Morgunblaðið - 17.11.2015, Side 4

BAKSVIÐ
Agnes Bragadóttir
agnes@mbl.is
Félag lyfjafræðinga og samninga-
nefnd ríkisins skrifuðu undir kjara-
samning í húsakynnum ríkissátta-
semjara, laust fyrir hádegi í gær.
Enn er ósamið við nokkurn fjölda
stéttarfélaga. Þar má nefna félög
innan BSRB sem eiga ósamið við
sveitarfélögin, félög í BHM sem
gerðardómur náði ekki til, s.s. há-
skólakennara og prófessora, félög
verkfræðinga, tæknifræðinga og iðn-
aðarmannafélögin og sjómanna-
félögin innan ASÍ. Þá eiga sveitar-
félögin eftir að semja við obba sinna
starfsmanna.
Elín Björg Jónsdóttir, formaður
BSRB sagði í samtali við Morgun-
blaðið í gær að aðildarfélög BSRB
væru öll búin að semja við ríkið. Þeir
samningar væru ýmist í atkvæða-
greiðslu eða kynningu. „Ekkert fé-
lag innan okkar raða, sem semur við
Samband íslenskra sveitarfélaga er
búið að semja. Þau slitu samninga-
viðræðum í síðustu viku, þannig að
nú er ríkissáttasemjari kominn með
stjórnunina á þeim viðræðum,“ sagði
Elín Björg.
Elísabet Ólafsdóttir, skrifstofu-
stjóri hjá ríkissáttasemjara, sagði í
samtali við Morgunblaðið að ekki
væru margar deilur í meðförum
ríkissáttasemjara nú, en mjög marg-
ir funduðu í húsakynnum ríkissátta-
semjara þótt kjaradeilum þeirra
hefði ekki verið vísað til embættis-
ins.
Samflot þriggja hópa
„Það eru þrír hópar sem funduðu
hér í morgun, sem eru í sameiginleg-
um viðræðum við sveitarfélögin: það
eru bæjarstarfsmannafélögin,
Starfsgreinasambandið og Flóa-
bandalagið, sem vísuðu deilu sinni til
ríkissáttasemjara fyrir helgina.
Fundinum er lokið og hefur nýr
fundur verið boðaður á miðvikudags-
morgun,“ sagði Elísabet.
Arna Jakobína Björnsdóttir, for-
maður Kjalar, er formaður samn-
inganefndar BSRB-félaga sem eiga
ósamið við sveitarfélögin. Arna Jak-
obína var í gær spurð á hverju
strandaði þegar ljóst er að ríkið er að
mestu búið að semja og allir sem að
deilunni koma skrifuðu undir SA-
LEK-samkomulagið, auk þess sem
sveitarfélögin lýstu því á sínum tíma
yfir að þau myndu fylgja samningum
ríkisins.
„Staðan er mjög flókin, vegna þess
að SALEK-hópurinn kom þarna
saman og ákvað að við hefðum svig-
rúm frá nóvember 2013 til desember
2018 og setti vísitöluna á 132,“ sagði
Arna Jakobína. Hún segir að það
strandi á þessu, því haldið sé áfram
að telja, m.a. starfsmatið sem um var
samið, sem hafi bara verið launaleið-
rétting sem hafi verið í vinnslu öll
þessi ár.
Verið að taka af okkur hækkun
„SALEK-hópurinn ákvað að
starfsmatið hjá okkur væri inni í
þessu launaskriði sem við erum ekki
tilbúin að sætta okkur við. Við segj-
um á móti að við ætlum að sækja
kjarabætur sem eru fyrir þetta
samningstímabil. Með því að taka
starfsmatið inn í er auðvitað verið að
taka af okkur hækkun sem við telj-
um okkur eiga rétt á,“ sagði Arna
Jakobína. Hún sagði að dag yrði
reynt að skilgreina reikniforsendur
betur.
Starfsmat ekki hluti af launaskriði
 Lyfjafræðingar sömdu í gær við ríkið  Nýr sáttafundur í deilu BSRB og sveitarfélaga á morgun
 Ekkert BSRB-félag hefur enn samið við sveitarfélögin, en kjarasamningum við ríkið er lokið
Elín Björg
Jónsdóttir
Arna Jakobína
Björnsdóttir
4 FRÉTTIRInnlent
MORGUNBLAÐIÐ ÞRIÐJUDAGUR 17. NÓVEMBER 2015
„Það hefur ekki
verið tekin nein
ákvörðun ennþá.
Við höfum séð
þessa nýju spá
eins og allir og
þetta er til skoð-
unar,“ segir
Birgir Björn Sig-
urjónsson, fjár-
málastjóri
Reykjavíkur-
borgar, í ljósi nýrrar verðbólgu-
spár þjóðhagsdeildar Hagstofunnar
fyrir næsta ár sem gefin var út 13.
nóvember sl. Hún gerir ráð fyrir
3,8% verðbólgu á næsta ári, sem er
nokkuð undir fyrri spá hennar upp
á 4,5%. Eins og fram hefur komið
hljóðaði verðbólguspá Reykjavík-
urborgar upp á 4,9% fyrir næsta ár
og er hún hærri en annarra grein-
ingaraðila.
Í samtali við Morgunblaðið 5.
nóvember sagði Birgir Björn m.a.
að litið hefði verið til þjóðhagsspár
þegar spáin var gefin út. Málið yrði
skoðað að nýju eftir að ný þjóð-
hagsspá yrði birt. Spurður hvort
leiða megi líkum að því að verð-
bólguspá borgarinnar muni lækka í
ljósi lægri verðbólguspár Hagstof-
unnar þá segir hann of snemmt að
segja til um það. „En auðvitað verð-
ur horft á þessa nýju spá,“ segir
Birgir Björn. Seinni umræða um
fjárhagsáætlun borgarinnar fer
fram 1. desember nk.
Engin ákvörðun um
breytta verðbólgu-
spá hjá borginni
Ráðhús Er nýrrar
spár að vænta?
SFR, Stéttarfélag í almanna-
þjónustu, hefur samþykkt kjara-
samning við ríkið sem undirrit-
aður var 28. október síðast-
liðinn, með yfirgnæfandi
meirihluta. Atkvæðagreiðslu
lauk um hádegið í gær, sam-
kvæmt frétt á heimasíðu SFR.
Já sögðu 92,36%, eða 2.213.
Nei sögðu 139 eða 5,8%. Alls
greiddu 2.396 atkvæði um
samninginn eða rúmlega 60%.
Samningur Sjúkraliðafélags
Íslands og ríkisins var sam-
þykktur með 96,25% atkvæða í
síðustu viku.
92,36%
samþykktu
ATKVÆÐAGREIÐSLA SFR
Skrifað var undir yfirlýsingu um aðgerðir í lofts-
lagsmálum í Höfða í gær. Alls skuldbundu 103
fyrirtæki og stofnanir sig til að setja sér mark-
mið og fylgja þeim eftir með aðgerðum sem
draga úr losun gróðurhúsalofttegunda og
minnka myndun úrgangs. Árangurinn verður
mældur og upplýsingum um stöðu mála miðlað
reglulega. Reykjavíkurborg og Festa, miðstöð
um samfélagsábyrgð fyrirtækja, efndu til þessa
samstarfs og markar undirskriftin formlegt upp-
haf verkefnisins. Á myndinni bíða forsvarsmenn
fyrirtækja í röð eftir að skrifa undir.
Forystumenn 103 fyrirtækja skrifa undir yfirlýsingu um aðgerðir í loftslagsmálum
Morgunblaðið/Styrmir Kári
Setja sér markmið og árangurinn mældur
Sigurður Bogi Sævarsson
sbs@mbl.is
Sveitarstjórn Bláskógabyggðar hef-
ur samþykkt að veita allt að 75% af-
slátt af gatnagerðargjöldum til 1. júlí
á næsta ári vegna byggingar nýrra
húsa í þremur þéttbýlisstöðum í
sveitarfélaginu Það eru Laugarás og
Reykholt í Biskuptungum og Laug-
arvatn. Áður hafði verið samþykkt
að lækka þessi gjöld um 50% og nú
bætist við fjórðungur frá upphaf-
legum taxta.
Byggingarhæfar lóðir bíða
„Hér hefur sáralítið verið byggt
síðustu árin svo nú vantar íbúðar-
húsnæði. Það helst svo í hendur við
að fyrirtækin á svæðinu vantar
starfsfólk sem farið er að standa
þeim fyrir þrifum,“ sagði Helgi
Kjartansson, oddviti Bláskóga-
byggðar, í samtali við Morgunblaðið.
Í Bláskógabyggð hefur hámarkið
á gatnagerðargjöldunum fyrir ein-
býlishús verið um sjö milljónir
króna. Nú er hins vegar sleginn
helmingur af því svo taxtaverðið er
3,5 milljónir króna og svo bætist við
afslátturinn sem gildir til næsta
sumars. Reglan næstu mánuði er þá
sú að aldrei þurfi að greiða meira en
1.750 þúsund krónur í gatnagerðar-
gjöld fyrir einbýlishús. Húseigandi
leigir svo lóðina til 50 ára af sveitar-
félaginu, sem innheimtir lóðarleigu
sem er ákveðið hlutfall af fast-
eignamati.
„Við þurfum fleiri í sveitina, fólk til
starfa í fyrirtækjum, börn í skólana
og svo framvegis. Hér helst allt í
hendur og við urðum hreinlega að
brjóta múrinn svo aftur sé farið að
byggja. Þetta er líka innlegg til þess
að lækka byggingarkostnað,“ segir
Helgi Kjartansson sem bætir við að
regla þessi gildi einnig um atvinnu-
húsnæði, hesthús og fleira slíkt.
Í dag búa um 100 manns í Laugar-
ási, 236 í Reykholti og á Laugarvatni
163 og þá er ekki með í breytunni
mikill fjöldi nemenda við skólana þar
sem gerir staðinn enn fjölmennari. Á
þessum þremur stöðum öllum eru
byggingarhæfar lóðir sem sumar
hverjar hafa verið tilbúnar frá því
fyrir hrun.
Framkvæmdir hefjist í vor
„Þessi ákvörðun okkar um afslátt
af gjöldum er greinilega að virka. Ég
er að minnsta kosti meira í símanum
en áður og margir sýna áhuga, til
dæmis verktakar. Mér finnst senni-
legt að einhverjir festi sér lóðir á
næstu mánuðum sem þá gætu hafið
framkvæmdir strax næsta vor,“ seg-
ir oddvitinn að síðustu.
Slá 75% af gatnagerðargjöldum
Í Aratungu Helgi Kjartansson, odd-
viti Bláskógabyggðar.
 Bláskógabyggð býður ódýrar lóðir  Þurfum fleira fólk í sveitina, segir oddvitinn
Menningarsetur múslíma á Íslandi
fordæmir fortakslaust hryðju-
verkaárásirnar í París síðastliðinn
föstudag þar sem á annað hundrað
manns létu lífið og fleiri særðust.
Félagið er annað tveggja félaga
múslíma á Íslandi og hefur aðsetur
í Ýmishúsinu í Skógarhlíð.
Segir í yfirlýsingu að grimmdar-
verkin séu árás á siðferði og
mennsku og tengist ekki guðlegum
eða mennskum lögum. Engin
ástæða eða orsök geti réttlætt morð
á saklausu fólki.
„Samkvæmt boði íslams jafn-
gildir morð á saklausum manni því
að hafa myrt allt mannkyn en
bjargi maður lífi saklauss manns
jafngildir það því að hafa bjargað
öllu mannkyni [Kóran 5:32],“ segir í
yfirlýsingunni. Bera þurfi kennsl á
þá seku sem allra fyrst og sækja þá
til saka. Hugur félagsins sé hjá fjöl-
skyldum allra fórnarlambanna,
ættingum þeirra og vinum.
Fordæma árás gegn
siðferði og mennsku