Morgunblaðið - 06.05.2016, Side 4

4 FRÉTTIRInnlent
MORGUNBLAÐIÐ FÖSTUDAGUR 6. MAÍ 2016
SÉRHÆFING Í VIÐHALDI GÓLFA
Við sérhæfum okkur í slípun og olíuburði á
sólpöllum, gerum gamla pallinn flottari en nýjan.
Fjalirnar verða rennisléttar og timbrið nær aftur
sínum náttúrulega lit.
GERUM SÓLPALLINN
EINS OG NÝJAN
info@golfthjonustan.is | golfthjonustan.is
S: 897 2225
framkvæmdastjórans annars vegar
og heilbrigðisnefndarinnar hins
vegar. Ógilding hennar á álagningu
sorpgjaldanna á Akranesi grund-
vallast á því að heilbrigðisnefndinni
sjálfri sé ætlað það hlutverk sam-
kvæmt lögum að veita umsögn um
gjaldskrána og geti heilbrigðiseft-
irlitið ekki gert það. Álagning
gjaldanna hafi því verið ólögmæt
þegar hún átti sér stað og geti
staðfesting heilbrigðisnefndar á
gjaldskránni þegar álagning hefur
þegar farið fram ekki bætt úr þeim
ágalla. Helgi Helgason, fram-
kvæmdastjóri Heilbrigðiseftirlits
Vesturlands, telur að óvissa sé um
gildi annarra umsagna sem hann
hefur veitt á milli funda heilbrigð-
isnefndar. Nefnir hann sérstaklega
umsagnir um gisti- og veitinga-
staði. Hann segir að heilbrigðiseft-
irlit og heilbrigðisnefndir víðar á
landinu séu uggandi yfir stöðu
málsins.
Úrskurðarnefndin felldi gjald-
skrána úr gildi þar sem formsatriði
voru ekki í lagi, að hennar mati.
Ekki var tekin afstaða til kröfu
gjaldandans um að sorpgjöldin
væru of há. Verkefni Akraneskaup-
staðar er að leggja sorpgjöldin á
að nýju og verður það gert á næst-
unni. Stjórnendur bæjarins eru að
fara yfir forsendurnar. Ekki liggur
fyrir hvort þau verða hærri, þau
sömu eða lægri en gjöldin sem
felld hafa verið úr gildi.
Helgi Bjarnason
helgi@mbl.is
Þrýstingur er á umhverfisráðu-
neytið að breyta ákvæðum laga um
útgáfu sveitarfélaga á reglugerðum
um sorpgjöld eftir að úrskurðar-
nefnd umhverfis- og auðlindamála
felldi úr gildi í annað sinn ákvörð-
un Akraneskaupstaðar um álagn-
ingu sorphirðu- og eyðingargjalda
á fasteign á Akranesi. Ef ákvæði
um að leita skuli umsagnar heil-
brigðisnefnda verða ekki skýrð
betur í lögunum þurfa heilbrigð-
isnefndirnar að funda mun örar
með tilheyrandi kostnaði fyrir þá
sem eftirlitið beinist að.
Fyrir rúmu ári felldi úrskurðar-
nefndin úr gildi álagningu Akra-
neskaupstaðar á sorpgjöldum
vegna ársins 2014 vegna þess að
ekki hafði verið leitað umsagnar
heilbrigðisnefndar. Stjórnendur
bæjarins tóku mið af honum þegar
þeir lögðu á gjöld vegna 2016.
Bæjarráð samþykkti gjaldskrána 4.
desember og leitaði þegar umsagn-
ar heilbrigðisnefndar. Heilbrigð-
isfulltrúi Vesturlands svaraði um
hæl og taldi að efnisatriði gjald-
skrárinnar væru í samræmi við
ákvæði laga. Frumvarp um fjár-
hagsáætlun var í kjölfarið lagt
fram til síðari umræðu og afgreitt
endanlega á fundi bæjarstjórnar
15. desember og gjaldskrá fyrir
hirðingu og eyðingu sorps um leið.
Gjaldskráin var síðan auglýst í
Stjórnartíðinum þar sem hún birt-
ist 29. desember.
Heilbrigðisnefndin fundar 7-8
sinnum á ári. Hún var nýlega búin
að funda þegar erindi Akranes-
kaupstaðar barst. Heilbrigðis-
fulltrúinn veitti því umsögnina með
fyrirvara um endanlegt samþykki á
næsta fundi heilbrigðisnefndar,
eins og hann gerir í fjölmörgum
öðrum tilvikum, þegar ekki leikur
vafi á um vilja nefndarinnar.
Nefndin staðfesti gjaldskrána á
fundi 27. janúar.
Endurálagning undirbúin
Úrskurðarnefndin virðist skilja á
milli heilbrigðiseftirlits og þar með
Morgunblaðið/Eggert
Akratorg Akraneskaupstaður hefur tapað tveimur málum um gjaldskrá sorphirðu og eyðingar en unnið það þriðja.
Óvissa í stjórnsýslu heilbrigðisnefnda
 Álagning sorp-
gjalda á Akranesi
ógilt í annað sinn
Heilbrigðisnefnd Vesturlands
samþykkti gjaldskrár fyrir
sorpgjöld í Borgarnesi, Grund-
arfirði og Stykkishólmi, á
sama fundi og sorpgjöldin á
Akranesi. Álagning gjaldanna
er því væntanlega ólögmæt í
þeim bæjarfélögum, eins og á
Akranesi, en gjaldskrárnar
standa þar sem enginn hefur
kært. Sami gjaldandi hefur
kært sorpgjöldin þrisvar á
Akranesi á rúmu ári og tvisv-
ar haft árangur sem erfiði.
Málið er til athugunar hjá
umhverfisráðuneytinu, sam-
kvæmt ósk lögfræðings Sam-
bands íslenskra sveitarfélaga
og heilbrigðisfulltrúa Vest-
urlands. Kjartan Ingvarsson,
lögfræðingur á skrifstofu um-
hverfis og skipulags, segir að
unnið sé að endurskoðun laga
um hollustuhætti
og mengunar-
varnir. Ef þessi
úrskurður gefi
tilefni til
breytinga muni
málið verða tek-
ið fyrir við þá
vinnu.
Hugað að
breytingum
LÖGIN ERU Í
ENDURSKOÐUN
Vaskir hlauparar á öllum aldri létu
rok og fimm gráðu hita ekki koma í
veg fyrir þátttöku í Breiðholts-
hlaupi Leiknis í gær. Hlaupið var
frá Leiknishúsinu um Elliðaárdal-
inn og Efra-Breiðholt. Þrjár vega-
lengdir voru í boði: tveggja kíló-
metra skemmtiskokk án tímatöku,
5 eða 10 km hlaup með tímatöku.
Að hlaupi loknu fengu keppendur
frítt í Breiðholtslaugina, enda gott
að láta líða úr sér í heitum potti.
Breiðholtshlaup Leiknis fór fram á uppstigningardegi
Morgunblaðið/Golli
Kraftmiklir hlauparar í kuldanum
Um 400 manns hafa náð í appið eða
smáforritið „Hola“ sem er hannað
fyrir Félag íslenskra bifreiðaeigenda
(FÍB) í þeim tilgangi að safna saman
ljósmyndum af holum sem myndast
hafa í götum og vegum landsins.
Appið hefur nú verið virkt í tvær vik-
ur. „Sömu helgi og appið fór í loftið
sóttu það sér nokkrir tugir, en
myndir af holunum komu aðeins
seinna en við áætluðum og við stílum
á að hafa þetta enn formfastara
næsta vetur,“ segir Runólfur Ólafs-
son, framkvæmdastjóri FÍB. Um 30
myndir af holum hafa borist.
Í appinu er hægt að mynda holur
og senda ásamt nákvæmri staðsetn-
ingu til FÍB sem kemur upplýsing-
unum á framfæri
við veghaldara.
„Við höfum rætt
við Vegagerðina
um nánara sam-
starf svo hægt sé
að miðla upplýs-
ingum með greið-
um hætti og
bregðast þannig
sem skjótast við,“
segir Runólfur.
Appið er fáanlegt fyrir Android en
iPhone útgáfa er væntanleg fljót-
lega. „Við vonum að appið muni auka
upplýsingaflæði og auka þannig ör-
yggi borgaranna og draga úr muna-
tjóni sem margir hafa orðið fyrir.“
400 manns hafa
sótt „holuappið“
 FÍB og Vegagerðin stefna á samstarf
Runólfur
Ólafsson
Skrifstofa forseta Íslands sendi í
gær yfirlýsingu, á ensku, frá Dorrit
Moussaieff forsetafrú, vegna um-
fjöllunar fjölmiðla um eigin fjármál
og fjölskyldu hennar. Þar segist
Dorrit m.a. aldrei hafa rætt fjármál
fjölskyldu sinnar við eiginmann sinn,
Ólaf Ragnar Grímsson, þar sem um
einkamál foreldra sinna sé að ræða.
Þá segist hún eiga heimili á Bret-
landseyjum og hafa veitt skattyfir-
völdum þar viðhlítandi upplýsingar.
Dorrit segir „vangaveltur og óná-
kvæmar yfirlýsingar og fullyrðing-
ar“ hafa verið
settar fram í ýms-
um blaðagrein-
um, sem hún vilji
leiðrétta. Þannig
segist hún aldrei
hafa átt banka-
reikning hjá
HSBC-bankan-
um eða átt í við-
skiptum við bank-
ann. Þá segist hún hafa upplýst
íslensk skattyfirvöld, þegar hún var
skráð til heimilis hér á landi, um
hagsmuni sína og látið í té eintak af
skattaskýrslu sinni til breskra skatt-
yfirvalda.
„Skírskotað hefur verið til tengsla
minna við fyrirtæki að nafni Jaywick
Properties Inc. Jaywick var fyrir-
tæki sem tengdist foreldrum mínum
og var afskráð 2001. Ég hagnaðist
ekki á Jaywick áður eða eftir að það
var afskráð,“ segir Dorrit m.a. í yfir-
lýsingu sinni. „Ég er nú búsett í
Bretlandi þar sem ég hef veitt bresk-
um skattayfirvöldum viðhlítandi
upplýsingar,“ segir ennfremur.
Ekki rætt fjármál við Ólaf Ragnar
Dorrit Moussaieff