Skagfirðingabók - 01.01.2005, Side 168

SKAGFIRÐINGABÓK
hafði hann verið tekinn strax og farið með hann fram á skip og
hann háttaður. Daginn eftir hafði hann verið ansi slappur og
fór þá ekki á fætur.
Ekkert bar sérstakt til tíðinda á Vestfjörðum. Á flesta firðina
var komið, en viðdvöl alstaðar lítil. Þegar kom á Breiðafjörð
fór að versna veðrið. Var grimmhvasst þegar komið var í
Stykkishólm en sjólítið. Var það um kvöld sem komið var
þangað. Bryggja er í Hólminum svo fólk fór margt í land til að
lyfta sér upp og hrista af sér skipsrykið. Fór ég þar í land og
komst fyllilega að því að gestgjafmn þar kunni svo vel að selja
greiða að bæði Halldór sem var í Bakkaseli og Gísli Gúm eru
eins og smábörn hjá honum þegar til greiðasölu kemur.7 Ég
bað um mjólk og brauð, og var mjólkin í staupi sem áreiðan-
lega tók tæpan pela og tvö stykki af brauði með og kostaði
þetta eina krónu. En ef staupið var keypt sérstaklega með
mjólkinni kostaði það 50 aura. Potturinn kostaði því eftir
þessu röskar 2 krónur. Hugsa ég að þessi gestgjafi setji met í
mjólkursölu hér á landi. Morguninn eftir fór Esja frá Stykkis-
hólmi og til Flateyjar. Sá ég margt af fé á beit þar í eyjunum í
kring. Heyra þær Flatey til. Var þá ekki farið að taka fé þar,
enda eyjarnar rauðar. Annars var snjórinn mikið minni eftir
því sem vestar og sunnar dró. Skipið fékk ansi hvasst frá
Stykkishólmi og alla leið til Reykjavíkur. Það fór að nóttu til
fyrir Snæfellsnes. Var þá það verst sem það fékk á suðurleið.
Vaknaði ég þá um nóttina við að það var farið að stingast mik-
ið. Og heyrist mér renna vatn eftir ganginum fyrir framan
dyrnar. Ég rís svo upp og opna hurðina. Sé ég þá að nokkurt
vatn er á ganginum, því ljós er á göngunum alla nóttina. Kalla
7 Gísli Guðmundsson (1870-1948) rak Hótel Tindastól um árabil. Sjá t.d.
Kristmundur Bjarnason: Saga Sauðárkróks II, Sauðárkrókur 1971, bls. 34-35.
Halldór Jóhannsson fluttist að Bakkaseli árið 1920 og var þar til 1926. Á
hans tíma hófst greiðasala í Bakkaseli. Sjá Eiður Guðmundsson: Búskaparsaga í
Skriðubreppi forna, Akureyri 1983, bls. 24.
166