Afmælisrit F.U.J. - 01.06.1938, Blaðsíða 13

Afmælisrit F.U.J. - 01.06.1938, Blaðsíða 13
11 AFMÆLISRIT F. U. J. jafnan haft mikinn áhuga fyrir og rætt á fjölmörgum fundum, er bygging Al- þýðuhúss í Hafnarfirði. Fyrst er máls þessa getið í félaginu 13. marz 1930, þegar upp er lesið bréf frá verkakvennafélaginu Framtíðinni um að Alþýðuflokksfélögin beiti sér fyrir byggingu Alþýðuhúss. Var þessu vel tek- ið og kosin nefnd til þess að vinna að þessu máli, ásamt nefndum frá öðrum félögum: Emil Jónsson, Þóroddur Hreinsson og Þorsteinn Björnsson. Jafn- framt var ákveðið að félagið héldi skemmtun til ágóða fyrir húsbyggingar- sjóðinn, og var það gert. Síðar á árinu hélt félagið hlutaveltu í sama tilgangi. Samtals aflaði F. U. J. 800 króna í hús- sjóðinn árið 1930, auk þess sem það tók þátt í útiskemmtun fyrir sjóðinn ásamt hinum félögunum. F. U. J. er eina félagið í bænum, sem þannig hefir lagt fram fé í hússjóðinn eitt síns liðs. Félagið hefir alla tíð átt fulltrúa í húsnefndinni, og hafa þeir átt sinn þátt í framkvæmdum nefndarinnar, meðal annars hátíðahöldum 1. maí árlega síðan 1932. 1. maí. í Hafnarfirði mun ekki hafa verið tal- að um að hafa nokkur hátíðahöld 1. maí fyrr en á fundi í F. U. J. 8. apríl 1931, og hóf Helgi Sigurðsson þær umræður. Var þar samþykkt að leita til hinna alþýðu- félaganna í Hafnarfirði um samvinnu við F. U. J. til að koma af stað hátíða- höldum 1. maí n. k., og var jafnframt kosin nefnd til þess að sjá um fram- kvæmdir hátíðahaldanna. í nefndina voru kosnir: Helgi Sigurðsson, Guð- mundur Gissurarson, Jón Magnússon, Ólafur Þ. Kristjánsson og Þorsteinn Björnsson, en Þorsteinn starfaði aldrei i nefndinni. Hin félögin tóku vel undir málaleitun F. U. J. og kusu sínar 1. maí- nefndir, dagurinn var haldinn hátíðleg- ur og tókst prýðilega. Ágóði af hátíða- höldunum varð 133.52 kr., og var það lagt í Alþýðuhússjóð. Við þessi hátíða- höld var fáni F. U. J. notaður í fyrsta sinn. Síðan hefir 1. maí jafnan verið hald- inn hátíðlegur í Hafnarfirði, og hefir húsbyggingarnefndin staðið fyrir þeim hátíðahöldum. F. U. J. og „Stefnir". Sá pólitíski áhugi, sem ríkti í bænum kringum bæjarstjórnarkosningarnar 1930 og átti mestan þátt í innstreymi manna í F. U. J., gerði líka vart við sig í Uði Sjálfstæðisflokksins. Þar var stofnað æskulýðsfélag eftir fyrirmynd F. U. J. og gefið nafnið „Stefnir". Var útbreiðslu- fundur F. U. J. 2. febr. að nokkru leyti svar við þeirri félagsstofnun. Og á næsta fundi (9. febr.) vekur formaður félagsins, Þorsteinn Björnsson, máls á því, hvort ekki væri rétt að bjóða „Stefni" á kapp- ræðufund um stefnur stjórnmálaflokk- anna. Var þá helzt haft á orði, að F. U. J. í Reykjavík tæki þátt í fundinum með F. U. J. í Hafnarfirði, enda yrði Félagi ungra Sjálfstæðismanna í Reykjavík boðið á fundinn ásamt „Stefni". Leizt sumum fundarmönnum ekki vel á þetta og þótti við ofurefli að etja, því að 1 þessum Sjálfstæðismannafélögum var allmargt roskinna og reyndra stjórn- málamanna, en í F. U. J. var enginn maður yfir þrítugt. Þorsteinn Björnsson, Sigfús Magnússon og Guðmundur Pét- ursson símritari í Reykjavík hugðu að

x

Afmælisrit F.U.J.

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Afmælisrit F.U.J.
https://timarit.is/publication/1183

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.