Morgunblaðið - 06.05.2016, Page 17

17
MORGUNBLAÐIÐ FÖSTUDAGUR 6. MAÍ 2016
Tignarleg eldborg Þessi tilkomumikla eldborg er í hraununum inn af Lyngdalsheiðarvegi milli Þingvalla og Laugarvatns. Í fjallahringnum hér að baki eru Hrafnabjörg lengst til vinstri, þá Þór-
isjökull, þá Skjaldbreiður og hægra megin eru Skefilfjöll og fremst loks Kálfstindar. Á sléttunni beint að baki gígnum er Þjófahnjúkur. Náttúra Íslands er einstök á að líta, einnig úr lofti.
RAX
Það er kunnara en frá
þurfi að segja að hinn
fullkomni maður giftist
aðeins hugsjón sinni.
Hjónaband konu og
karls er aukaatriði og
skiptir ekki máli. Hefði
hjónaband verið leiðin til
að hefja mannkynið upp
frá syndum þess myndi
Jesús Kristur hafa end-
urleyst heiminn með því
að gifta sig og setja upp trésmíða-
verksmiðju í Jórsölum með spjald yf-
ir dyrunum.
Íslendingar eru ekki miklir hug-
sjónamenn, því ganga flestir í hjóna-
band að hefðbundnum hætti, hug-
sjónalaust, en ganga svo af göflum
þess á milli þegar talið er að mikil tíð-
indi hafi orðið.
Nú eru þau mest tíðindi hér um
slóðir að fregnir hafa borist af því að
til eru Íslendingar sem eiga eignir í
Útlandi. Mjög er það misjafnt hvort
um er að ræða fjáreignir eða fast-
eignir. Það er heldur talinn ókostur
ef um fjáreign er að ræða. Hinn
venjulegi Íslendingur er að eðlisfari
hoddfjandi, þ.e. eyðslusamur á gang-
silfur, en skuld hans er talin dyggð.
Skuldir eru niðurgreiddar en fjár-
eignir og fasteignir eru skattlagðar.
Nú eru aðstæður
þannig að mannfélagið
getur aðeins gert
tvennt fyrir mikla
spekinga, annað hvort
gert þá að lögbrjótum
eða sjálfsmorðingjum.
Frjálst flæði
Það er vissulega
rétt að móðir Garðars
Hólm taldi að ógæfa
Garðars hafi hafist
þegar hann lagðist í
ferðalög. Það vill til að
með samningum um evrópskt efna-
hagssvæði er íslenskum þegnum sem
eiga heimilisfesti á Íslandi frjálst að
eiga eignir í Útlandi. Það er ein af
grundvallarstoðum samningsins, að
sett er skilyrði um frjálst flæði fjár-
magns, hvort heldur til að fjárfesta í
fasteignum eða fjáreignum. Það eru
einnig gerðir milliríkjasamningar um
tvísköttun. Markmið tvísköttunar-
samninga er að tryggja að þegnar
þeirra ríkja sem aðild eiga að slíkum
samningum greiði aðeins tekjur einu
sinni af tekjum sínum. Megin sjónar-
mið allrar skattlagningar er að skatt-
ur skal greiðast þar sem tekjur verða
til. Það er því heimilt að flytja fjár-
eignir til annarra landa og hafa þar af
eignum sínum tekjur og greiða
skatta þar. Ef um skattaskjól er að
ræða koma svokallaðar CFC-reglur
til. Verður þá skattskyldan í heima-
landi þess er í hlut á.
Öðru máli gegnir um auðlegðar-
skatt. Sá skattur var lagður á tíma-
bundið og réttlættur af Hæstarétti,
„Sökum þess að löggjafanum hefur
verið játað verulegu svigrúmi til að
ákveða þau sjónarmið sem búa að
baki skattlagningu og teknu tilliti til
þess að auðlegðarskattur er tíma-
bundinn“ þá fellur auðlegðarskattur
til greiðslu þar sem skattþegn býr.
Nú er það áhyggjuefni úr sögunni
eftir að gildistími laga um auðlegð-
arskatt rann sitt skeið, þökk sé Stein-
grími J. Sigfússyni, fyrrverandi fjár-
málaráðherra.
Það er þekkt að fjölmargir Íslend-
ingar eiga fasteignir um allar álfur.
Það þykja ekki tíðindi að eiga íbúð í
Frakklandi eða sumarhús á Spáni
eða í Flórída. Það eru margir sem
nokkurs mega sín sem halda slíkar
eignir enda er slíkt jafngilt því að
eiga sumarhús í Grafningi eða íbúð á
Akureyri.
Hverjar eru sakargiftir?
Fyrir ekki svo mögum árum var
sýnt leikrit í Þjóðleikhúsinu. Þar
voru bornar ýmsar og misalvarlegar
sakir á sakborning. Eftir að sakir
voru lesnar, var sakborningi boðið að
játa hvort hann væri sekur eða mjög
sekur. Í þeim málum sem upp hafa
komið að undanförnu er þeim „sem
nefndir eru í Panamaskjölum“ boðið
að játa hvort þeir eru sekir eða mjög
sekir. Ekki er gerður munur á póli-
tískum sakargiftum eða sakargiftum
vegna brota á hegningarlögum,
skattalögum eða lögum um gjaldeyr-
ismál. Pólitískar sakargiftir eru reist-
ar á siðferðilegum grunni þar sem
forsendur eru alls ekki ljósar. Þá
virðist sem lesa eigi kröfur um hags-
munaskráningu alþingismanna sem
kröfur um listun á eignum og tekjum,
án tillits til þess hvort eignir eða
tekjur geti valdið hagsmuna-
árekstrum í störfum þingmannsins.
Vandamálið er hvenær eignir og til-
vist þeirra valda hagsmuna-
árekstrum. Oftast er hægt að koma í
veg fyrir hagsmunaárekstra ef upp-
lýst er um hagsmuni.
Stærsta álitamál um óhæði og
hagsmunaárekstra einstaklings eru
skuldir þess er í hlut á, ekki eignir
hans. Slíku aukaatriði er með öllu
sleppt í hagsmunaskráningu, þó ljóst
sé að sá þingmaður sem er skuldum
vafinn eins og skrattinn skömmunum
er veikari fyrir en sá er á eina til tvær
fasteignir sem hann hefur leigu-
tekjur af. Svona staðreyndir afsanna
allar nýbylgjusiðferðiskenningar.
Hamingja siðbótarmanna er tilvist
djöfulsins. Án hans eru ekki til sið-
ferðiskenningar helgra manna og
kvenna. Sjálfstæðar manneskjur
þurfa ekki kristindóm. Er nú ekki
rétt að horfa á mál sentralt? Hver
eru aðalatriði máls og hvað skiptir
ekki máli?
Nauðsyn erlendra eigna
Það er hverjum frjálsum manni
nauðsynlegt að eiga laust fé. Það
kallaði einn vinur minn, „Að eiga
kontanta“. Íslensk króna getur vart
talist „kontant“. Hún er brúkleg til
viðskipta í Heimalandi. Króna er
ávísun á eign innanlands. Það er eng-
inn í útlöndum sem hefur áhuga á
slíkri ávísun. Á móti eru „valútur“ frá
Útlandi gjaldgengar í viðskiptum í
Heimalandi. Það verður að gera það
aðlaðandi, ekki aflaðandi, að eiga
heimavalútu og kontanta í Heima-
landi. Annars þarf hinn fullkomni
frjálsi maður að eiga erlenda „va-
lútu“. Þá er maður engum háður á
Skerinu. Í því sambandi segi ég: „Á
meðan ég sælist ekki eftir annarra
manna gróða, þá kæri ég mig ekki
um að bera annarra manna töp.“
Eftir Vilhjálm
Bjarnason » Það verður að gera
það aðlaðandi, ekki
aflaðandi, að eiga
heimavalútu og kont-
anta í Heimalandi.
Vilhjálmur Bjarnason
Höfundur er alþingismaður.
Hvenær er Útland Afland?