Víkurfréttir - 17.04.1986, Blaðsíða 8

8 Fimmtudagur 17. apríl 1986
Vl'KUR-fréttir
ORLOFSHÚS
Frá og með 21. apríl til 10. maí 1986 verður
tekið á móti umsóknum um dvöl í orlofs-
húsum félagsins á eftirtöldum stöðum:
• Hús í Húsafelli
• Hús í Þrastarskógi
• íbúð á Akureyri
Umsóknareyðublöð liggja frammi á skrif-
stofu félagsins að Tjarnargötu 7, Keflavík.
Vikuleiga, kr. 2.500, greiðist við úthlutun,
eða í síðasta lagi 31. maí. Eftir það verða
ógreiddar umsóknir ekki í gildi.
Þeir sem ekki hafa dvalið í húsunum sl. 3ár
á tímabilinu 15. maí til 15. sept., sitja fyrir
dvalarleyfum.
Orlofsnefnd I.S.F.S.
Oriofshús VKFKN
Dvalarleyfi
Frá og með mánudeginum 21. apríl n.k.
liggja umsóknareyðublöð frammi á skrif-
stofu VKFKN að Hafnargötu 80, um dval-
arleyfi í orlofshúsum félagsins, sem eru
sem hér segir:
í Ölfusborgum
í Húsafelli
Þeir sem ekki hafa dvalið sl. 5 ár í orlofs-
húsum á tímabilinu frá 15. maí til 15. sept-
ember, sitja fyrir dvalarleyfum til 25. apríl
n.k. - Leiga verður kr. 2500 á viku.
Verkakvennafélag Keflavíkur
og Njarðvíkur
Oriofshús VSFK
Dvalarleyfi
Frá og með mánudeginum 21. apríl n.k.
liggja umsóknareyðublöð frammi á skrif-
stofu VSFK að Hafnargötu 80, um dvalar-
leyfi í orlofshúsum félagsins, sem eru sem
hér segir:
í Ölfusborgum
í Svignaskarði
í Hraunborgum
í Húsafelli
Þeir sem ekki hafa dvalið sl. 5 ár í orlofs-
húsunum á tímabilinu frá 15. maí til 15.
september, sitja fyrir dvalarleyfum til 25.
apríl n.k. - Leiga verður kr. 2.500 á viku.
Verkalýðs- og sjómannafélag
Keflavíkur og nágrennis
Garður: ... . „ 1 =
Leitað eftir hugmynda-
ríkum athafnamönnum
- Rætt við Einvarð Albertsson, formann
Atvinnumálanefndar Gerðahrepps
Flest byggðarlög Suð-
urnesja hafa orðiðilla úti
í atvinnumálum á undan-
förnum árum. Þrátt fyrir
það hefur Iítið heyrst frá
atvinnumáianefndum og
öðrum aðilum hér syðra
sem ættu að taka þessi
mál alvarlega. Sú undan-
tekning frá þessari lá-
deyðu opinberra aðila
hefur mátt sjá m.a. í aug-
lýsingu í Víkur-fréttum
og víða, frá Atvinnumála-
nefnd Gerðahrepps, þar
sem auglýst er eftir hug-
myndaríkum athafna-
mönnum til að setja í
gang í byggðarlaginu
nýja framleiðslu á sviði
iðnaðar eða fiskiðnaðar.
Vegna þessarar óvenju-
legu aðferðar höfðu Vík-
ur-fréttir samband við
Einvarð Albertsson, for-
mann nefndarinnar.
Sagði Einvarður að á-
st æðan fyrir þessari
aðferð væri, að nefndin
vildi reyna að stöðva
þann fyrirtækjadauða,
sem ríkt hefði að undan-
förnu í Garðinum og
snúa málum við og skapa
um leið fleiri atvinnu-
tækifæri.
„Það hefur aldrei fyrr
verið atvinnuleysi hér
yfir vertíðina, en nú hefur
allan tímann verið stans-
laust á annan tug manna
hér á atvinnuleysisskrá“,
sagði Einvarður. „Hafa
þessar hugmyndir okkar
verið í gerjun hjá okkur
síðan í haust, en tilgang-
urinn með þessu er að
vekja athygli á þessum
málum hérna, auk þess
að efla atvinnumálin, og
því hefur okkur alltaf
fundist að frekar illa væri
tekið á móti okkur hjá
þingliðinu og öðru slíku
þarna innfrá. Þeim er
bókstaflega alveg sama
um okkur og því viljum
við koma okkar málum á
framfæri og vekja með
því umtal um þetta“.
Er þetta ekki nokkuð
óvanaleg aðferð?
„Jú, en það var skoðun
okkar í nefndinni að til þess
að eftir okkur væri tekið
yrðum við að finna eitthvað
nýtt. Það er búið að reyna
allt þetta venjubundna.
Fyrirtækin eru búin að fara
ófáar ferðir og tala við
þessa menn sem eiga að
stjórna landinu. Sama er
með hreppsnefndina, at-
vinnumálanefndina og
hina ýmsu einstaklinga sem
áttu fyrirtæki og reyndu að
halda þeim í gangi og voru
ýmis loforð gefin og öll
voru þau svikin“.
Hvað getið þið boðið upp
á, fremur en aðrir?
„í sjálfu sér er það ekki
neitt sem við getum boðið
upp á sem önnur sveitarfé-
lög á Suðurnesjum geta
ekki. En þó er Garðurinn
ekki hvað verst settur af
þeim. Og þau eru yfirleitt
vel í stakk búin fjárhags-
lega til að gera öll svona
átak. Þá má segja að Garð-
urinn geti gert meira en
mörg önnur sveitarfélög“.
En þið bjóðið fram ein-
hverja aðstoð umfram aðra?
„Já, það sem við bjóðum
upp á er fyrst og fremst,
að leiðbeina fólki í gegnum
kerfið. T.d. hefur Iðntækni-
stofnun dreift styrkjum út
um allt land, en hingað
hefur ekkert komið ennþá.
Við viljum fá þetta fjár-
magns hingað ásamt ýmsu
því fjármagni úr sameigin-
legum sjóðum sem hefur
ekki í gegnum tíðina haft
viðkomu hérna. Munum
við aðstoða menn við að
gera það að veruleika“.
Hefur orðið einhver ár-
angur af þessari herferð
ykkar?
„Það er kannski fislétt að
tala um það, en þó hefur
verið töluvert mikið spurt.
Við erum komnir í sam-
band við aðila í gúmmíiðn-
aði og erum með það mál í
skoðun. Þeir vilja bræða og
framleiða gúmmíhjól og
gúmmíbobbinga fyrir tog-
ara. Þá eiga sér stað ýmsar
þreifingar“.
Eitthvað að lokum?
„Já, ég vil hvetja fólk til
að koma og tala við okkur
og athuga hvað við getum
gert fyrir það. Það eru ýms-
ar leiðir til“, sagði Einvarð-
ur að lokum. - epj.
Innbrot í
sumar-
bústað
Um síðustu helgi var
brotist inn í sumarbústað í
Hvassahrauni og skemmd-
ir unnar á rúðum og hurð-
um. Var stolið þaðan gas-
tæki, útvarpi og verkfær-
um. Er málið í rannsókn.
epj.
10
árekstrar
í síðustu viku var lögregl-
unni tilkynnt um 10
árekstra í umdæmi sínu. Voru
þeir allir án slysa. Á sama tíma
voru tveir ökumenn teknir
grunaðir um meinta ölvun við
aksmr. - epj.