Morgunblaðið - 27.02.2016, Side 25

FRÉTTIR 25Erlent
MORGUNBLAÐIÐ LAUGARDAGUR 27. FEBRÚAR 2016
Alltaf feti framar
gómsætur feti í salatið ogmeðmatnum
Skútuvogi 6 - Sími 568 6755
plankaparket
Verðdæmi:
190 mm Eik Rustik burstuð
mattlökkuð 6.990.- m2
Íranar gengu að kjörborði til að
kjósa nýtt þing og áhrifamikið
klerkaráð í gær, um mánuði eftir að
samkomulag náðist við Bandaríkin
og fleiri lönd í deilunni um kjarn-
orkuáætlun landsins. Hassan Rouh-
ani, forseti Írans, og bandamenn
hans úr röðum umbótasinna vona að
kosningarnar marki þáttaskil í bar-
áttu þeirra við afturhaldsöfl sem
hafa ráðið lögum og lofum á þinginu.
Langar biðraðir voru enn við kjör-
staðina þegar kosningunum átti að
ljúka í gær og innanríkisráðuneytið
ákvað því að framlengja þær um
tvær klukkustundir. Talið var að
mikil kjörsókn yki sigurlíkur um-
bótasinna og Rouhani forseti hvatti
landsmenn til að nýta atkvæðisrétt
sinn.
Völd forsetans eru takmörkuð og
Ali Khamenei erkiklerkur er valda-
mesti maður landsins, æðsti yfir-
maður dómstólanna, hersins, leyni-
þjónustunnar og ríkisfjölmiðlanna.
Mörgum meinað
að bjóða sig fram
Verndarráðið svonefnda, sem
Khamenei og þingið skipuðu, mein-
aði þúsundum manna að bjóða sig
fram í kosningunum til þingsins og
er talið að flestir þeirra sem var
hafnað hafi komið úr röðum umbóta-
sinna. Alls voru 4.884 í framboði og
barist var um 290 þingsæti.
Aðeins 159 klerkar, um fimmt-
ungur þeirra sem vildu bjóða sig
fram, voru í framboði til Sérfræð-
ingaráðsins, sem er skipað 88 klerk-
um. Það hefur eftirlit með störfum
erkiklerksins og fær það hlutverk að
velja eftirmann Khameneis, sem er
76 ára, þegar hann fellur frá.
Íbúar Írans eru 79 milljónir og
eru um 60% þeirra undir þrítugu.
Mikilvægar
kosningar í Íran
AFP
Tímamótakosningar? Konur í Teheran bíða eftir strætisvagni í biðstöð sem skreytt er með auglýsingaspjöldum
vegna kosninganna sem fóru fram í Íran í gær. Um 10% af 4.844 frambjóðendum í þingkosningunum eru konur.
 Umbótasinnar vonast eftir sigri
London. AFP. | Fjölmiðlar í Bretlandi
hafa birt margar kannanir á því
hvernig Bretar ætla að kjósa í
þjóðaratkvæðinu 23. júní um aðild-
ina að Evrópusambandinu en niður-
stöður þeirra hafa verið mjög misvís-
andi.
Í könnun YouGov, sem var birt 4.
febrúar, sögðust 45% vilja að Bret-
land gengi úr ESB en 36% sögðust
vera hlynnt aðildinni. Tæpum tveim-
ur vikum síðar voru 54% sögð hlynnt
aðild að ESB en 36% vilja úrsögn í
könnun sem Ipsos MORI gerði.
YouGov gerði aðra könnun í vik-
unni eftir að David Cameron for-
sætisráðherra náði samkomulagi við
leiðtoga annarra aðildarríkja ESB í
viðræðum um kröfur hans um breyt-
ingar á tengslum Bretlands við sam-
bandið. 37% sögðust þá vera hlynnt
aðildinni en 38% vildu úrsögn úr
ESB.
„Þetta ruglar menn í ríminu,“
sagði Adam Drummond, sem stjórn-
ar könnunum fyrirtækisins Opinium,
en það hefur gert kannanir á netinu
á viðhorfum Breta til ESB. Hann og
fleiri sérfræðingar á þessu sviði
segja að munur sé á niðurstöðum
slíkra kannana eftir því hvort þátt-
takendurnir svara spurningunum á
netinu eða í síma. Stuðningurinn við
úrsögn mælist oft meiri í netkönn-
unum en í símakönnunum og í þeim
síðarnefndu séu stuðningsmenn að-
ildar að ESB oft um 15 prósentustig-
um fleiri en andstæðingarnir.
Telja meðaltal margra
kannana nákvæmast
Matthew Goodwin, sérfræðingur
við Kent-háskóla, segir að svo virðist
sem kjósendur virðist vera tregari til
að segja að þeir styðji úrsögn úr
ESB þegar þeir svari spurningunni í
síma. „Það er miklu auðveldara að
gera það í tölvunni,“ segir hann.
Sérfræðingar YouGove segja að
kjósendur sem eru spurðir í síma séu
líklegri til að segjast styðja óbreytt
ástand frekar en breytingu.
Þeir telja líklegt að kannanir, sem
byggjast á því að finna meðaltal
niðurstaðna í mörgum könnunum,
gefi bestu vísbendinguna um stuðn-
inginn við úrsögn. Í einni slíkri könn-
un What UK Thinks var niðurstaðan
sú að 55% styddu aðild en 45% úr-
sögn.
Bresku kannan-
irnar misvísandi
 Stuðningur við úrsögn úr ESB meiri
í netkönnunum en símakönnunum