Víkurfréttir - 20.07.1989, Blaðsíða 12

12 Fimmtudágur 20. júlí 1989
Háþrýstiþvottur
og sprunguviðgerðir
Látið þvo húsið áður en málað er. Þvoum
á allt að 300 barþrýstingi. Notum aðeins
viðurkennd efni. Leitið upplýsinga í tíma í
síma 68486.
Námskeið í flugumferðarstjórn
Ákveðið hefur verið að velja nemendur til
náms í flugumferðarstjórn, sem væntan-
lega hefst í byrjun nóvember 1989.
Stöðupróf í íslensku, ensku, stærðfræði og
eðlisfræði verða haldin í september nk.
Umsækjendur skulu vera á aldrinum 20-30
ára, tala skýrt mál, rita greinilega hönd,
standast tilskyldar heilbrigðiskröfur og
hafa lokið stúdentsprófi.
Umsóknareyðublöð liggja frammi hjá
Flugmálastjórn á fyrstu hæð flugturns-
byggingar á Reykjavíkurflugvelli og ber að
skila umsóknum þangað fyrir 1. september,
ásamt staðfestu afriti af stúdentsprófsskír-
teini og sakavottorði.
FLUGMÁLASTJÓRI
Tilkynning til
þungaskattsgreiðenda
Gjaldendum vangoldins þungaskatts er
bent á að þungaskattskröfum fylgir lögveð-
réttur í viðkomandi bifreið, sbr. 2. mgr. 10.
gr. laga nr. 3/1987.
Verði vangoldnar þungaskattsskuldir eigi
greiddar fyrir 19. ágúst nk., mun, skv. 1. gr.
laga nr. 49/1951, fyrirvaralaust verða kraf-
ist nauðungaruppboðs á bifreiðum þeim, er
lögveðrétturinn nær yfir, til lúkningar van-
goldnum kröfum auk dráttarvaxta og
kostnaðar.
Bæjarfógetinn í Keflavík,
Njarðvík og Grindavík.
Sýslumaðurinn í Gullbringusýslu.
Hjörring-fararnir. Aftari röð f.v.: Jóhanna, Helga, Brynja, Díana, Elínborg, Rúnar, Magnús, Jóhann,
Guðmunda, Sesselja og Haukur þjálfari. Fremri röð f.v.: Jón Oskar, Héðinn, James og Kjartan. Þetta
var mjög hress og skemmtilegur hópur sem var bæjarfélaginu til mikils sóma.
Vinabæjamót í Hjörring:
Kvatt með Ijúfsárum trega
Dagana 26.-30. júní sl. tóku
fjórtán keflvísk ungmenni á
aldrinum 13-17 ára þátt í hinni
árlegu vinabæjakeppni sem að
þessu sinni fór fram í Hjörring á
N-Jótlandi. Keppnisgreinin var
sund, bæði í kvenna- og karla-
flokki. Höfðu sérstakar æfing-
ar staðið yfir í nokkra mánuði
undir stjórn Hauks Ottesens
sundkennara, auk þess sem
nokkrir þátttakendanna æfa
reglulega með sunddeild
UMFN. í hópnum voru eftir-
taldir: Jóhanna Ólafsdóttir,
Helga Magnúsdóttir, Brynja
Árnadóttir, Díana Hlöðvers-
dóttir, Elínborg Herbertsdótt-
ir, Rúnar Helgason, Magnús
Konráðsson, Jóhann Geir
Hjartarson, Guðmunda Geir-
mundsdóttir, Sesselja Ómars-
dóttir, Jón Óskar Jónsson,
Héðinn Þorbergsson, James W.
Sandridge og Kjartan Kristj-
ánsson. Þjálfari var Haukur
Ottesen og fararstjórar Helgi
Hólm og Brynja Árnadóttir.
Lagt var af stað frá Keflavík
föstudaginn 23. júní að morgni
dags og var fyrst haldið til
Kaupmannahafnar og dvalið
þar til næsta dags. I Kaup-
inannahöfn var tíminn notað-
ur til að skoða miðbæinn og
mannhafið, en mestum tíman-
um var eytt í hinum fræga
skemmtigarði - Tívolí.
Til Hjörring var komið eftir
hádegi daginn eftir. Þar var
hópnum búin gisting í Hjörr-
ing Teknikskole, en þar er
heimavist fyrir um 120 manns í
tveggja manna herbergjum.
Aðstæður voru þar hinar
bestu, matur góður og góður
tómstundasalur. Mótið var
sett með viðhöfn á mánudag í
viðhafnarsal bæjarstjórnar.
Borgarstjórinn, Elsa Köbstad,
bauð gestina velkomna og
sagði þátttakendunum frá
bænum. Fararstjórar vinabæj-
anna þökkuðu fyrir heimboð-
ið og færðu Hjörring gjafir.
Frá Keflavík var afhent af-
steypa af Mánahestinum eftir
Erling Jónsson. Eftir athöfn-
ina var gestunum skipt upp í
fjórtán hópa. Var einn þátt-
takandi frá hverju landi í
hverjum hóp og tóku dönsku
krakkarnir að sér gestgjafa-
hlutverk. Sýndu þeir gestum
sínum bæinn og kvöldið eftir
buðu þau gestunum í kvöld-
mat heim til foreldra sinna.
Var þetta nýjung á vinabæja-
mótum og tókst frábærlega og
varð til þess að krakkarnir
kynntust mun betur innbyrðis.
Sundkeppnin fór fram á
þriðjudegi og fimmtudegi og
fór hún vel fram í alla staði.
Heimamenn tóku strax for-
ystu í keppninni og létu hana
aldrei af hendi. Var gaman að
fylgjast með danska hópnum
sem var á aldrinum 11-17 ára.
Var mikil samstaða í hópnum
og settu þeir mikinn svip á
mótið. Finnar, Norðmenn og
Svíar börðust um næstu sætin,
en við.urðum að sætta okkur
við 5. sætið að þessu sinni.
Finnar hlutu síðan annað sæti
og Norðmenn það þriðja.
Okkar fólk stóð sig vel í
nokkrum greinum, m.a. unnu
stúlkurnar tvö boðsundin með
yfirburðum. Ætlaði þakið að
rifna af sundhöllinni, svo mik-
il voru fagnaðarlæti Islending-
anna.
Á miðvikudagsmorgninum
bauð Hjörring Idrettsforening
öllum þátttakendunum til
sýnikennslu í krikketleik.
Þessi breskættaða íþrótt hefur
verið stunduð í Hjörring í yfir
50 ár og er nú töluvert stund-
uð. Var mjög gaman að kynn-
ast þessari íþrótt og var í lokin
farið í keppni milli þjóðanna.
Til úrslita léku Kerava og
Keflavík og lauk þeim leik á
viðeigandi hátt, með jafntefli.
Mótsdagarnir liðu hratt
hver af öðrum og áður en varði
var komið að mótsslitum. Á
fimmtudagskvöldið var haldin
hátíðarkvöldvaka. Þar voru
veitt verðlaun og viðurkenn-
ingar, flutt skemmtiatriði og
stiginn dans. Um nóttina
lögðu Finnarnir af stað í sína
löngu ökuferð (30 tíma), en
aðrir lögðu upp næsta morg-
un. Kvöddu menn nýja vini
með Ijúfsárum trega og var
ekki að sjá annað en að mörg
vináttubönd hefðu verið hnýtt
á þessum fáu dögum. Heim
varsíðan haldið eftirskemmti-
legt mót sem mun eflaust lengi
lifa í endurminningum allra
sem hlut áttu að máli.
Helgi Hólm,
fararstjóri.
Hér var verið að snæða grillaðar pylsur í Fárup Sommerland.