Morgunblaðið - 19.01.2016, Blaðsíða 4

4 FRÉTTIRInnlent
MORGUNBLAÐIÐ ÞRIÐJUDAGUR 19. JANÚAR 2016
Anna Lilja Þórisdóttir
annalilja@mbl.is
Hópur fagfólks og foreldra fatlaðra
barna undirbýr nú stofnun nýs
grunnskóla fyrir fötluð börn. Skólinn
verður sjálfseignarstofnun, stefnt er
að því að hann taki til starfa í síðasta
lagi haustið 2017 og þar á að bjóða
upp á heildstæða einstaklingsmiðaða
þjónustu. Brýn þörf er á fleiri úrræð-
um fyrir fötluð börn að mati aðstand-
enda skólans.
Í hópnum eru meðal annars þrír
atferlisfræðingar sem nú starfa hjá
Greiningarstöð ríkisins og er Atli
Freyr Magnússon einn þeirra. Að
sögn Atla er með stofnun skólans
verið að svara þörf á fleiri úrræðum
fyrir börn sem þurfa mikinn stuðning
í skóla. Mikil aðsókn sé í Klettaskóla,
sem er sérskóli fyrir fötluð börn, og
ekki komist öll börn þar að. „Það þarf
valkost í skólakerfið fyrir börn sem
þurfa heildstæða þjónustu, við kom-
um til með að vera með skóla þar sem
börnin fá þjón-
ustu allan dag-
inn,“ segir Atli.
Hann segir að
eitt af markmið-
unum með skól-
anum sé að þar
muni börnin fá
alla þá þjónustu
sem þau þurfi á
sama stað, eins og
t.d. sérfræðiþjón-
ustu þroskaþjálfa og talkennara. Það
einfaldi daglegt líf bæði barnanna og
foreldra þeirra. „Mér sýnist að hið
opinbera geti ekki boðið upp á svona
heildstæða þjónustu eins og staðan
er í dag, m.a. vegna kjarasamninga,“
segir Atli.
Vilja samstarf við aðra skóla
Skólinn verður staðsettur á höfuð-
borgarsvæðinu, enn hefur ekki verið
ákveðið hvar eða í hvaða sveitar-
félagi, en Atli segir ákjósanlegast ef
hægt yrði að stofna til samstarfs við
almennan grunnskóla þannig að skól-
inn yrði til húsa þar sem annar skóli
er fyrir. „Þannig yrði félagahópur
barnanna stærri,“ segir Atli.
Hann segir að verið sé að kanna
þessa dagana hversu stór hópur á
höfuðborgarsvæðinu gæti nýtt sér
námið í skólanum, en þar verða börn
sem eru með mikla þroskahömlun og
þurfa á miklum stuðningi að halda,
t.d. börn með Downs-heilkennið og
einhverf börn. Mörg þessara barna
eru nú í sérdeildum í sínum hverfis-
skólum.
Um er að ræða börn sem mörg
hver þurfa mikla aðstoð og segir Atli
að gert sé ráð fyrir að allir nemendur
fái það sem kallað er 100% stuðning-
ur. „Þau þurfa mann með sér allan
tímann. Svo þarf reynda og vel
menntaða ráðgjafa eða atferlisfræð-
inga til að veita tilsögn og góða kenn-
ara.“
Verið er að undirbúa stofnun
sjálfseignarstofnunar sem halda á ut-
an um reksturinn sem á að vera
„non-profit“ eða án hagnaðar. Í
fyrradag var byrjað að leita eftir
styrkjum frá fyrirtækjum, ein-
staklingum og stofnunum og hafa vil-
yrði þegar borist fyrir fjárstuðningi.
Verði í boði fyrir öll fötluð börn
Ekki hefur enn verið fundað með
menntamálaráðuneytinu vegna
skólarekstursins. Gangi áætlanir eft-
ir verður skólinn rekinn fyrir styrki
og með því framlagi sem fylgir hverj-
um nemanda frá því sveitarfélagi þar
sem hann er búsettur. Spurður hvort
skólagjöld verði innheimt segist Atli
vonast til þess að hægt verði að kom-
ast hjá því. „Við viljum að þessi skóli
verði í boði fyrir öll fötluð börn, óháð
efnahag foreldra þeirra,“ segir hann.
„Við lítum á þetta sem spennandi
nýjung inn í menntakerfið fyrir
þennan hóp sem svo sannarlega þarf
á því að halda. Ég legg áherslu á að
við erum ekki að stofna skóla til höf-
uðs neinum skóla, hvorki Klettaskóla
né öðrum.“
Ætla að stofna skóla fyrir fötluð börn
 Foreldrar og fagfólk taka höndum saman  Tekur til starfa haustið 2017  „Spennandi nýjung“
Atli Freyr
Magnússon
Baldur Arnarson
baldura@mbl.is
Vegna skorts á gistirými verður
huganlega ekki hægt að taka við öll-
um þeim erlendu ferðamönnum sem
hingað vilja koma næsta sumar.
Þetta er mat Sigurjóns Þórs Haf-
steinssonar, framkvæmdastjóra
Norrænu ferðaskrifstofunnar.
Sigurjón Þór, sem hefur starfað
við ferðaþjónustu í 23 ár, segir að
skortur á gistirými gæti orðið
flöskuháls ferðaþjónustunnar.
Bókunum verður sjálfhætt
„Árið lítur mjög vel út. Bókanir
fara snemma af stað. Eftirspurnin er
áfram mikil. Ef hótelin verða hins
vegar fullbókuð í sumar gæti staðan
orðið erfið, þá er bókunum sjálfhætt.
Það var erfitt að finna gistingu fyrir
sumarið í fyrra og það verður
hugsanlega erfitt í ár. Það er vel
hugsanlegt að við munum ekki geta
haldið í við aukninguna. Það birtist í
því að það verður stöðugt erfiðara að
finna gistipláss fyrir viðskiptavini.
Hótelin eru orðin svo fyrirfram bók-
uð yfir sumartímann. Þá er ég að tala
um allt Ísland.“
Davíð Torfi Ólafsson, fram-
kvæmdastjóri Íslandshótela, segir
bókanir farnar að berast fyrir sum-
arið 2017. „Það er auðvitað misjafnt
eftir landsvæðum hver bókunarstað-
an er. Víðast hvar eru margir dagar
orðnir uppseldir í sumar og víða er
orðið mjög þéttbókað. Nú erum við
að stoppa upp í götin og selja fyrir
sumarið 2017.“
Spurður hvort þessi eftirspurn
komi fram í hækkandi verði á gist-
ingu segir Davíð Torfi að þótt nýting
í Reykjavík og víða úti á landi sé orð-
in mjög góð sé meðalverðið lágt.
„Það er miklu lægra meðalverð
hér en í borgunum í kringum okkur.
Samt erum við með hærri nýtingu.
Við erum ekki komin á réttan stað
miðað við þessi verð,“ segir Davíð
Torfi sem væntir þess að verðið
hækki frekar.
Hann vísar til ný-
legrar greiningar
Arion banka á
horfum í ferða-
þjónustu.
Þar komi fram
að árin 2010-14
hafi meðalverð
gistingar á hótel-
um í úrtaki bank-
ans hækkað um
tæplega 28%. Spáð var 12 verðhækk-
un í fyrra.
Auðvelt að fylla hótelin
Eva Silvernail, framkvæmdastjóri
rekstrarsviðs hjá CenterHotels,
merkir ekki mikla breytingu milli
ára á bókunum fyrir sumarið. Það sé
hins vegar mun meira framboð af
nýjum hótelum og einnig mjög mikið
framboð af leyfislausri gistingu á síð-
um eins og Airbnb. „Það væri ekkert
mál að vera búinn að fullbóka hótelin
strax fyrir sumarið. Þetta snýst um
tekjustýringu og hvernig sölunni er
stjórnað. Næsta sumar lítur mjög
vel út. Það verður ábyggilega þétt-
bókað yfir sumarið eins og hefur ver-
ið síðustu fimmtán sumur,“ segir
Eva.
Hótelskortur einn
helsti flöskuhálsinn
 Ferðasali segir orðið erfitt að finna gistingu á sumrin
Sigurjón Þór
Hafsteinsson
Davíð Torfi
Ólafsson
Eva
Silvernail
Morgunblaðið/Baldur Arnarson
Fosshótelsturninn Íslandshótel reka stærsta hótel landsins í turninum. Hótelið var opnað í fyrrasumar.
Atli segir að við stofnun skólans
verði horft til þess sem best sé
gert í þessum málaflokki ann-
ars staðar í heiminum. Hann
starfaði um hríð í áþekkum
skóla í Boston í Bandaríkjunum,
sem hann segir að sumu leyti
vera fyrirmynd skólans.
Formleg kynning á skólanum
hefur enn ekki farið fram, en
eftir að færslu um skólann var
dreift víða á Facebook í fyrra-
dag hafa margir foreldrar fatl-
aðra barna þegar haft samband
og lýst yfir áhuga sínum á
skólavist barna sinna.
Mikill áhugi
foreldra
SKÓLINN Á FYRIRMYND
Guðni Einarsson
gudni@mbl.is
Eigendur jarðanna Guðnastaða og
Butru í Austur-Landeyjum hafa í
samvinnu við Arctic Hydro sótt um
leyfi til Rangárþings eystra vegna
áforma um að reisa vindorkuver.
Óskað var eftir leyfi til uppsetning-
ar allt að 60 metra hás tilrauna-
masturs í landi Butru til mælinga á
vindi. Einnig óskuðu eigendur
Guðnastaða eftir því að hluti úr
landi jarðarinnar yrði skilgreindur
sem iðnaðarsvæði fyrir orkuvinnslu
með vindmyllum.
Afgreiðslu erindanna var frestað,
að því er fram kemur í fundargerð
skipulagsnefndar sem lögð var fram
á fundi sveitarstjórnar Rangárþings
eystra 14. janúar sl. Skipulags-
nefndin bókaði að Samorka og Sam-
band íslenskra sveitarfélaga væru
að vinna að framtíðarstefnu á lands-
vísu hvað varðaði nýtingu vindorku í
landinu.
„Nefndin telur eðlilegt að bíða
eftir niðurstöðu úr þeirri vinnu. Í
framhaldi af niðurstöðu þeirrar
vinnu hvetur skipulagsnefnd sveit-
arstjórn til að marka stefnu sveitar-
félagsins Rangárþings eystra varð-
andi nýtingu vindorku.“
Sveitarstjórn staðfesti bókun nefnd-
arinnar.
Málið er á byrjunarreit
Skírnir Sigurbjörnsson, fram-
kvæmdastjóri Arctic Hydro, sagði
að áformin um að reisa vindmyllur í
Landeyjum væru á byrjunarreit.
„Það er óskað eftir leyfi til að
reisa mastur til vindmælinga. Það
fylgir því ákveðin skuldbinding um
að fara í orkuvinnslu ef rannsókn-
irnar lofa góðu og sýna að þetta sé
gáfulegt. Þá er næst að reyna að
beisla vindinn til raforkufram-
leiðslu,“ sagði Skírnir. Hann sagði
að verkefnið mundi fara í hefð-
bundið ferli vegna skipulagsmála og
umhverfismats. Fáist öll tilskilin
leyfi sé stefnt að því að setja upp
vindmyllur til raforkuframleiðslu í
landi Guðnastaða og Butru. Svæðið
sem horft er til er nálægt spenni-
stöðinni í Rimakoti, neðst og austast
í A-Landeyjum, en þaðan liggur raf-
strengur til Vestmannaeyja.
Áform um að
reisa vindmyllur
í Landeyjum
 Sótt um leyfi fyrir tilraunamastur
Morgunblaðið/Árni Sæberg
Hafið Vindmyllur eru þegar risnar
norðan við Búrfell og í Þykkvabæ.
Megn bensínlykt gerði vart við sig á heimilum margra
íbúa í Norðlingaholti í fyrradag, svo mikil að suma sveið
í augun ef marka má umræðu í sérstökum facebookhópi
hverfisins. Hafa íbúar meðal annars þurft að þola höf-
uðverk vegna lyktarinnar, sem plagaði þá einnig árið
2014.
Fyrri hluta þess árs varð lyktarinnar fyrst vart, þar
sem hún virtist koma upp úr niðurföllum í baðher-
bergjum og þvottahúsum. Íbúum er það ennþá hulin ráð-
gáta hvaðan lyktin kemur. Kom heilbrigðiseftirlit
Reykjavíkur þó nokkrum sinnum á vettvang til rann-
sókna þegar ástandið var hvað verst árið 2014. „Við er-
um engu nær um hvað veldur þessu,“ segir Rósa Magn-
úsdóttir, deildarstjóri umhverfiseftirlits hjá heilbrigðiseftirlitinu, í samtali
við mbl.is.
Megn bensínlykt kvelur íbúa á ný
Bensín Íbúar hafa
kvartað undan
bensínlykt.