Morgunblaðið - 06.08.2016, Síða 10
10 FRÉTTIRInnlent
MORGUNBLAÐIÐ LAUGARDAGUR 6. ÁGÚST 2016
STANGVEIÐI
Einar Falur Ingólfsson
efi@mbl.is
Hvað fjölda veiddra laxa í ám lands-
ins varðar eru Ytri-Rangá og vest-
urbakki Hólsár að stinga af
snemma þetta sumarið en í vikunni
veiddust 766 laxar á stangirnar tutt-
ugu á veiðisvæðinu. Það eru um
fimm og hálfur lax að meðaltali á
stöng á dag og þessi góða veiði hef-
ur varað undanfarnar fjórar vikur,
um hundrað landað á dag að með-
altali.
Og enn er frábær veiði í Miðfjarð-
ará, nær fimm laxar á stöng á dag, á
sama tíma og veiðimenn í nágranna-
ám, á Vestur- og Norðvesturlandi,
kvarta yfir óbreyttu veðri í langan
tíma, og úrkomuleysi, sem hafi
sljóvgandi áhrif á tökugleði laxins.
Sem dæmi má nefna að aðeins voru
47 laxar færðir til bókar við Norð-
urá í vikunni, á stangirnar 15. Veiði-
menn segja talsvert af laxi í ánni en
hann tekur ekki. Og í Blöndu hægir
einnig á veiðinni, 177 veiddust á
stangirnar 14.
Eins og síðustu vikur veiðast
rúmlega tveir laxar á stöng á dag í
Eystri-Rangá en á móti kemur, eins
og umsjónarmaður árinnar, Einar
Lúðvíksson, bendir á, er afar hátt
hlutfall stórlaxa að veiðast í ánni og
veiðimönnum leiðist ekki að togast á
við stóra laxa.
„Rosalega góð“
Einn ótalmargra veiðimanna sem
hefur náð sínum stærsta laxi á land
þetta sumarið er Örn Helgason,
sem er staðarhaldari og mat-
reiðslumeistari í veiðihúsinu við
Haukadalsá í Dölum. Mjög góð veiði
hefur verið í Hauku það sem af er
sumri og veiddust til að mynda tæp-
lega hundrað laxar á stangirnar
fimm í síðustu viku.
„Veiðin hefur verið rosalega góð.
Svo féll áin nokkuð í vatni síðustu
daga og það hafði áhrif á tökuna en
síðan rigndi nokkuð, vatnið steig í
gær og í dag og það hafði góð
áhrif,“ segir Örn.
„Veiðin er þegar um 630 laxar,
sem er afskaplega gott. Heildar-
veiðin í fyrra var til að mynda 670
og það var gott ár.
Það er lax um alla á og mikið af
laxi genginn,“ segir hann.
Örn segir ána vissulega njóta
góðs af Haukadalsvatni, það er eins
og miðlunarlón og hefur haldið fínu
vatnsrennsli í þurrkunum meðan
dragár í nágrenninu hafa verið afar
vatnslitlar lengi vel í sumar.
Hann segir smálaxinn mest áber-
andi í aflanum, eftir hrotu vænna
fiska í byrjun, „en það næst einn og
einn stór“. Og Örn glímdi við einn
slíkan snemma í vikunni, en stöng
var laus um verslunarmannahelgina
og gat Örn þá veitt aðeins sjálfur en
annars er uppselt í ána. Hann land-
aði þá sínum stærsta laxi, 87 cm
hrygnu sem tók míkróhits í Neðri-
brúarstreng.
„Þetta var svolítið legin hrygna,“
segir Örn. „Hún renndi sér upp úr
um tveggja metra dýpi og greip
hitsið; ég sá hana allan tímann vel,
það var svo bjart og gott veður. Og
ég sá hana með bræðrum sínum og
systrum niðri í djúpinu þegar hún
var lögst á meðal þeirra og ég
togaðist á við hana. Hún lá og
hreyfði sig ekki – ég var orðinn
hræddur um að hún væri búin að
krækja taumnum í eitthvað. En svo
tók hún að færa sig svolítið og
stýrði mér í raun í um klukkutíma,
áður en ég náði að landa henni. Mér
fannst hún vera að þreyta mig!
Þetta var gríðarlega skemmtilegt...“
Örn segir auðvelt að vera stað-
arhaldari og matsveinn við veiðiá
þegar veiðin er þetta fín. „Það held-
ur fólki kátu.Öll svæði eru virk í
ánni, mesta virknin hefur verið á
eitt og tvö en flestir pollar eru
stappaðir af laxi. Og lúsugur lax er
enn að veiðast svo hann er að
ganga.“
Uppsveifla í Selá
Laxveiðin er sýnilega að taka við
sér víða á Norðausturhorninu og
Austurlandi. Smálaxinn er sagður
mættur í Jöklu og hafa veiðst ágæt-
lega og þá má sjá að í Selá í Vopna-
firði veiddust 138 á stangirnar sex í
vikunni og var það gjöfulasta vika
sumarsins til þessa og lax að ganga.
265 hafa veiðst í Hofsá, sem er
heldur minna á sama tíma 2014 þeg-
ar um 300 höfðu veiðst en betra en í
fyrra, þegar veiðin var afar slök í
ánni. Þá höfðu innan við 200 veiðst á
þessum tíma. Síðustu viku veiddust
50 á stangirnar tíu.
Loks má ekki gleyma bleikjunni.
Veiðimenn hafa til að mynda veitt
afar vel á Landmannaafrétti, eins
og í Frostastaðavatni.
„Mér fannst hún vera
að þreyta mig“
Góð veiði í Haukadalsá Ytri-Rangá komin yfir 4.000
Ljósmynd/Friðjón Rúnar
Kampakátur Örn Helgason hampar sínum stærsta laxi til þessa, 87 cm
hrygnu sem tók míkróhits í Haukadalsá í Dölum. Góð veiði er í ánni.
Aflahæstu árnar
Heimild: www.angling.is
Ytri-Rangá & Hólsá (20)
Miðfjarðará (10)
Eystri-Rangá (18)
Blanda (14)
Þverá - Kjarrá (14)
Norðurá (15)
Haffjarðará (6)
Langá (12)
Laxá í Aðaldal (18)
Haukadalsá (5)
Víðidalsá (8)
Laxá í Dölum
Hítará (6)
Selá í Vopnafirði (6)
Elliðaárnar (6)
Veiðivatn (Stangafjöldi) Veiði
Á sama
tíma í
fyrra
Á sama
tíma
2014
Staðan 3. ágúst 2016
2415
2527
905
2997
1460
2115
1115
1384
667
183
680
265
713
551
541
843
860
1306
1563
851
733
567
225
518
94
324
70
272
585
363
4016
2337
2154
1858
1383
1000
907
825
712
629
617
509
504
478
502
Hrein samviska í 25 ár
Gylfaflöt 5 | 112 Reykjavík | 520 2200 | sorpa@sorpa.is
B
ra
n
d
e
n
b
u
rg
|s
ía
Tveir ráðherrar Framsóknarflokks-
ins, þau Gunnar Bragi Sveinsson og
Lilja Dögg Alfreðsdóttir, funduðu í
gær með Sigmundi Davíð Gunn-
laugssyni, formanni flokksins, á
heimili hans í Garðabæ.
Lilja Dögg sagði í samtali við
mbl.is að á fundinum hefði verið farið
yfir stöðu mála innan flokksins.
„Landsstjórnin hittist í gær, búið
er að ákveða miðstjórnarfund í sept-
ember og miðstjórn ákveður hvort
það verður flokksþing. Við vorum
bara að fara yfir þessi tíðindi.“
Spurð hvort hún telji líklegt að
haldið verði flokksþing í haust segir
hún of snemmt að segja til um það.
„Það er gott að það er komin tíma-
setning á miðstjórnarfundinn og í
Framsóknarflokknum er þetta allt í
mjög föstum farvegi,“ segir Lilja.
Þá segist hún munu tilkynna í
næstu viku hvort hún gefi kost á sér
til Alþingis í næstu þingkosningum,
en flokksmenn í Reykjavík hafa fram
til 12. ágúst til að greina frá framboði
til prófkjörs.
Spurð hvort hún styðji Sigmund
Davíð áfram til forystu svaraði Lilja:
„Sigmundur Davíð er formaður
flokksins og flokksmenn styðja for-
mann Framsóknarflokksins.“
Funduðu með
Sigmundi Davíð
Of snemmt að segja til um flokksþing
Morgunblaðið/Ófeigur
Beðið eftir ráðherrum Bílar ráðherra fyrir utan hús Sigmundar Davíðs.