Morgunblaðið - 08.11.2016, Blaðsíða 10

10 FRÉTTIRInnlent
MORGUNBLAÐIÐ ÞRIÐJUDAGUR 8. NÓVEMBER 2016
Sími 555 2992 og 698 7999
Hátt hlutfall Omega 3 fitusýra
Gott fyrir:
• Maga- og þarmastarfsemi
• Hjarta og æðar
• Ónæmiskerfið
• Kolesterol
• Liðina
Læknar mæla með selaolíunni
Selaolían fæst í: Apótekum, Þín verslun Seljabraut, heilsuhúsum, Fjarðarkaupum, Fiskbúðinni Trönuhrauni, Hafrúnu og Melabúð
Óblönduð
– meiri virkni Selaolía
Ég heyrði fyrst um Selaolíuna í gegnum kunningja minn en
konan hans hafði lengi glímt við það sama og ég, - stirðleika
í öllum liðum og tilheyrandi verki. Reynsla hennar var það góð
að ég ákvað að prufa. Fyrstu tvo mánuðina fann ég litlar
breytingar, en eftir þrjá mánuði var ég farin að geta gengið
niður stiga á vinnustað mínum sem ég hafði ekki getað
áður. Ein góð „aukaverkun“ fylgdi í kjölfarið, ég var
með frekar þurra húð um allan líkamann, en eftir
að ég fór að nota Selaolíuna hvarf sá þurrkur og
húð mín varð silkimjúk. Ég hef nú notað
Selaolíuna í eitt og hálft ár og þakka henni
bætta líðan og heilsu.
Guðfinna Sigurgeirsdóttir.
„Eftir þrjá mánuði var ég farin að geta gengið niður stiga
á vinnustað mínum sem ég hafði ekki getað áður.“
Sjö íslensk fyrirtæki í sjávarútvegi
kynna vörur sínar og þjónustu í Múr-
mansk í Rússlandi í næstu viku.
Fram undan er mikil uppbygging á
rússneska fiskiskipaflotanum í Bar-
entshafi og einnig í fiskvinnslu í landi.
Því eru talin veruleg sóknarfæri á
þessum slóðum, að sögn Ernu
Björnsdóttur, verkefnastjóra hjá Ís-
landsstofu.
Ferðin er farin að frumkvæði
sendiráðs Íslands í Moskvu, en Berg-
lind Ásgeirsdóttir, sendiherra í Rúss-
landi, verður með erindi á alþjóðlegri
ráðstefnu sem haldin verður sömu
daga í Múrmansk. Þar verður áhersla
lögð á málefni tengd norðurslóðum.
Þrátt fyrir viðskiptabann á fisk eru
engar hindranir á sölu á tækni og
búnaði til fiskveiða og -vinnslu til
Rússlands. Í Múrmansk tók stór-
fyrirtækið Karat nýlega í notkun fisk-
vinnslustöð sem m.a. notar „ofurkæl-
ingu“ frá Skaganum.
Fyrirtækin sem kynna starfsemi
sína í Múrmansk eru Skaginn, Marel,
Hampiðjan, verkfræði- og ráðgjafar-
fyrirtækið Navis, Naust Marine, sem
kynnir togvindur, Borgarplast, sem
m.a. framleiðir kör, og Sjógull, sem er
í fyrirsvari fyrir nokkur minni fyrir-
tæki.
Íslensk fyriræki minna á sig
Að sögn Ernu gefst forsvarsmönn-
um fyrirtækjanna tækifæri til að
hitta tengiliði sína í Múrmansk og
fulltrúa frá samtökum fyrirtækja í
sjávarútvegi á svæðinu, en einnig
háttsetta menn í rússneska stjórn-
kerfinu. Hún segir að Norðmenn hafi
verið mjög vakandi fyrir auknum
verkefnum við Barentshafið, en nú
gefist íslenskum fyrirtækjum tæki-
færi til að minna á sig. aij@mbl.is
Sóknarfæri í Rússlandi
 Sjö sjávarútvegsfyrirtæki kynna starfsemi sína í Múrmansk
Morgunblaðið/Jim Smart
Í Hafnarfirði Endurnýjun er sögð framundan í rússneska togaraflotanum,
en á undanförnum hafa margir þeirra komið með fisk að landi í Hafnarfirði.
Ingveldur Geirsdóttir
ingveldur@mbl.is
Sérstakur flóttamannaáfangi verð-
ur kenndur við Fjölbrautaskóla
Suðurlands á Selfossi (FSU) eftir
áramót. Helgi Hermannsson fé-
lagsfræðikennari stendur fyrir
mótun hans en Helgi kom í fyrra-
dag heim frá eyjunni Lesbos á
Grikklandi þar sem hann skoðaði
flóttamannabúðir.
Var sú ferð farin í gegnum Eras-
mus plús samstarfið en nokkrir
evrópskir skólar tóku sig saman og
ákváðu að setja á laggirnar þriggja
ára verkefni þar sem flóttamenn
og líf þeirra er skoðað. Í verkefn-
inu taka þátt tveir skólar frá
Grikklandi, annar frá Lesbos og
hinn frá Aþenu, einn skóli frá Prag
í Tékklandi, háskóli í Dresden í
Þýskalandi, annar frá Ríga í Lett-
landi og einn frá Ítalíu auk FSU á
Íslandi.
Skoðuðu Moria-búðirnar
„Verkefnið gengur út á að safna
upplýsingum um flóttamenn og
flóttamannabylgjuna, hitta flótta-
menn og heyra sögu þeirra og
fræðast um þau
vandamál sem
þeir verða fyrir í
löndunum sem
þeir koma til,“
segir Helgi.
Fyrsta skrefið
var að fara til
Lesbos, þar sem
fulltrúar frá
skólunum hitt-
ust, og fá innsýn
í líf flóttamanna. „Við fengum fund
með björgunarfólki og frjálsum fé-
lagasamtökum sem hafa verið að
bjarga flóttamönnum, og foreldra-
samtökunum í skólanum í Lesbos.
Það eru þrennar flóttamannabúðir
starfræktar á Lesbos og við feng-
um að skoða þær allar. Þær al-
ræmdustu eru Moria og er þeim
stjórnað af grísku lögreglunni. Við
fengum leyfi til að heimsækja búð-
irnar vegna þess að einn í hópnum
sér um kennslu flóttamannabarna.
Þarna eru víggirðingar og vopn-
aðir verðir úti um allt, fólk liggur í
tjöldum á götunum og þarf að bíða
í 2 til 3 klukkustundir í röð eftir
mat. Það var sjokkerandi að sjá
hvernig aðbúnaðurinn var. Aðrar
flóttamannabúðir heita Kara Tepe
og eru reknar af sveitarfélaginu og
eru miklu manneskjulegri. Þangað
fer fólk sem er búið að fá skrán-
ingu í Moria. Svo eru litlar flótta-
mannabúðir rétt hjá höfuðborginni
reknar af frjálsum félagasam-
tökum en þangað fara þeir sem eru
veikir og geta ekki þrifist í hinum
búðunum,“ segir Helgi.
Nú dvelja um 5.400 flóttamenn á
Lesbos en þeim flóttamönnum sem
koma þangað hefur fækkað mjög
mikið að undanförnu. Helgi segir
að allir sem rætt var við hafi verið
mjög reiðir vegna aðstæðnanna í
Moria-búðunum. Þá hafi verið
áhugavert að ræða við heimamenn
á Lesbos en þeir hafi miklar
áhyggjur af afdrifum sínum vegna
flóttamannastraumsins undanfarið,
ferðamönnum hafi fækkað um
helming og að auki hafi ólífuupp-
skeran brugðist í sumar vegna við-
varandi þurrka.
Stuðningur við flóttamenn
Helgi notar nú reynslu sína af
heimsókninni til Lesbos við mótun
á flóttamannaáfanganum. „Ég ætla
að reyna að fá ungmennin til að
skilja aðstæðurnar og gera eitt-
hvað í þeim og dreifa þekkingunni
út í samfélagið. Það er áætlað að
það komi flóttamenn til Selfoss eða
Hveragerðis fljótlega og því ekki
ólíklegt að það komi flótta-
mannabörn í skólann. Áfanginn
yrði stuðningur við þau og þá eiga
nemendur að búa til upplýsingar
fyrir flóttamennina og styðja við
þá.“
Í apríl koma kennarar og nem-
endur úr þeim skólum sem eru
með í Erasmus plús verkefninu til
Íslands og verður sett upp vinnu-
stofa í FSU. „Verkefnið er til
þriggja ára og endar á stórri sýn-
ingu í Prag á allri vinnu sem þátt-
takendurnir hafa unnið,“ segir
Helgi.
Flóttamannaáfangi í framhaldsskóla
 Helgi Hermannsson, kennari við FSU, skoðaði flóttamannabúðir á Grikklandi  Mótar áfanga sem
á að fræða nemendur um flóttamenn  Vinna upplýsingaefni fyrir flóttamenn sem koma til Íslands
Ljósmynd/Helgi Hermannsson
Frá Lesbos Samferðamenn Helga ræða við barn í Kara Tepe-búðunum.
Þær flóttamannabúðir eru miklu manneskjulegri en Moria.
Helgi
Hermannsson
„Það er býsna milt að sjá þessa vik-
una og það er hugsanlega laugar-
dagur sem myndi kólna með slyddu
og snjókomu fyrir norðan en það
væri bara nokkurra klukkutíma
sýnishorn. Á sunnudaginn er útlit
fyrir að komin verði hvöss sunn-
anátt með rigningu og hlýindum
aftur,“ sagði Óli Þór Árnason, sér-
fræðingur hjá Veðurstofu Íslands í
samtali við Morgunblaðið í gær.
Nýliðinn októbermánuður var sá
hlýjasti síðan mælingar hófust fyrir
um 170 árum og virðast hlýindin
ætla að teygja sig vel inn í nóv-
ember. Í gær var hitinn víða átta til
fjórtán stig og reis hæst í tæplega
átján stig á Vopnafirði. Fyrri hluta
október var öflug hæð yfir Skandin-
avíu sem viðhélt sunnanáttum en
Óli Þór rakti undanfarin hlýindi
suður til Spánar.
„Hæð sem er vestan við Spán
stýrir lægðunum norður eftir til
okkar og meðan þær fara fyrir vest-
an land fáum við veruleg hlýindi frá
þeim. Það þarf ekki mikið að bera
út af til að þær fari austur fyrir land
og þá er hætta á að það komi norð-
anátt í kjölfarið. Þá kemur kaldara
loft og gæti farið að snjóa en það er
ekki að sjá að það gerist að neinu
marki, allavega ekki næstu vik-
una,“ sagði Óli Þór. Hann sagði að
spáin næstu tíu daga gæfi enga
verulega snjókomu til kynna á höf-
uðborgarsvæðinu en hinsvegar
væru blikur á lofti. tfh@mbl.is
Engin merki um
snjó á næstunni
 Hitinn fór í 18 gráður á Vopnafirði
Mynd/Veðurstofa Íslands
Hlýindi Suðlæg átt hefur haldið
norðanáttinni í skefjum.