Tímarit hjúkrunarfræðinga - 01.02.1997, Qupperneq 24

Stefnumótun
Spurt var hvort unnið hefði verið að stefnumótun í hjúkrun
á stofnuninni á árinu 1995 og 1996. Eins og sjá má á mynd 1
höfðu 16 % heilsugæslutöðva, 42 % sjúkrahúsa utan Reykja-
víkur, 44 % sjúkrahúsa í Reykjavík og 17 % hjúkrunarheimila
unnið að hugmyndafræði hjúkrunar á þessu tfmabili. Um 30-
60% sjúkrahúsa höfðu unnið að markmiðum stofnunar og
markmiðum deilda.
Mynd 1 Stefnumótun á stofnunuin
Þróunarstarf
Spurningu um þróunarstarf tengt gæðamálum í hjúkrun
svöruðu 65% heilsugæslustöðva játandi, öll sjúkrahúsin (100
%) og 83% hjúkrunarheimila, sjá töflu 1. Eins og sjá má á
mynd 2 var unnið að margvíslegum þróunarverkefnum á
stofnununum. Hæst ber þó þróunarstarf varðandi skráningu
hjúkrunar, en 42% heilsugæslustöðva, 67% sjúkrahúsa utan
Reykjavíkur, 88 % sjúkrahúsa í Reykjavík og 50% hjúkrunar-
heimila höfðu unnið að þróunarverkefnum þar að lútandi.
Spurt var sérstaklega um þróunarstarf við gagnasafn um mat á
húsnæði og aðbúnaði íbúa á öldrunarstofnunum og höfðu 75%
af þeim hjúkrunarheimilum, sem svöruðu, unnið að slíku
gagnasafni. Einnig var áberandi hversu margir, hlutfallslega,
höfðu unnið að gerð aðlögunarprógramma og ýmiss konar
fræðsluverkefna, sjá mynd 2.
Auk þeirra þróunarverkefna, sem koma fram á mynd 2,
voru hjúkrunarfræðingar að vinna að fjölmörgum öðrum
verkefnum með það að markmiði
að efla gæði hjúkrunar svo sem
heilsueflingu, móttöku sjúklinga,
útskrift sjúklinga, foreldra-
fræðslu, neyðarmóttöku vegna
nauðgana, upplýsingamiðstöð um
eitranir og eflingu hjúkrunar-
rannsókna svo eitthvað sé nefnt.
Klínísk verkefni
Um 75 - 80 % sjúkrahúsa og
heilsugæslustöðva hafa (höfðu á
tímabilinu) unnið að klfnískum
verkefnum, sem tengjast umbóta-
eða gæðastarfí, og rúmlega
þriðjungur hjúkrunarheimila, sjá
töflu 1. Verkefnin voru af ýmsum
toga. Á heilsugæslustöðvum hafa
klínfsk verkefni flest verið á sviði
forvarna og slysavama (55 % og á 58 % heilsugæslustöðva), en
þar hafa einnig verið verkefni um vímuefnaneyslu, brjóstagjöf,
óværð ungbama, fjölskyldufræðslu, áfallahjálp og sárameðferð.
Á sjúkrahúsum í Reykjavík hafa t.d. verið klínísk verkefni í
gangi um verkjameðferð (49 %) og sárameðferð (38 %) en
einnig um áfallalijálp, lyfjagjöf, slysavarnir og fjölskyldu-
fræðslu. Sjúkrahús utan Reykjavíkur hafa einnig sinnt
verkefnum um sárameðferð (42 %), áfallahjálp (42 %),
t
Mynd 2 Þróunarstarf tengt gædaniáluni í hjúkrun
TfMARIT HJÚKRUNARFRÆÐINGA 1. thl. 73. árg. 1997