðar á léttlestrarbókum sínum um Rut var í síðasta blaði og hér kemur
kynning Péturs Hafþórs á námsgögnum í tónmennt, en menntaverðlaunin hlaut hann
einmitt fyrir þetta flotta og framsækna námsefni.
til að beisla þá orku í þágu virkrar þátttöku
nemenda í tónmenntartímum. Jafnframt er
hvatt til samvinnu og samkenndar í nem-
endahópnum með samsöng og ýmis konar
samspili. Nemendabókin er ríkulega mynd-
skreytt og veitir m.a. innsýn í unglinga-
menningu 6. og 7. áratugarins. Dægur-
tónlistin er sett í samhengi við sögulega
atburði og þjóðfélagsástand hvers tíma.

Með bestu kveðju,
Pétur Hafþór Jónsson
Hljóðspor - kynning fyrir Skólavörðuna
MAT Á SKóLASTARFI, FRéTT, NÁMSGÖGN