Skagfirðingabók - 01.01.2005, Side 185

FERÐAMINNINGAR FRÁ 1926
stórt og mjög merkilegt. Það er í sal í húsi hans. Sumar lík-
neskjurnar eru afar stórar. Ein með stærstu líkneskjunum er af
útilegumanni með barn. Margar líkneskjurnar tákna hug-
myndir sem listamaðurinn hefur svo mótað í gifs. Annars
fannst mér stórfurða hvílíku kynstri einn maður hefur þar af-
kastað. Mun óhætt að segja að safn Einars sé honum til ódauð-
legs sóma og landinu til stórfrægðar.
Tryggvi Magnússon sýndi mér heima hjá sér, það sem hann
átti nú óselt. Var það talsvert af andlitslíkneskjum úr gipsi.
Annars gerir hann nú mest af því að teikna grínmyndir í blöð-
in í Reykjavík. Þykir hann mjög góður við það. Einn daginn
tók ég mér ferð á hendur um bæinn og nágrennið. Fékk ég til
fylgdar Jón Nikulásson læknanema. Er hann Vopnfirðingur.21
Fórum við meðal annars upp að Landsspítalanum. Er það af-
skaplega mikil bygging en ekki er hægt að segja annað en mik-
ið sé eftir við hana enn. Hann er þó að mestu leyti kominn
upp að veggjum. Nokkuð víða í milligerðum inni í honum
höfðu verið brotin stykki burtu og var ekki búið að steypa þar
enn. Því eins og menn rekur minni til reyndist sumt af steypu-
efninu ónýtt, þannig að steypan harðnaði ekki. Voru þau stykki
brotin burtu. Menn voru nú bæði við smíðar og líka var verið
að steypa ofan á dálítinn part. Var hræran tekin úr hrærivél-
inni í hjólbörur og þær svo halaðar um leið upp á húsið, og
hvolft svo úr þeim í mótið. Fóru aðrar börur tómar niður þeg-
ar hinar fóru fullar upp. Gekk verkið að sjá mjög rösklega.
Frá Landsspítalanum lögðum við svo leið okkar fram hjá
Gróðrarstöðinni. Verð ég að segja að mér þótti lítið til hennar
koma samanborið við Gróðrarstöðina á Akureyri. Þaðan fór-
um við svo og yfir Tjörnina á brúnni. Var þá mesti sægur af
börnum á Tjörninni. Máttu menn vera hjá þeim til að gæta
21 Jón Nikulásson (1897-1984) var fæddur á Hrafnabjörgum í Jökulsárhlíð
árið 1897. Hann starfaði lengst af sem læknir í Reykjavík. Sjá Lœknar á ís-
landi II, Rvík 2000, bls. 890.
183