Morgunblaðið - 24.05.2016, Blaðsíða 2

2 | MORGUNBLAÐIÐ
Egill Jóhannsson, forstjóri Brim-
borgar, tók í byrjun maí fyrstu
skóflustunguna fyrir nýju verk-
stæðis- og þjónustubyggingu fyrir
Volvo atvinnutæki, í Hádeg-
ismóum 7.
Þar verður til húsa sala og þjón-
usta fyrir Volvo-vörubíla, vinnu-
vélar, rútur og Volvo Penta-
bátavélar ásamt þjónustu og sölu
Renault Trucks-vörubíla.
„Þetta eru merkileg tímamót
sem við höfum beðið lengi eftir.
Skóflustungan er fyrsta skrefið í
að byggja upp enn öflugri at-
vinnutækjadeild. Stór tæki þurfa
mikið athafnarými svo það verður
bylting að komast í sérhannað
húsnæði þar sem allt aðgengi er
hannað frá grunni með slík tæki í
huga. Nýtt húsnæði mun auka
hagræði fyrir viðskiptavini og
vinnuaðstaða fyrir starfsmenn
verður framúrskarandi. Fram-
kvæmdir munu hefjast fljótlega og
stefnt að verklokum á næsta ári,“
sagði Egill Jóhannsson við skóflu-
stunguna.
Lóðin er 14 þúsund fermetrar
og stendur við stofnæðar svo að-
gengi er sérlega gott fyrir stærri
tæki. Hönnun stendur yfir og í
framhaldi verður farið í útboð á
einstökum verkþáttum. Mansard-
teiknistofa sér um hönnun bygg-
ingarinnar, VSB-verkfræðistofa
hannar burðarvirki, lagnir og raf-
kerfi, Efla sér um brunahönnun,
Teiknistofan Storð um lóð-
arhönnun og KÞ ráðgjöf er um-
sjónarmaður verkkaupa.
agas@mbl.is
Skóflustunga tekin fyrir
nýju húsi Volvo atvinnutækja
Með Agli á þessum stóra degi voru frá Brimborg Jóhann Jóhannsson stjórnarform., Arnór Jósefsson hluthafi,
Þorsteinn Arnórsson stjórnarm., Margrét Rut Jóhannsdóttir fr.kv.stj. mannauðs- og gæðasviðs, Hólmar Ást-
valdsson fr.kv.stj. fjármálasviðs, Jóhann Rúnar Ívarsson þjónustustjóri Volvo atvinnutækjasviðs, Kristinn Már
Emilsson fr.kv.stj. Volvo atvinnutækjasviðs ásamt Karli Þráinssyni ráðgjafa Brimborgar við framkvæmdina.
Egill Jóhannsson tekur fyrstu skóflustunguna að húsinu.
Aðgengi hannað frá grunni
Ferðaþjónustufyrirtækið Guðmundur Jón-
asson hefur fengið afhenta glæsilega hóp-
ferðabifreið af gerðinni Setra sem er frá
dótturfyrirtæki Daimler, framleiðanda
Mercedes-Benz fólks- og atvinnubíla.
„Þetta er líklega glæsilegasta hópferða-
bifreiðin sem nú ekur um vegi landsins. Bíll-
inn tekur 70 manns og er afar vel búinn með
leðursætum, WIFI, USB-hleðslum í hverri
sætaröð, salerni og miklum þægindum,“ seg-
ir í tilkynningu frá bílaumboðinu Öskju, sölu-
og umboðsaðila Mercedes-Benz á Íslandi.
Þýska fyrirtækið er stærsti framleiðandi at-
vinnubíla í heiminum.
Fornfrægt fyrirtæki á ferð
Fyrirtækið Guðmundur Jónasson fagnar á
þessu ári þeim áfanga að 85 ár eru síðan
stofnandinn, sem fyrirtækið er kennt við,
fékk fyrstu rútubifreiðina.
„Afi minn, Guðmundur Jónasson bifreiða-
stjóri frá Múla, fékk bílpróf 1929 og sína
fyrstu Ford-vörubifreið árið 1930. Hann eign-
aðist síðan svokallað Alþingishátíðarboddý á
vörubílinn árið 1931. Við rekjum því upphaf
farþegaflutninga Guðmundar Jónassonar til
ársins 1931, en síðan eru liðin 85 ár. Fyr-
irtækið er í dag í traustum rekstri, en til gam-
ans má geta þess að kennitala fyrirtækisins
er frá 1966 og er hún því 50 ára á árinu,“ seg-
ir Stefán Gunnarsson, forstjóri fjölskyldufyr-
irtækisins Guðmundar Jónassonar ehf.
Allar bifreiðar Mercedes-Benz
Fyrirtækið hefur verið á lista Creditinfo
yfir fyrirmyndarfyrirtæki frá því að listinn
var fyrst birtur, en hjá því starfa nú um 60
manns. Á næstu misserum mun fyrirtækið
flytja höfuðstöðvar sínar á Kársnesið í Kópa-
vogi og má því með sanni segja að þetta sé
stórt ár í sögu félagsins.
„Bifreiðafloti fyrirtækisins telur nú nærri
30 hópferðabifreiðar, sem allar eru af gerð-
inni Mercedes-Benz. Mikil endurnýjun hefur
átt sér stað í bifreiðaflotanum á síðustu miss-
erum og eru m.a. sex nýjar bifreiðar að bæt-
ast við nú á næstu dögum. Meðalaldur bif-
reiða fyrirtækisins er nú að nálgast fjögur ár,
sem er með því besta sem gerist á mark-
aðnum í dag. Við erum afar ánægð með nýja
Setra-bílinn, sem er sannarlega af hæsta
klassa hópferðabifreiða nútímans,“ segir
Stefán.
agas@mbl.is
Afar vel búin lúxusrúta fyrir 70 manns
Jón Trausti Ólafsson, framkvæmdastjóri Bílaumboðsins Öskju, afhenti Stefáni Gunnars-
syni, forstjóra Guðmundar Jónassonar nýja Setra hópferðabílinn.
Hafa haldið tryggð við Mercedes-Benz
Það vita flestir að hættur geta orðið
á vegi manns þegar setið er undir
stýri. Með öðrum orðum, það er
hættulegt að keyra. Í Bandaríkj-
unum hefur dauðsföllum í umferð-
inni fækkað með tímanum en slysin
eru þó fleiri og harkalegri en áður.
Það fer ekki á milli mála að bílar
verða betri og betri hvað öryggi
ökumanns og farþega varðar. Árið
2014 slösuðust rúmlega 2,3 milljónir
manna í umferðinni í Bandaríkj-
unum. Var þar um lítilsháttar fjölg-
un að ræða frá árinu áður en
árekstrum fjölgaði um 8% frá árinu
áður, 2013.
Ástæðan er meðal annars
heimskupör undir stýri, svo sem að
mynda og senda „snapchat“-mynd af
hraðamælinum á ferð. Að sögn
rannsakenda við McGill-háskólann í
Montreal í Kanada koma ökumenn
sem ítrekað haga sér hættulega í
umferðinni hlutfallslega miklu oftar
og meira við sögu umferðarslysa en
hlutfallslegur fjöldi þeirra gæti sagt
til um.
Það þykir þýða að í umferðinni sé
að finna hættulega ökufanta sem að
staðaldri aka undir áhrifum áfengis,
stunda hraðakstur og símanotkun á
ferð. Sérfræðingar við McGill-
háskólann hafa freistað þess að átta
sig á hvers vegna þetta hlutmengi
ökumanna heldur uppteknum hætti.
Þeir skrifa um athuganir sínar í
tímaritið PLoS One og segja að hér
gæti verið á ferðinni dæmigert
Dunning-Kruger-heilkenni. Það seg-
ir til sín þegar fólki mistekst að meta
rétt eigin færni – eða öllu heldur
vanmátt sinn – til að takast á við við-
fangsefni og telur sig miklu hæfara
en alla aðra. Þetta skilningsleysi er
afleiðing vanfærni sem veldur því að
þeir hafa glatað eða ekki fengið í
vöggugjöf hæfileikann til að greina
frammistöðu sína gagnrýnið. Afleið-
ingin er verulegt ofmat á eigin getu.
Þetta mætti orða á enn einfaldari
hátt sem svo, að þarna sé um að
ræða „fólk sem er of vitskert til að
átta sig á því hversu heimskt það
er,“ eins og vísindamennirnir segja.
Niðurstaða þeirra er að hinir
hættulegu telja sig yfirleitt aldrei
vera að leika sér að eldinum þegar
þeir taka áhættu. Haldi þeir sig ekki
vera hættulega sjá þeir hvorki til-
gang í né þörf á að taka upp breytta
háttu.
agas@mbl.is
Skilja ekki eigin vanhæfni
Slæmir ökumenn
halda að þeir séu góðir
Óvarkárir ökumenn eru hættulegir bæði sjálfum sér og öðrum.