Morgunblaðið - Sunnudagur - 11.09.2016, Blaðsíða 34

FERÐALÖG Borgin Lyon fékk nýverið afhent verðlaun sem bestiáfangastaður fyrir borgarfrí árið 2016. Verðlaunin heitaWorld Travel Awards og síðustu ár hafa borgirnar Genf,
Lissabon, London og Istanbul hreppt þessi verðlaun.
Lyon verðlaunuð
34 MORGUNBLAÐIÐ SUNNUDAGUR 11.9. 2016
Lyon hefur hingað til ekki veriðáberandi áfangastaður Ís-lendinga en þessi fallega
franska borg komst á radarinn þegar
EM í fótbolta fór fram þar í sumar.
WOW air hóf þangað beint flug sem
gerði borgina fýsilegan áfangastað.
Greinarhöfundur átti sérlega vel
heppnaða tveggja vikna dvöl í borg-
inni ásamt fjölskyldunni í ágúst.
Dvalið var í húsi í úthverfi borgar-
innar í tvær vikur í ágústlok. Hitinn
var um 25-35 gráður og stöðugt sól-
skin og í mesta hitanum kom sér vel
að hafa sundlaug. Í Lyon þarf enginn
að vera aðgerðalaus, þarna er hægt
að njóta matar og menningar og fara
í skemmtilegar gönguferðir um borg-
ina.
Mikil matarmenning
Croix-Rousse er skemmtilegt hverfi
þar sem haldinn er stærsti útimatar-
markaður borgarinnar. Þangað kem-
ur heimafólk til að versla í matinn í
stórum stíl og úrvalið er mikið og
girnilegt. Ef fólk hefur ekki aðstöðu
til þess að elda er að minnsta kosti
hægt að kaupa fáeinar ólífur eða
ávexti til að narta í.
Lyon hefur einmitt getið sér gott
orð sem borg mikillar matarmenn-
ingar. Það helgast meðal annars af
því að Paul Bocuse, einn þekktasti
matreiðslumaður heims, er þaðan.
Hann hefur rekið um áratugaskeið
þriggja stjörnu Michelin-staðinn
l’Auberge du Pont de Collonges og
sömuleiðis eru á hans vegum nokkur
brasserie (www.nordsudbrasser-
ies.com) sem er hægt að mæla með.
Croix-Rousse liggur uppi á hæð
þar sem útsýni er gott yfir borgina.
Þaðan er hægt að ganga sem leið
liggur niður í miðbæinn. Góð hug-
mynd er að fara einskonar leynileið-
ir, „traboules“, sem liggja í gegnum
hús og niður brattar tröppur. Upp-
haflega voru þessar leiðir notaðar af
silkiframleiðendum til að flytja vörur
en eru núna vinsæl ferðamannaleið.
Það þarf að hafa augun opin fyrir
sérstöku tákni til að vísa réttu leið-
ina.
Verslað milli ánna
Fyrir utan hæðótt landslagið setja
árnar Rón og Saône mikinn svip á
borgina. Það loftar um borgina í
kringum árnar og er fallegt bæði að
keyra, ganga og hjóla meðfram ár-
bökkunum. Einnig er hægt að fara í
bátsferð og skoða borgina þannig og
fá nýja sýn á hana.
Svæðið milli ánna tveggja er eitt-
hvert skemmtilegasta svæði borg-
arinnar og þar er að finna mörg af
kennileitum hennar eins og Óperu-
húsið, Ráðhúsið og Bellecour-torgið.
Fyrir ofan torgið er stór göngugata,
Rue de la République, þar sem gott
er að versla. Þar er ennfremur stór-
verslunin Printemps. Samliða þess-
ari götu er önnur verslunargata með
heldur fínni búðum, Rue du Prési-
dent Edouard Herriot. Nýrra versl-
unarsvæði er í Part Dieu þar sem er
stór verslunarmiðstöð, fyrir þá sem
kjósa að eyða tíma sínum í slíkum
fyrirbærum.
Almenningssamgöngur eru fínar í
borginni og líka má geta þess að víða
um eru stæði fyrir leiguhjól sem
hægt er að nota í skemmri eða lengri
tíma.
Kirkjan uppi á hæðinni
Uppi á hæð fyrir ofan borgina er að
finna stórkostlega fallega kirkju sem
sést víða að. Kirkjan heitir Notre-
Dame de Fourvière. Hún er skínandi
hvít að utan og fallega skreytt að inn-
an. Það er ævintýralegt að taka spor-
vagn þarna uppeftir því hallinn er
svo mikill. Á leiðinni niður eftir er
hinsvegar upplagt að ganga hlykkj-
ótta stíga og þröngar, langar og
brattar tröppur niður í bæjarhlutann
Vieux-Lyon.
Rómverskar rústir
Áður en lagt er í hann niður ætti þó
fyrst að skoða rómverskar rústir í
nágrenni kirkjunnar. Þær eru nokk-
uð stórar og má sjá leifar af tveimur
Ljósmynd/Marie Perrin-Lyon Tourist Office
Matarmarkaðurinn í Croix-Rousse er sá stærsti í borginni.
Ljósmynd/Brice Roberts-Lyon Tourist Office
Kirkjan Notre-Dame de Fourvière gnæfir skínandi hvít yfir borgina.
Ljósmynd/Jacques Léone-Lyon Tourist Office
Borg matar og
menningar
Lyon er einstaklega falleg borg sem gaman er að heimsækja. Þessi
önnur stærsta borg Frakklands er að mörgu leyti eins og lítil París,
þarna eru margar fagrar byggingar, minnismerki og söfn, nema allt í
enn viðráðanlegri vegalengdum en í höfuðborginni.
Inga Rún Sigurðardóttir ingarun@mbl.is
Árnar setja svip sinn á
borgina og sömuleiðis
húsin sem mörg eru í gul-
um og bleikum tónum.
Ljósmynd/Julia Bidault-Lyon Tourist Office