Morgunblaðið - 28.10.2016, Side 41

MENNING 41
MORGUNBLAÐIÐ FÖSTUDAGUR 28. OKTÓBER 2016
Hópfjármögnun
er hafin fyrir
styttu af sjálfum
David Bowie í
hlutverki sínu
sem Ziggy Star-
dust. Styttan sem
ætlað er að setja
upp við Ayles-
bury, Buck-
inghamshire á
Englandi verður
þeim hæfileika gædd að syngja lög
eftir sjálfan Bowie. Styttan mun að
sjálfsögðu ekki taka lagið sjálf en
einhvers konar hljóðkerfi verður
komið fyrir í henni.
Bowie syngur á ný
í styttu formi
David Bowie
Glæpasagan Netið eftir LiljuSigurðardóttur er sjálf-stætt framhald Gildr-unnar, sem kom út fyrir
um ári. Viðfangsefnið er því kunn-
ugt, persónur að mestu þær sömu,
þráðurinn um margt líkur en óneit-
anlega er netið farið
að þrengjast um
helstu gerendur í
þessum spennandi
þríleik.
Gildrunni lauk í
Bandaríkjunum í
febrúar 2011 og Netið
hefst þar sem frá var
horfið en á mun harkalegri hátt og
ekki aukast blíðuhótin með hækk-
andi sólu. Þvert á móti eykst við-
bjóðurinn.
Söguþráðurinn tekur mið af
ástandi eftirhrunsáranna og tengir
áhrifamenn og hugsanlegar, sakhæf-
ar gjörðir nokkurra þeirra við al-
þjóðlegt stórfyrirtæki. Smygl og illa
fengið fé rugla eðlilega dómgreind
margra og persónur flækjast í neti,
sem er bæði ókunnugt og viðbjóðs-
legt.
Fléttan er skemmtilega hugsuð og
Lilja nær að endurspegla óreiðuna,
þar sem engum er treyst og jafnvel
frelsið er ógnvekjandi tilfinning,
eins og vakin er athygli á í sögunni.
Villidýrið kemur upp í glæpamönn-
um en tígrísdýr í kjallaranum er
samt einu dýri of mikið!
Annars er þetta nokkuð trúverðug
saga, þar sem samkynhneigðar kon-
ur eiga sviðið að stórum hluta. Oft
virðist það vera svo að fólk er steypt
í ákveðin hlutverk og höfundur gerir
þessar persónur að sínum á áhrifa-
ríkan hátt. Einna best tekst til með
Braga tollvörð, en konurnar, sem
eru annars í helstu aðalhlutverkum
beggja vegna borðs, koma sínum
hlutverkum vel til skila, þó að sumt
sé ofleikið og yfirdrifið.
Það er vitað mál að víða er pottur
brotinn í samfélagi þjóðanna. Í þess-
um þríleik tekur Lilja fyrir nokkur
sakhæf mál, sem hafa verið ofarlega
á baugi hér og víða erlendis, og
spennandi verður að sjá hvernig hún
hnýtir hnútana í þriðju og síðustu
bókinni.
Netið farið að
þrengjast hjá Lilju
Skáldsaga
Netið bbbmn
Eftir Lilju Sigurðardóttur. 353 bls. JPV-
útgáfa 2016.
STEINÞÓR
GUÐBJARTSSON
BÆKUR
Orri Páll Ormarsson
orri@mbl.is
Rokkstjörnur sjötta áratugarins
munu troða upp á Hótel Gríms-
borgum næstu fjórar helgar, föstu-
dag og laugardag. Fyrstu tónleik-
arnir verða í kvöld. Hótelstjórinn,
Ólafur Laufdal, hefur sjálfur valið
sex flytjendur en þeir eru: Garðar
Guðmundsson, Þorvaldur Hall-
dórsson, Helena Eyjólfsdóttir, Þór
Nielsen, Bertha Biering og Rúnar
Guðjónsson en öll eru þau í hópi
frumherja rokksins á Íslandi.
Kynnir verður Ómar Ragnarsson
og eflaust þarf ekki að snúa upp á
handlegginn á honum svo hann taki
líka lagið. Auk þess að tilheyra þess-
ari kynslóð skemmtikrafta var Ómar
mikilvirkur textahöfundur á þessum
sokkabandsárum rokksins.
Tónlistarstjóri og útsetjari er
Birgir Jóhann Birgisson og Kristinn
Svavarsson mun leggja hönd á sax.
Að sögn Garðars Guðmundssonar
eru tuttugu lög á efnisskránni, mest
erlendir rokkstandardar. „Þetta er
bara gamla góða rokkið. Lög sem er
alltaf jafn gaman að syngja,“ segir
hann. Rokkararnir syngja hver í
sínu lagi en Helena og Þorvaldur
syngja þó dúett. „Þau syngja Ég tek
hundinn. Það lag fylgir þeim alltaf,“
segir Garðar.
Fyrir eldra fólk og yngra
„Þessi dagskrá er hugsuð jafnt
fyrir erlenda gesti hótelsins og Ís-
lendinga sem vilja heimsækja okkur
af þessu tilefni, hvort sem þeir koma
lengri veg eða skemmri. Sjálfsagt
höfðar þetta meira til eldra fólksins
en við viljum endilega ná til þeirra
sem yngri eru líka,“ segir Ólafur
Laufdal.
Garðar segir alltaf nóg að gera hjá
sér í rokkinu; hann var til dæmis að
syngja í verslanamiðstöðinni Firði í
Hafnarfirði í gær. Sama má segja
um Þorvald og Helenu sem tóku þátt
í að heiðra minningu Ingimars Ey-
dals á Akureyri um síðustu helgi en
80 ár eru liðin frá fæðingu hans.
„Vonandi kemur sú sýning sem fyrst
hingað suður,“ segir Garðar.
Ólafur Laufdal átti frumkvæði að
því að efna til Rokkhátíðar á Broad-
way 1983 sem varð til þess að treysta
böndin milli gömlu rokkaranna sem
halda hópinn og hafa komið reglu-
lega fram síðan. Síðast í Salnum í
Kópavogi snemma á síðasta ári.
Garðar fullyrðir að nú fari hver að
verða síðastur að sjá frumherja
rokksins. „Við erum öll að verða ríg-
fullorðin,“ segir hann og hlær. „Á
næsta ári verða sextíu ár liðin frá
upphafi rokksins hér á landi og fyrir
vikið vel við hæfi að ljúka þessu þá.
Það er ekki fast í hendi en ef söngv-
ararnir vilja og geta þá vonumst við
til að verða með tvær sýningar í
Salnum á næsta ári og láta síðan
staðar numið.“
„Nú fer hver að verða
síðastur að sjá okkur“
 Frumherjar rokksins koma fram á Hótel Grímsborgum
Morgunblaðið/Eggert
Frumherjar Kristinn Svavarsson, Birgir Jóhann Birgisson, Bertha Biering, Garðar Guðmundsson, Rúnar Guð-
jónsson, Þór Nielsen, Helena Eyjólfsdóttir og Þorvaldur Halldórsson. Ómar Ragnarsson var fjarverandi.
Nemendur myndlistardeildar
Listaháskóla Íslands standa að
sýningunni Biðstofan en um er að
ræða tilraun til þess að nálgast op-
inbert rými Landspítalans, bið-
stofu röntgendeildarinnar, og hafa
nemendur unnið að margvíslegum
verkum sem á einn og annan hátt
eiga uppruna sinn í athugunum á
eiginleikum rýmisins. Verkin eru
sérstaklega unnin með biðstofuna í
huga, en biðstofan er bæði áhuga-
vert rými út frá arkitektúr húss-
ins, og samfélagslegu hlutverki. Í
rýminu á sér stað bið, á ólíkum
stöðum, og í ólíkum tilgangi.
Unnið með röntgendeildinni
Nemendur unnu verkin út frá
skoðun sinni á deildinni, og bið-
stofunni. Í samstarfi við Steinunni
Erlu Thorlacius, aðstoðardeildar-
stjóra röntgendeildar, sóttu nem-
endur kynningar á starfsemi deild-
arinnar og fengu að kynnast starfi
deildarinnar og hinum fjölbreyttu
aðferðum geislafræðinnar.
Þáttakendur í námskeiðinu eru
nemendur á 2. ári í BA námi við
myndlistardeild Listaháskóla Ís-
lands, ásamt BA og MA gestanem-
endum frá Det Fynske Kunst-
akademi í Árósum,
Kunsthögskolen Valand í Gauta-
borg, Listaháskólanum í Mexíkó-
borg, Listaháskólanum í Vilníus
og Kunsthögskolan í Umeå, Sví-
þjóð.
Morgunblaðið/Eggert
Bið Á biðstofu lækna og spítala er
margt áhugavert að sjá.
Biðstofa
lista og
lækninga
ÞÚ FINNUR ALLT Á FINNA.IS
VANTAR
ÞIG
PÍPARA?
Íslensku
þjónustufyrirtækin
eru á finna.is